Latent Image by Eddie 觀塘
最後更新:
Latent Image by Eddie推介
攝影影樓x型格咖啡店─學生桌椅、原始木材傢俱、店主黑白攝影作品、以相機及畫框點綴的混凝土牆，格調簡約；供應各地精品咖啡及特色自家製蛋糕甜品，必試新鮮冰滴咖啡、咖啡撻。適合包場舉行私人派對，可安排攝影服務。
觀塘Latent Image by Eddie
| 餐廳分店 | Latent Image by Eddie |
|---|---|
| 地區 | 觀塘 |
| 電話訂位 | 沒有電話提供 |
| 餐單 Menu | 西式, 麵包店, 樓上cafe |
| 人氣指數 | 929 |
| 價錢幾錢 | $51-100 |
Latent Image by Eddie訂位位於觀塘區，詳細地址是觀塘觀塘道396號毅力工業中心10樓D室，餐廳寬敞座位數目共有15個。Latent Image by Eddie幾錢？價錢優惠後人均消費大約$51-100埋單，早餐午餐晚餐Latent Image by Eddie餐單包括有西式, 麵包店, 樓上cafe等美食，付款方式有現金付款。
Latent Image by Eddie優惠
Latent Image by Eddie 評價 相片
環境：由影樓華麗轉身變成間cafe，課室桌椅加上學生簿做menu，充滿校園氣息。
今個月只會喺星期六開門，所以好多食物飲品都冇預備到，可惜可惜，諗住試吓啲甜品添....Photographer's signature($36)：即係Americano+Chocolat rouge wine... 聞落好似苦茶，有啲山草藥味，咁得意嘅？！如果你唔講呢，真係唔會覺得呢杯係咖啡喎！但飲嘅時候又冇苦茶嘅苦味喎，咖啡味香濃但又唔覺有酒味喎，如果酒味重少少會好啲！Earl grey($24)：冇我最愛嘅Mocha，唯有叫杯earl grey飲吓，冇乜特別聽住柔和嘅廣東歌，嘆下午茶，舒服到不得了，最美中不足爭件cake.... 原來個喇叭價值30萬，真係要洗耳恭聽啊...其實嚟呢度除咗係想睇睇影樓cafe外，最重要嘅就係想試吓今個月個promotion！。
憑任何消費+$20，即可以到樓下黑房親自沖曬一張黑白相。
由投影照片去相紙，再浸藥水，由風乾到完成，當而家所有野都講求數碼嘅時候，仲會有幾多人有心去逐張逐張相曬出嚟？！而家嘅人每日用電話影幾多張相，但你哋又知道以前影相係幾咁矜貴嗎？Eddie搞呢個活動其實都係想保存攝影藝術，等大家真真正正認識攝影背後嘅意義，欣賞黑房入面嘅樂趣。
今個月周末得閒嘅話，不仿嚟呢度體驗吓，會係一個幾有趣嘅經歷！
觀塘呢間既係影樓、又係咖啡店既私密小店，係我一直想試的小店之一。
友人於面書分享小店既報導，先知原來幾乎全港雜誌報紙、電台電視台都訪問過攝影師店主，期待！小店開周四至六。
位置都幾隱密，入到去確係令人驚艷。
周四下晝客人不算多，有一枱三、四個女仔gathering，又有d情侶黎拍拖影下相，我就同朋友坐bar枱。
店內裝修好清新，灰色水泥牆加湖水綠學生枱，另一邊係原木bar枱，難得堅持空間感，驚喜！友人技癢四圍影相，借其靚靚作品同大家share。
我地點左夾餅配雪糕、焦糖燉蛋、咖啡撻，飲品就選了cappuccino同冰滴。
自家製夾餅配咖啡雪糕夾餅加左亞麻籽同olive oil，健康不膩，蛋香濃，上面有濃滑朱古力漿同自製咖啡雪糕，雪糕同香脆夾餅配搭得宜！原味焦糖燉蛋燒焦既糖片好香，店員解釋係用庶糖，額外清甜；入面就軟綿綿，濃郁蛋香同奶香。
咖啡撻其他食評大力推介咖啡撻，餅底鬆脆，混合即磨espresso、蛋白、忌廉既topping好滑，賣相尚可，但內涵非常驚喜，有水準。
店雖小但用料唔馬虎，咖啡甜品用即磨espresso而非一般咖啡精油，所以帶咖啡獨特既甘香！Cappuccino咖啡上枱時見無供應糖，老闆話建議客人先試加糖前既咖啡甘香同奶香；一試果然唔係想像中既苦，奶泡好甜滑而咖啡好甘香！係我首次無加糖飲咖啡！冰滴咖啡店員介紹冰滴咖啡係用精品豆製作，8個鐘先滴到4杯份量，最好玩係有得選豆，友人選了哥倫比亞冰滴，帶檸檬香橙果味，既甜又濃。
放假，總想休閒享受！奈何在觀塘區，原來要找個談心的落腳點卻不易！東翻西找下，到了一間位於觀塘工廈里的另類咖啡店！．．．說她另類，小店本來就是一間攝影工作室，放了不少拍照的小擺設，里面只有三組不同款式的椅桌！我倆用餐的桌椅，就是中學讀書時用的那種，不禁令人想起讀書時的回憶呢！（笑）光顧前，特意致電查詢有否鹹食，如：三明治、沙律...接電話的那邊有禮跟KsMeow說，還是吃飽再過來喝咖啡吧！店子除咖啡外，就只有極少量咖啡味甜點！．．．天氣有點冷，薑味拿鐵（$38）推薦度滿高的，就點她吧！下單時，店員還細心問及對薑味的濃淡要求呢！薑味的確濃而不嗆，奶泡打得綿細而滑！咖啡味卻有點不足，相信是為了遷就薑味吧？（如果太多咖啡味，薑味就會無定企？哈...)喝後，身體暖和很多！．另點的拿鐵（$32），咖啡味也是很淡！可取是，喝到尾段奶泡仍是掛著杯子，且泡泡有股頗濃的咖啡甘味，微帶餘韻，為整體拉回一點分數！．．．再嚐以咖啡作主調的咖啡撻（$38）看來賣相普通，幾層的質感卻微妙緊扣著，有咖啡果凍，亦有濃濃忌廉香的咖啡慕絲，鬆化的批底吃來輕盈，不帶飽滯，頗具層次！吃後，咖啡香圍繞著舌頭，不錯！對愛攝影、愛寧靜、愛回憶... 的朋友，相信這里會是一個不錯的地方！但對熱愛喝咖啡的，則有點保留！薑味那杯較好，但咖啡的味道不如想像般濃，有改進空間；咖啡撻的水準卻出奇的高，令人想打包一個回家，跟家人一起分享呢！小分享完畢，有興趣可按KsMeow或Openrice內其他分享！
latent image呢間café第二次黎了！第一次係朋友包場，今次就特登同咖啡精友人喺周末黎品味咖啡 (扮下野)！店名latent image一d都唔似café，本身係影樓，店主係攝影師，又鐘意”品味咖啡”，所以就開放部分studio化身coffee corner做埋生意。
Café開周三至六，不過每日淨係做5個鐘頭生意，下午2點開，晚上7點就收舖(請人唔該搵我pls！)，想試就預早d la。
店主仲話有時會因接攝影job會改開放時間，提提大家最好去佢fb睇post又或者打電話問下先woo。
Order左4款甜品：咖啡撻、”攝影師推介”、拿破崙同棉花糖夾餅。
作為招牌甜品既home made咖啡撻，撻餡有好濃郁咖啡口味，好滑！撻底係我最最最愛既牛油底，非常鬆化，讚讚讚！我地去到都未夠4點，但都只係賣剩一件jar！店主話下次可以先預訂咁話喎！Menu上面有項”攝影師推介”，一問之下原來係咖啡焦糖燉蛋，又試！蛋香同咖啡又幾夾bor。
咖啡甜品以外，食極唔飽嘅我地仲order左拿破崙：杏仁香、奶油甜、餅脆鬆化；棉花糖夾餅，香口甜甜地，店主形容係”傳統o靚仔味道”，又幾貼切woo！同行友人係咖啡精，叫左杯精品咖啡，話好有果香、花香味…(見個friend懶認真試味掛住笑唔記得邊度嘅咖啡豆嘞)；我唔係好飲得齋啡，我杯cappucino好滑好香，嗒真d又真係飲到咖啡甘甜味！但係唔好咖啡既朋友仔選擇就相對少嘞，檸茶檸水外就有朱古力同埋個人認為 ”入門級咖啡”既mocha。
睇左雜誌介紹知呢間小店係攝影X咖啡主題，今日約個Friend搵食抖下HEA下，放棄星期一至日全天候迫爆apm，決定行多兩步試下呢間隱密咖啡店。
雖然話係攝影主題，以為都係有幾張相裝飾之類，一入去個環境係真心好有驚喜！好有STYLE，角落仲展示店主黑白作品添。
難得環境好有空間感，舒適！ 飲品：店主介紹冰滴咖啡，自己都算飲開咖啡，不過冰滴都係頭一次，我地點左危地馬拉莊園同埋肯亞既冰滴咖啡，感覺好清新，入口似冰茶但有水果、焦糖同花香味，仲有d回甘，店主好細心仲提供個別咖啡豆既＂咖啡冰＂，可以保持溫度之餘，又唔會令咖啡變淡，值得一試。
其他精品豆新鮮供應，冰滴以外可選手沖同虹吸。
食物：share左一件咖啡撻， 加入Expresso作為餡料令咖啡撻好香濃幼滑，小量製作！其他仲有好幾款咖啡甜品好似咖啡凍、咖啡奶凍、懷舊拿破崙，下次先再試。
睇下書上下網又過左個悠閒下午，勁推介！ Highlight:咖啡店所在既工廈大堂有好多小店，其中有一間專賣日、港、台零食，好多懷舊口立濕，可以順便掃貨！店內有好多咖啡題材既書、攝影集，可於店內借閱，又可以同店主傾下咖啡、影相！咖啡店餐具好精緻，記得影相！咖啡店可包場for private parties，可包影相服務。
Latent Image by Eddie餐單提供西式, 麵包店, 樓上cafe等推介美食位於觀塘區，餐廳座位數15人均消費約$51-100，結賬可以用現金。
您對於觀塘餐廳「Latent Image by Eddie」有何 comment？
Latent Image by Eddie餐廳詳細資料：
- Latent Image by Eddie地址: 觀塘觀塘道396號毅力工業中心10樓D室 Latent Image by Eddie, Flat D,10/ F, Everest Industrial Centre,396 Kwun Tong Road, Kwun Tong
- Latent Image by Eddie電話:
- Latent Image by Eddie價錢: $51-100
- 分類: 西式, 麵包店, 樓上cafe
- 座位: 15
- 付款: 現金
- FB專頁: Latent Image by Eddie Facebook
更多Latent Image by Eddie相關資料:
香港餐廳2026推介9月