祥香茶餐廳 西環

祥香茶餐廳 評價 相片

這間老店位於堅尼地城卑路乍街的懷舊茶餐廳，原來有40年歷史，歷史悠久，老闆說1979年接手到現在，店舖的枱櫈還保留在80年代，沒有新潮特別的裝修，座位不算舒適，店內還帶有一種人情味😌聽講這裏的蛋撻很出名，所以特意來試試同朋友點了一人一個菠蘿油，和一件蛋撻，熱鴛鴦同凍奶茶📍蛋撻蛋撻餡好滑溜，有甜甜的蛋香😍，牛油餅底脆得來很鬆化，店員說是曲奇餅底📍菠蘿油菠蘿包皮好脆，不過我覺得牛油太少可以多啲厚啲，點了杯熱鴛鴦

今日專程開車去見識呢間網上介紹歷史悠久嘅餐廳果然冇令我哋失望叫咗半打蛋撻，蛋漿入口即溶，餅底脆得來夠鬆化，最重要佢係曲奇餅底。

只係泊車方面比較麻煩，因為我哋剛去的時候蛋撻仲未出爐，要等多大概五到10分鐘，所以都係停喺路邊。

價錢方面，$5 個蛋撻非常抵食👍🏻

<眾樂樂不如獨樂樂，一個人食飯的享受>第一次試依間野，叫咗茶餐廳最常叫到嘅特餐去試，整體俾到嘅感覺都屬於中下水平。

麵包：麵包完全係食淨包一樣，入邊差唔多係冇落過牛油。

依個包亦都係凍，應該擺咗一段時間。

不過可以接受到依款特餐類嘅包屬於中下水平嘅貨色，始終個包並唔係依餐主角。

火腿：火腿明顯係溶雪時間不足，食到嘅都只係得雪味。

相信都只係就咁用熱水焯過然後放得一段時間，有人叫就拎上碟煎蛋：煎蛋問題同上邊一樣，都係凍嘅。

由蛋白到流出嚟嘅蛋汁都係凍嘅，令我諗夠竟依隻煎蛋放咗幾耐沙牛麵：依個主食比起頭先我幾款已經屬於好食，但依然屬於一般水平。

沙嘜湯唔係太 濃烈，以致麵唔可以成功吸到啲沙嗲味。

牛肉份量尚算足夠，不過都算切得太薄。

奶茶：奶茶屬於較濃味，而且夠多奶。

去到尾段亦都唔會因為溶冰而令到杯茶淡味。

成餐飯最好嘅一樣野。

總括：餐廳明顯忽略咗包，煎蛋同火腿依堆唔需要花太多時間從而令到佢哋變得好食/熱啲嘅食物，而沙牛麵以依個價錢黎講亦尚算可以接受。

可能餐廳真係做一啲下午茶類型嘅食物會較出色，但今次食每間茶餐廳都有嘅特餐，感覺佢哋可以有一大段進步空間味道：3/10價錢：$42性價比：5/10

又到「沙嗲牛肉」系列嘅時間，在西環工作嘅日子，只有15分鐘嘅午飯時間，即刻諗到呢個老子號，屹立至今仍然堅守嘅茶餐廳🍴，沒有豪華裝修，沒有升級嘅服務，並沒有精美嘅賣相，但有嘅就一定係一份溫暖嘅人情味😌———————————————————————————🍽特餐：沙嗲牛肉公仔麵🍜+茶走 （$38）💬都係嗰句，沙嗲牛肉麵都係指定動作，濃郁嘅沙嗲汁放在碗底，味道剛剛好，牛肉亦唔會太鬆散，加埋自家鬆軟嘅牛油餐包🍞、火腿炒蛋，奉上一杯沖咗幾十年經驗嘅熱奶茶☕️，經濟價錢其實都已經無咩可以再挑剔😅

祥香茶餐廳網址: https://s.openrice.com/QrbS0VpS000~uXSHzAw地址: 西環堅尼地城卑路乍街107號電話: 28557911=====================係附近睇完租盤有點餓又未到晚餐時間，食件tart 飲杯milk tea 先$5 一件曲奇皮egg tart ,個皮好油膩，食落雖酥脆但紙都吸滿了油，而蛋漿太過甜啦，而且個tart 是冷的。

$9 一個菠蘿油幾抵食，個包都大大個，但卻又是冷的包，令到牛油基本沒法溶化亦是硬硬一塊，完全不能嚐菠蘿油冰火的口感層次$19 奶茶幾好，紅茶味夠老店最出名的tart 令人大失所望，名過於實。

祥香茶餐廳餐單提供港式, 茶餐廳, 冰室等推介美食位於西環區，餐廳座位數未知人均消費約$50以下，結賬可以用現金，Booking訂位可以電話致電 28557911 查詢。

您對於西環餐廳「祥香茶餐廳」有何 comment？

祥香茶餐廳餐廳詳細資料：

• 祥香茶餐廳地址:
  西環堅尼地城卑路乍街107號
  Cheung Heung Tea Restaurant, 107 Belcher's Street, Kennedy Town, Western District
• 祥香茶餐廳電話: 28557911
• 祥香茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 祥香茶餐廳 Facebook

更多祥香茶餐廳相關資料:

• 祥香茶餐廳分店
• Youtube
• Facebook
• Twitter
• Google