泰串 觀塘

泰串 評價 相片

第一次到這餐廳,極失望,不會再來。

小食拼盤: 不論味道,款式都很差。

春卷是平時與咖喱角同食的港式春卷,雞翼乾又燶,蝦餅厚粉又燶,沒有蝦餅味。

另有疑似魚餅(食完都唔知係咩)。

相比之下,蝦片是最好食。

黃咖喱大蝦包: 性價比極低。

大蝦有4隻,但蝦沒有味道又很乾,難吃。

咖啡汁味道尚算ok,但汁很少,所以麵包也很乾。

青咖哩雞: 食材不多,味道ok,但也稱不上好食。

牛油薄餅: 味道正常。

飲品:咸檸7:正常味道。

龍眼冰: 難飲,只有糖水味。

第一次在餐廳,嘗了那麼多難食的菜式,很難忘。

不會再有下一次。

同呀妹兩個人諗左好耐好耐終於決定到食泰國嘢！即管跟佢泥試下⋯生蝦刺身 泰國菜必食，8點來到就得返最後一碟，看上去隻隻都算幾大隻，個酸辣醬好味，食落都夠爽但未算好新鮮，純粹辣味蓋過，過得去！豬肉生菜包 味道上ok有麻油味有鑊氣，生菜新鮮爽脆，但呢味肉碎完完全全係肥多過瘋瘦，肥瘦分明，忍唔住想分返啲肥豬肉出泥先食！太肥嘅關係扣分！乾炒肉片牛河 同樣夠鑊氣，如果用幼啲嘅河粉會較好較入味（希望啲甘荀片唔係生蝦個邊收集返泥嘅啦，因為見佢地好有心思，無論冷盤熱盤都有櫻花形甘荀片嫁）牛肉串燒最後先來串燒，如果想有個唔開心嘅finishing就勇敢地嗌啦，啲牛肉靭靭地得泥係好大陣煙味，仲要加埋個麻麻地嘅沙嗲汁，對於今日整體大打折扣！椰青最新鮮好飲 嗌得過！

得知放工要到街市吃泰菜, 本來不抱任何期望, 誰知處處有驚喜。

甫入眼簾的是黑白波點枱布&磚紋牆身，街市熟食檔來說, 真算有心思！先點了一份泰式生蝦刺生做頭盤。

平日夾蒜片&辣椒粒吃得多，今次再連涼瓜片同吃，口感清新,  而且絲毫不苦！！再來一碟白灼螄蚶 ，很鮮嫩！最特別是那個鉗，一夾，殼已開，食得非常方便！最後冷盤 酸辣去骨鳳爪沙律 。

味道不錯，平時怕生洋葱的我，今次竟然入到口！鳳爪入味，配菜好易入口，兩者份量平衡，辣味在口裡慢慢累積，讚！！來到熱葷，先來一條鹽燒鰂魚。

平日條魚大到幾乎見唔到隻碟家嘛，今日竟然咁細條！不過2個人食，算啦！魚肉勁滑，配泰汁吃固然風味獨到，但我個人有個慣癖，喜歡將魚肉滑過魚肚裡的泰式配料&魚皮上的鹽來吃。

微微咸味加上魚肉嫩滑鮮甜，別有一番風味！SEE~~ 看見嗎？嫩粉紅的生魚肉的緊貼住骨，這條魚只是僅僅熟！！ 嫩滑魚肉就是這樣煉成的！！ 大廚勁！最後點了一個豬頸肉生菜包。

味道其實OK，不過個人喜歡較惹味的肉碎生菜包！第一次飲泰啤。

。

Er... 我覺得好似同平時既啤酒無咩分別咁既。

。

請高人賜教！其實佢係比較濃味既啤酒，食泰國嘢飲泰啤啱feel啲嘛！

母親節諗住做孝順女同媽媽飲茶，點知佢話朝早約左朋友，跟住主動話想食泰國菜，仲話聽朋友講觀塘瑞和街街市有間好好味，於是我地母親節晚上就去左食泰國菜啦。

上到街市嘅熟食中心發現有兩間泰國菜，但其中一間無開，最後決定試泰串。

話晒係母親節正日，我地去到已經滿座，有兩三台等緊位，有冷氣開放唔會熱。

不過我地去到都無職員問幾人啊咁，只係企係門口排隊。

等左15分鐘左右，突然間有個姐姐話餐廳出面都可以坐，不過無冷氣，我地聽到唔使再排已很開心，無冷氣都無所謂。

之後姐姐遞上點菜單，我地3個人叫左4個餸3杯野飲，包括：泰式生蝦刺身、豬頸肉生菜包、泰式炒金邊粉、串燒沙爹牛肉、椰青同兩杯凍飲，跟住就開始慢長嘅等待。

。

最先到嘅係串燒沙爹牛肉，本身覺得間野叫泰串，串燒應該唔會差得去邊，點知D牛肉好韌，應該燒得太耐，而且點埋醬都唔重沙爹味。

可能過節太忙，我地等左成10幾分鐘之後見仲未有野食到，野飲都係黎左一杯，於是就吹吹個侍應，點知無耐換左個人同我地講話無晒椰青，問我地轉咩野飲，我地就叫佢再俾張單我地睇下，但一去無回頭⋯⋯食完牛肉串好耐之後黎左個生菜包，D生菜都幾翠綠，感覺新鮮。

另外，D豬頸肉香料味突出，可惜偏辣，食完好想飲野，可惜仲未有野飲⋯⋯食完又等了良久，終於黎左碟金邊粉！但一食落口覺得好咸，完全感覺唔到酸甜味，似港式炒河多D，頗失望！食完金邊粉，最後就剩返鮮蝦刺身，我地繼續等了又等，終於忍唔住問侍應幾時有，點知得到嘅回覆係賣晒，由於個職員好誠肯咁講，我唯有報以微笑講聲唔緊要，唔夠飽嘅我地再追加左個無骨鳳爪沙律同茫果糯米飯。

個泰式鳳爪都係偏辣，好微弱嘅酸味，我地食左兩三隻已不停飲野（野飲係食緊金邊粉嘅時候到左）。

食完咁多野，我地已經對個茫果糯米飯無咩期望，只係諗住填飽個肚快D走。

不過一食先發現原來個糯米飯係最好食架！D糯米好軟熟煙韌，配埋少少咸咸地嘅椰汁真係好好好味，而且個茫果係凍嘅，又熱又凍刺激味蕾，我地好快就食晒。

成餐飯我地覺得好似食緊法國菜嘅，每樣野都上得好慢⋯⋯唯一可以讚嘅係D侍應好nice！

有日同朋友在官塘聚會，佢點名要食泰國菜。

我唯一記起街市上面食物亭有春天泰國菜。

我與他一齊搭扶手電梯上到四樓。

四樓混雜有些大排擋，我以前食間抵食泰菜變了難煲。

唯有行前二步食間新野「泰串」。

我一入到去地板夾雜沙石，感覺不太衛生。

其實以佢這個價錢，一d 都不平，我相信可以坐得舒服些。

泰式炒金邊粉～買相可以，份量適中，但完全雞醬味道，不辣呀！係熱但無鑊氣。

泰式鳳瓜～不酸不辣，味道竟然係咸😫,你話係咪估你不到。

炸🦐餅好彩係熱但太多粉無曬蝦肉味。

😟我估我唔會再去，寧願行遠少少食另外一間泰國菜。

泰串餐單提供泰國菜, 大牌檔等推介美食位於觀塘區，餐廳座位數未知人均消費約$101-200，結賬可以用現金，Booking訂位可以電話致電 23101323 查詢。

您對於觀塘餐廳「泰串」有何 comment？

泰串餐廳詳細資料：

• 泰串地址:
  觀塘瑞和街9號瑞和街街市4樓2-4號舖
  Thai BBQ, Shop2-4,4/ F, Shui Wo Street Market,9 Shui Wo Street, Kwun Tong
• 泰串電話: 23101323
• 泰串價錢: $101-200
• 分類: 泰國菜, 大牌檔
• 座位: 未知
• 付款: 現金
• FB專頁: 泰串 Facebook

更多泰串相關資料:

• 泰串分店
• Youtube
• Facebook
• Twitter
• Google