貢茶 藍田

貢茶 評價 相片

琴晚早左放工，於是決定去買杯台式飲品慰勞一下自己😝，最後揀左貢茶，因為我比較鐘意飲濃茶所以買左杯格雷奶茶試下，我平時飲開珍珠奶茶都慣性走甜，所以今次都係走甜，可能是走甜關係每啖入口都有濃濃的earl grey味，我非常喜歡👍🏻

之前聽d同事講，冷泡茶有益過用熱水沖，話會keep到d兒茶素咁，但我一直都飲咖啡多，少飲茶既，就冇乜機會試冷泡茶。

今次一於就試下焙香烏龍冷泡茶啦，原來都幾濃味wo，唔一定要熱水先可以將茶味迫出，冷泡茶幾令我驚喜。

酸梅湯呢排天氣凍打得邊爐多，個人都好似燥燥地咁，於是就叫杯酸梅湯，清一清熱。

呢杯茶糖度係固定嘅，本來都擔心會係超甜嗰啲，但入口係酸酸地嘅，唔使驚甜到漏。

下次會想再飲

而家珍奶、芋圓、芝士蓋茶、生果茶賣到成巷成市，市場競爭真係好大。

但話晒貢茶都算係喺香港賣珍珠奶茶嘅始祖之一，我呢位ex忠粉，偶然都會課金繼續支持下佢。

最鐘意飲classic嘅珍珠奶茶，但貪得意就加多個奶蓋。

奶茶味同以前一樣咁甘香，好好飲😋 不過珍珠就略嫌硬左少少少，偏向有咬口嘅煙靭。

若果唔係食過第二間嘅珍珠而有比較，其實依然咁好食，只係我太過挑剔 😂🤣 奶蓋係鹹鹹地嘅忌廉，夠厚夠滑，算係錦上添花😄

又多一個選擇 唔洗等 好方便一直想試係藍田匯景開左一排既呢間貢茶，今日難得早收工經過就去買杯野食匯景呢邊既台式飲品店好似都開過唔少，不過只有歇腳亭，但收工時間經常好長龍。

呢間貢茶係四樓比較入既位置但沿途好多指示都幾顯眼。

一望個menu同counter 下面貼住勁多張既推廣飲品， 點揀呀？ 經過一輪糾結同店員友善推介就揀左杯芒果Q綠小冰，唔知係咪間間分店都只收現金，呢樣野就有少少唔方便（我一般都沒有現金在身試，唯有同朋友借）等左唔夠三分鐘就有飲品啦， 無叫少甜既果味茶係偏甜既不過我就好鐘意， 朋友叫左杯少甜既Q綠，甜度都好岩佢要求。

放工時間呢排既客量唔算多，雖然只得一個店員但等候時間超快， 店員非常親切友善（好有耐性地講解飲品賣點）另外， 店面貼住一張紙寫住可以whatsapp 或wechat落單， 應該係想吸引附近商戶，呢個服務都幾方便，到達前落單，咁一到就有得拎飲品。

總括來講，環境乾淨/服務良好/選擇非常多/等待時間短/價錢尚可/飲品質素高very good Save底電話，下次經過都可以黎買飲品！

貢茶餐單提供台灣菜, 台式飲品等推介美食位於藍田區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 55700739(WhatsApp) 查詢。

您對於藍田餐廳「貢茶」有何 comment？

貢茶餐廳詳細資料：

• 貢茶地址:
  藍田匯景花園商場4樓2O號舖
  Gong Cha, Shop2 Q,4/ F, Sceneway Garden, Lam Tin
• 貢茶電話: 55700739(WhatsApp)
• 貢茶價錢: $50以下
• 分類: 台灣菜, 台式飲品
• 座位: 未知
• 付款: AlipayHK,支付寶,現金
• FB專頁: 貢茶 Facebook

更多貢茶相關資料:

• 貢茶分店
• Youtube
• Facebook
• Twitter
• Google