Osgatos 西灣

Osgatos 評價 相片

來澳門，如果想不到去邊，最好就係搵個地方坐下嘆番杯酒HEA下﹗聖地牙哥的餐廳正是小弟之選，露天環境，對正橋景，飲番杯，令人心曠神怡﹗點了健力士，再加多個蝦多士，蝦多士即叫即做，外層麵包上了包糠，炸得金黃酥脆，入面是原隻海蝦，爽口好吃，正常一件是不夠的﹗食家點的是白酒Sangria，味道偏淡，酒味不夠，似在喝汽水﹗可惜是露天位有不少蚊蟲，連咬我數口，真係掃興﹗要留意來聖地牙哥打的士來就易，但要走時要找的士就十分難，每次都起碼要半小時才可截到空的街的，如趕船要預早少少離開啊﹗

又到了最最最期待的一餐, 平時好少嘆西式茶, 所以心情特別雀躍。

由媽閣廟開始行, 問左人話要再沿住條路行, 還以為很快到達, 點知轉完一彎又一彎都未見。

沿路又無行人, 都驚行錯路。

過左十多分鐘, 見到一座好古典的建築物, 再行埋去睇, 見到葡文聖地牙哥四隻字, 咁就無錯啦! 門口有支大砲做識認。

high tea的地方要上樓梯, 覺得好像入左時光隧道。

因為室內已滿, 只剩下室外。

見坐出面較開揚, 就坐低。

選了二人用的tea set $228, 和一人用$118的分別是用料較靚較矜貴。

當問到要選擇飲品時, 奇怪侍應只講左咖啡、檸檬茶, 見到個餐牌有幾款茶, 話要伯爵茶, 侍應猶豫左一陣先話得。

茶最先來, 原來是川寧茶包沖的, 第一次飲伯這種茶, 好重香料味, 飲不慣, 要到第二次沖的先易入口。

食物分兩層擺放, 上層放左5款三文治: 無花果仲有塊很咸香的是豬還是魚肉? 青瓜片和鵪鶉蛋和魚子, 魚子有點腥 三文魚卷成一朵花咁好有心思呢! 但比較腥 馬介休加上茄乾和黑橄欖, 咸咸地好惹味 鵝肝醬三文治~入口幼滑很香, 不錯 三文治全都是塗上牛油再烘底, 很香口呢! 至於下層既甜點又有咸點: 迷你雞批,水準幾高, 批皮鬆脆, 厚薄適中, 餡料夠creamy~ 芒果mousse cake, 清蛋糕底和芒果mousse, 最面頭是芒果啫喱,味道可以但不突出 朱古力奶油蛋糕, 質感像牛油蛋糕 朱古力果仁蛋糕, 有合桃和杏仁片, 好少見用紅提子裝飾。

葡式蛋糕蛋味好重, 比較實身, 平時少吃得到 港式菠蘿包,有蓮蓉和豆沙餡。

蓮蓉菠蘿包都係第一次吃到,原來幾夾, 不太甜, 面頭塊皮都好脆。

原味和提子鬆餅各一個, 質地夠鬆化, 配果醬和忌廉同食更好味。

葡撻, 皮夠鬆脆, 有牛油香, 蛋漿又重奶味 整體上食物水準不差, 但又無想像中咁好咁突出, 但以二百幾蚊可以享受一頓咁精美的下午茶, 仲有美景, 還是值得的。

我們就這樣他他條條地度過了兩個小時。

離開時發現來出到門口一直向海邊方向走就有巴士站了, 可以去到氹仔和市區。

食 dinner 前有少少時間 hea 下。

友人介紹這裡，無乜人係度介紹喎。

氣氛有點點懷舊，但係剛巧黃昏，景色怡人。

順道周圍拍照留念，可以拍到 d 高水準既境架喎。

因為本身已經好飽，純粹想坐下，我地6 位 share 一個 細 English high tea 百幾蚊。

每一件都細細件。

比較中意 scone 同埋 cheese cake。

下面層飽 (三文治烘底) 有 d 乾，我淨係食個餡，都ok，仲有個葡撻仔，但係比友人吃了 ><，哈哈Overall，waitresses d service 係熱情既，不過好似有 d 溝通不順咁既感覺。

呢度好隔洩，需要叫酒店幫手 call taxi 走。

这儿環境好靚我地叫了英式high tea 有卷蛋,sandwich.sandwich好味道,特别是三文鱼,卷蛋太甜了!

新裝修環境比以前更grand食物水準一直都保持到英式high tea 和法式pancake 唔錯晚餐都唔錯西班牙海鮮飯>good

Osgatos餐單提供多國菜等推介美食位於西灣區，餐廳座位數未知人均消費約$51-100，結賬可以用現金。

您對於西灣餐廳「Osgatos」有何 comment？

Osgatos餐廳詳細資料：

• Osgatos地址:
  西灣民國大馬路聖地牙哥古堡酒店
  Osgatos, Pousada De Sao Tiago, Avenidada Requblica, Fortalezado Sao Tiago Da Barra, Sai Van
• Osgatos電話:  
• Osgatos價錢: $51-100
• 分類: 多國菜
• 座位: 未知
• 付款: 現金
• FB專頁: Osgatos Facebook

更多Osgatos相關資料:

• Osgatos分店
• Youtube
• Facebook
• Twitter
• Google