滿泰小廚 西貢

滿泰小廚 評價 相片

超經中伏，野食份量又少，又貴，又冇乜味，叫蛋炒飯比左超多茄汁既西炒飯，服務態度差！海南雞撈檬勁難食，雞可以薄到成張紙咁，師傅刀功真係好勁。

叫黃咖哩飯，上左青咖哩，仲要話冇錯，過份到呢係凍奶茶先算係好少少。

問女侍應點解成日西炒飯咁，佢話每個師傅既做法都唔同，呢樣我可以理解，但都唔會比唔一樣既野架？明明張相係有白白地，佢直接成碟紅色，見到都想嘔囉🤢🤮個女侍應又好似乜都唔識咁，催野未黎又惡到死，直接行開。

呢間野冇下次，black list👎🏻👎🏻

星期六曬完太陽肚餓，於是喺西貢碼頭搵嘢食，五點令D餐廳都未係好full ,想食泰國菜就入咗一間冷氣夠涼嘅，點知就中伏！兩個人叫咗兩杯野飲，四樣嘢食先係嘢飲，$3x 一杯 ，芒果冰用芒果味糖漿溝出嚟，阿姐推介嘅青檸梳打，咁有信心點知青檸得一片又係加青檸糖漿😒尼D都算，多泰國餐廳都係咁，但唔係收$3x 一杯但嘢食先係伏，最正常發揮係木瓜沙律、同咖哩炒蜆，正常發揮代表係好食都只係food court 水平 個肉碎炒飯，求求其其，啲色炒唔勻，連啲鹽都未炒勻😒 食食吓一啖鹽青咖喱豬，睇相好正常，但豬肉片就係得面頭果幾片，下面全部係菜，青咖喱有香味但食落唔夠味，最重要係D豬肉片應該係分開煮，一啲咖喱味都入唔到餐廳做生意都想返枱快，但為咗快煮到咁求其就..... 不過人哋唔憂冇生意

行完西貢肚子餓去這裡吃個痛快，不是去吃海鮮就是到這裡吃我最喜歡吃的泰式鹹豬肉飯。

可怕現在開始失味了！😞😞鹹豬肉配海南雞飯：鹹豬肉變得好硬，不是以往有汁的感覺，太乾了，海南雞沒有變味，很滑。

😍😌鹹豬肉併泰式鴨：鴨幾美味，汁很香。

蝦🦐球皮蛋：必食之選，第一口要小心，好熱，蝦膠彈牙，皮蛋大隻，正因自己不會在家做，所以在外面吃。

價錢貴了，以往最好吃😋是鹹豬肉，像燒肉很碎多汁，帶鹹，現在不是了，我想不會再去了，失望🙍‍♂️

去西貢一日遊，嚟咗佢哋嘅嘢食街，呢度好多唔同色店，主要都是充斥着泰式食店，喊到最後見到有呢間滿泰小廚店員在門外熱情招手做人入去進食，咁我就入去試吓啦，入去發現冷氣唔夠大，真係好熱好熱，只得風扇，仲要食泰式辣野真係頂唔順，所以求其叫啲嘢食下就算，一定唔會叫辣野泰式雞飯$53 ，價錢都OK，雞飯上面嘅雞亂晒籠，同佢牆上面嘅圖片爭好遠！嚇親！飯味道唔錯，雞肉唔滑，呢度嘅海南雞飯冇配豉油，只有辣汁⋯呢間舖頭咁熱，仲要人食辣野⋯⋯真係好似去咗泰國街頭⋯叫嘢食會送一個湯，不過係超熱嘅熱湯，可惜呢度實在太熱啦，仲要飲熱湯泰式乾撈粉，可以揀一個餸，我揀咗魚餅， $50 ，價錢可以。

泰式撈麵第一次食，有啲似仲食撈麵，上面有個泰式冬陰功魚餅，都唔錯！不過有啲油！幾油下！整體來講價錢OK，份量OK，不過味道唔OK，同埋環境OK，太熱

同男朋友入開嚟西貢第一次兩個人嚟西貢拍拖，我哋咩都未食 lunch變咗下午茶時間了佢話入得嚟西貢一定要帶我去食呢間好出名嘅泰式海南雞飯餐廳我都抱住幾期待嘅心情由於已經過咗食晏時間，所以間餐廳包括埋我哋嘅話只得三台客我哋分別一人嗌咗一個鴨飯＆泰式海南雞飯果然無令人失望，依碟雞飯睇落平平無奇但係食落真係超好味啲雞肉好嫩滑好新鮮，肥瘦均勻 有幾嚿仲連埋啲雞皮添，我係一個從來唔會食雞皮嘅人，但今次真係好味到連啲雞皮都照食埋啲飯望落去好油膩咁，但係食落又唔會有油膩嘅感覺，而且啲飯本身已經有d鹹味重點係啲飯粒粒均勻， 撈埋啲雞肉一齊食真係一流呀！再點埋個泰式辣醬刺激味蕾 變得頓時開胃晒，雖然個辣醬對我嚟講就真係有啲辣，因為我唔食得辣嘅但唔知點解愈食愈上癮咁最後成碟飯清曬咁濟，個醬真係好難忘酸酸甜甜又有點辣，幾過癮吓隨飯仲奉送埋一碗湯係好好飲嘅冬瓜湯嚟， 暖笠笠好清甜唔會話太鹹，又絕對唔係味精湯 又有大大塊冬瓜慢慢嘆真係飲過返尋味，爽呀！

滿泰小廚餐單提供泰國菜, 小食店等推介美食位於西貢區，餐廳座位數未知人均消費約$51-100，結賬可以用現金，Booking訂位可以電話致電 27912271 查詢。

您對於西貢餐廳「滿泰小廚」有何 comment？

滿泰小廚餐廳詳細資料：

• 滿泰小廚地址:
  西貢福民路高勝樓地下25號舖
  Moon Thai Restaurant, Fuk Man Road,, Sai Kung
• 滿泰小廚電話: 27912271
• 滿泰小廚價錢: $51-100
• 分類: 泰國菜, 小食店
• 座位: 未知
• 付款: 現金
• FB專頁: 滿泰小廚 Facebook

更多滿泰小廚相關資料:

• 滿泰小廚分店
• Youtube
• Facebook
• Twitter
• Google