Holam Bakery 觀塘

Holam Bakery 評價 相片

Holam呢間不嬲都知好出名，今日約朋友去駱駝漆食嘢順便又去買返兩件試下～雖然只限自取沒有堂食，但係閒日都好多人排曬隊攞貨同即場買（我就係其中一個，但原來好快賣晒，建議下次都係早啲預留！）之前食過好多間千層蛋糕都有啲失望，今日就買咗海鹽檸檬同埋伯爵茶味，估唔到口感真係一流！唔會太甜，甜度恰到好處，層次分明！食到最尾都唔會變到一pat cream咁唔會漏😋😋終於搵到一間可以媲美Lady x！超正本土小店真係要多多支持！😍😍🍰👍🏽👍🏽

家人今天出開街，專程繞到觀塘買了這店的千層蛋糕，天氣有點熱，由觀塘拿回新界區，回到家蛋糕已有點溶，幸好仍不失它的美味。

甜品之中我並非最喜歡千層蛋糕，所以只試吃過幾次，以往幾次都不覺得特別好吃，這店的千層蛋糕是我吃過的最好味。

層層細分分得很薄，用叉拮落去既鬆且軟，吃進嘴裏又香又滑，甜度適中味道濃沃。

我吃的那款焦糖咖啡味，咖啡味濃郁，卻沒有蓋過了焦糖味的香甜，非常讚其他如伯爵茶味、阿華田流心、曲奇流心都是十分香濃美味。

大家掛住吃，都忘了拍照，只拍了一張如下

難得出觀塘，即刻猴住holambakery ig post預約千層蛋糕💓每日新鮮製造千層蛋糕當日有近16款口味供預約最少訂3件，而我就訂咗海鹽檸檬、抹茶牛乳、阿華田流心環境鋪位唔大，只供提取及購買千層蛋糕，冇座位可以坐低歎。

如小店日後有足夠資金可以換大鋪位+座位就好啦🤤大家快d幫襯壯大佢！！千層蛋糕千層蛋糕大概有17層，皮唔會過厚，但食落口有好明顯嘅千層感覺蛋糕感覺相對軟身，唔係好似ladyX咁企身。

一件30幾係ladyX一半！質素好到冇嘢講，性價比超級高💛💛💛海鹽檸檬嘅檸檬味好重，反而食唔出太多海鹽嘅味道，小小失望，如海鹽味能更突出就好啦🥺🥺抹茶牛乳抹茶控必試！本人都係一位抹茶控🤩🤩覺得呢個味道係三個中最好食🤤🤤抹茶味相對濃而且唔會死甜，搭配牛乳嘅味，真係好夾好正🥰阿華田流心，友人好鍾意，覺得阿華田味道好濃，鍾意阿華田嘅朋友仔不妨一試，但流心效果唔係爆曬漿嘅類型，唔會過漏2個人食3件我地覺得好飽😂大家可以搵多幾個朋友一齊share食

依度蛋糕好多口味選擇 買左5同口味就可以選擇蛋糕5會太甜 感覺負擔感低啲蛋糕外型漂亮 用黎做散水餅都幾得體同事嫌味道5夠濃郁 個人覺得烏龍茶味5錯 幾有茶香 同清新黑糖奶蓋就麻麻 有黑糖味 幾濃郁 但係無奶蓋感覺oreo味淡左啲 比較5推薦

觀塘駱駝漆大廈一向有好多野食同買，今次其實係去另一間餐廳食Lunch，不過食完之後行吓見翻Holam Bakery。

係第二次食Holam Bakery嘅千層蛋糕，我地下午2點到，但係個櫃已經得翻3件蛋糕(2件奶蓋黑糖、1件抹茶牛乳)，好誇張.....已經唔記得上一次食係幾耐之前，不過佢嘅食物質素依然係咁好，個蛋糕唔會好膩，個甜味好出! 希望遲啲有機會再食唔同口味嘅千層蛋糕。

冇記錯間舖頭12點就開，如果大家想即場食到唔同味嘅千層蛋糕就最好1點或之前到。

Holam Bakery餐單提供法國菜, 甜品, 糖水, 西式糕點等推介美食位於觀塘區，餐廳座位數未知人均消費約$50以下，結賬可以用現金，Booking訂位可以電話致電 63357901 查詢。

您對於觀塘餐廳「Holam Bakery」有何 comment？

Holam Bakery餐廳詳細資料：

• Holam Bakery地址:
  觀塘開源道60號駱駝漆大廈3座4樓I室
  Holam Bakery, Room I,4/ F, Block3, Camel Paint Building,60 Hoi Yuen Road, Kwun Tong
• Holam Bakery電話: 63357901
• Holam Bakery價錢: $50以下
• 分類: 法國菜, 甜品, 糖水, 西式糕點
• 座位: 未知
• 付款: 現金
• FB專頁: Holam Bakery Facebook

更多Holam Bakery相關資料:

• Holam Bakery分店
• Youtube
• Facebook
• Twitter
• Google