石糖咀 西環

石糖咀 評價 相片

朋友介紹,於是去試試!果然沒有失望~我和男朋友都喜歡食榴槤一食...呆左,勁香,好有驚喜!!炸豬排好好味,老闆娘秘製~~班戟皮是自製的,所以會好香同有少少脆~服務態度又一流,個個都好NICE!好多明星都有去過~

每年家姐一家人從加拿大回來都要去食火鍋和糖水, 今次遷就媽媽就去西環區, 首選就梗係石糖咀 "火井火鍋" 喇, 呢間野食極都唔厭, 擦完一定行過隔離間糖水鋪 "石糖咀" 坐坐, 但我地今次唔想食傳統式糖水, 入到去老板娘親自招呼, 介紹招牌甜品, 榴槤姨姨, 龍眼爺爺, 荔枝婆婆, 即管試試........嘩, 正! D 料新鮮兼配搭特別, 我和細佬就叫左芒果沙冰和朱古力木糠, 也不錯, 後來老板還推介每日只做三餘份既金牌豬扒, 雖然有 d 飽飽地, 20 蚊一份咪試下 lor, 豬扒入口很鬆化, 表面有些甜甜地, 幾得意下, 佢話遲些少會搞番燒烤, 仲會有多 d 野 tim! 家姐和外甥女係咁食, 話加拿大食唔到咁好味喎.........好笑! 6 個人放底 180 元左右就走得, 中等價錢, 雖然地方細和入橫巷, 但整體甜品味道而言是不錯的

係西環打滾左一陣先第一次食呢間甜品。

同朋友一行十幾人去，鋪好細，坐得好迫，得兩個人做樓面，要落單要上甜品要執野，所以ｓｅｒｖｉｃｅ好慢。

朋友一坐得，見楊枝金露賣２５蚊，就話：「嘩都同滿記差唔多價ｂｏｒ～」朋友叫左一個試下。

我就叫左香蕉黑珍珠芒果汁底（＄１６）加椰子味雪糕（＄６），ｂｆ叫左西瓜西米黑珍珠椰汁底（＄２２）。

我叫既甜品先上。

所謂芒果汁底，只係係面鋪一層芒果汁，椰子味雪糕冇咩椰子味，但撈埋一齊食甜度ｏ岩ｏ岩好，味道可以，但食到尾既時候，因為冇晒芒果汁冇晒雪糕，得番黑珍珠，就覺得好淡～一個ａｕｎｔｉｅ拎個西瓜西米黑珍珠黎時手震震咁，倒瀉左好多...甜品加左幾粒冰，可能驚唔夠凍卦～賣相普通，味道一般～再等多５分鐘先上楊枝金露，汁底係淡黃，唔算太稀，朋友話ｄ西柚苦苦地～總括黎講，呢度唔算平但又唔係話好好食～加上好細間鋪，而且位處巷內，吸引力唔太大～

打完邊爐過左呢度食埋個糖水﹗好似都幾多明星來食喎﹗見入面貼哂0的明星相做招徠﹗得老闆娘0係度，成五六台客根本招呼不了，等左成三個字先發現有我地兩個﹗點左個龍眼椰椰，即係龍眼椰汁西火露，唔甜清清地都ok﹗因要等的關係，食一個就走人了﹗

去完博物館同睇埋戲，仍然意悠未盡。

雖然已經將近凌晨，但都希望食埋個宵夜先各自歸家。

係附近行左成個圈，都只見麵舖同茶餐廳未收，「好好彩」，匆匆一瞥就俾我係後卷發現到呢間糖水舖。

走到門口，一個人都無，再看看營業時間，一時又寫AM，一時又寫PM，都唔知收左未。

但見到門口貼左「好多」明星相，又簽曬名咁，好似都OK喎。

入到去，朋友仔要左串豬頸肉串燒($10)，我就要柚子蜜蜜($15)。

雖然無人，但我叫既柚子蜜蜜都要個幾兩個字先黎。

oh...所謂既柚子蜜蜜，原來只係杯柚子蜜...既然係咁，做咩meau度唔放係飲品果欄，而係同果d一碟碟如芒果班戟一齊，搞到我以為柚子蜜蜜係類似jelly既甜品。

到我差唔多飲曬既時候，朋友仔既串燒終於黎到，oh...豬頸肉少到不得了，又無香味。

早知去食麵啦。

石糖咀餐單提供港式, 甜品, 糖水, 燒烤, 小食店等推介美食位於西環區，餐廳座位數18人均消費約$50以下，結賬可以用現金。

您對於西環餐廳「石糖咀」有何 comment？

石糖咀餐廳詳細資料：

• 石糖咀地址:
  西環皇后大道西425S號永華大廈後座地下
  The Road Side, G/ F, Wing Wah Mansion,425 S Queen's Road West, Western District
• 石糖咀電話:  
• 石糖咀價錢: $50以下
• 分類: 港式, 甜品, 糖水, 燒烤, 小食店
• 座位: 18
• 付款: 現金
• FB專頁: 石糖咀 Facebook

更多石糖咀相關資料:

• 石糖咀分店
• Youtube
• Facebook
• Twitter
• Google