緋茶 西環

緋茶 評價 相片

正所謂「好奇害死貓」，開頭見到呢度有賣比較香港少見嘅爆谷奶茶，於是唔理門面簡陋就一於試咗先。

😾 最後果然中伏。

⁣⁣😵⁣⁣爆谷鮮奶茶 （$20）（加黑糖珍珠+$3）【好味度：2/10】⁣⁣⁣⁣⁣⁣⁣⁣⁣⁣⁣⁣⁣首先開頭摸上手真係有啲驚喜，因為個底啲珍珠真係好暖。

😍 點知第一啖已經飲到啲珍珠酸酸地。

🤢 通常珍珠有酸味係因為唔夠新鮮。

🧐 然後奶茶又係傑作，係稀到似奶茶水呀哈里。

🤮 成杯嘢勁稀咁，又冇奶味又冇茶味，真係好神奇。

🥴 就連最重味嘅黑糖味都失蹤埋，真係嚇死寶寶。

😱 然後發現成杯嘢飲都係冇冰嘅，但係醒起佢製作過程當中係落咗好多冰落個雪克杯，所以可能佢係直接將啲熱茶倒落去啲冰都沖，令到啲冰溶晒。

😩 唔怪得杯嘢有冰水嘅味道，仲要唔係好凍。

🤬 唯一好少少嘅地方係真係有小小爆谷嘅味道，不過都係食唔到有真爆谷。

⁣⁣😒⁣⁣杯面仲印著“to be different”，佢真係different在特別難飲。

🤡 最憎浪費食物嘅我頂咗半杯之後到頂唔順，揼咗。

🕳⁣⁣⁣其他評分⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣靚靚度（2/5⁣⁣⁣⁣⁣⁣）⁣⁣⁣⁣⁣⁣⁣⁣⁣⁣⁣性價比（2/5）⁣⁣⁣⁣⁣⁣⁣⁣⁣⁣⁣環境分（1/5）⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣

新開 星期六下午去買都可以咁難飲第一 杯珍珠奶茶嘅奶茶唔係茶 係奶水！！係奶水！！！第二 珍珠一團糊狀超實嘅 所以煮珍珠的糖水都係痴埋一堆 幾經辛苦先可以分開D珍珠 呢一團嘢超級甜不過好離評既係連珍珠都可以係硬嘅 出面糊曬 入面個心粒粒都係硬 起曬骨 就好似生米咁最後飲唔落 掉左 好浪費 但真心難飲..打開門咁樣做生意 呢D根本冇下次 奶茶唔得 珍珠唔得 咁基本一杯珍珠奶茶可以難飲到咁真是佩服 賣庶汁一樣可能好D我仲要買埋請人飲 真係好唔好意思 以後唔會再買

大少有飲過哩間舖頭，話幾好，所以提議再去飲。

我哋叫咗舗頭門口貼咗嘅哩兩個推介：虎皮黑糖波霸厚鮮奶，凍黑糖波霸奶蓋，熱因為呢間唔係得許經營店，所以冇乜限制, 可以揀少冰少甜少珍珠。

我杯黑糖波霸奶蓋，我揀咗三份一甜度，三份一珍珠。

我見佢哋用日本明治鮮奶新鮮調製。

味道好香，雖然係少甜，但仍然飲到焦糖嘅味道，少甜亦更加啱我胃口。

但係個奶蓋就有啲遜色，有少少人工添加嘅味道。

大少個杯虎皮黑糖波霸厚鮮奶，雖然個樣無嗰啲特許經營店嘅虎紋做得咁靚，但係賣相都唔差。

大少飲咗之後，就話覺得好飲過上次，但係唔知點解啲珍珠有一啲酸味。

我自己就飲唔到大少所講嘅酸味，只不過黑糖加鮮奶本身都比較笠口，飲完之後個 after taste 都有少少漿囗嘅感覺，唔知呢啲係咪就係大少所講嘅酸味。

呢一間係自家鋪頭，比起特許經營店更加有彈性，怕肥嘅人可以叫佢少甜，少珍珠。

緋茶餐單提供台灣菜, 台式飲品等推介美食位於西環區，餐廳座位數未知人均消費約$50以下，結賬可以用現金，Booking訂位可以電話致電 61821339 查詢。

您對於西環餐廳「緋茶」有何 comment？

緋茶餐廳詳細資料：

• 緋茶地址:
  西環西營盤德輔道西228號地下1號舖
  Ftea, Shop1, G/ F,228 Des Voeux Road West, Sai Ying Pun, Western District
• 緋茶電話: 61821339
• 緋茶價錢: $50以下
• 分類: 台灣菜, 台式飲品
• 座位: 未知
• 付款: 現金
• FB專頁: 緋茶 Facebook

更多緋茶相關資料:

• 緋茶分店
• Youtube
• Facebook
• Twitter
• Google