維港藝廚酒家 藍田

維港藝廚酒家 評價 相片

今日同呀公近近地去咗呢間酒樓飲茶。

可能因為星期四，人流都唔算太多，好快就有張細枱吉咗，就同呀公去撐枱腳。

今次我地叫咗一碟燒賣，一碟鳯爪，仲有一碗花生粥同流沙包。

先講碟燒賣，賣相真係幾好，幾飽滿，上面Ｄ蟹籽奇多，好足料，夠鮮味。

跟住再黎一碟鮑爪，鮑汁味濃，雞腳吸晒Ｄ汁，正！最後嗰碗粥同流沙包都ＯＫ，夠熱，個粥唔太‘確’喉，個包就咬落辣咀。

埋單每人都係$５０有找，估唔到呢到都有間咁有驚喜嘅酒樓!

此店轉名後未嘗幫襯,最近天寒,此店加推任飲任食火鍋,特來一試.湯底有六款選擇,要了個粟米豬骨湯底.食物方面,餐紙上有近六十款選擇,而蔬菜類就出大堂檯面自取.新鮮的食材,好食程度必有保障,肯定全新鮮的肉類有海生蝦,鮮牛肉,豬粉腸,鯇魚腩,白鱔片,鮮魚頭等,鮮魚頭切得太碎,浸得稍久,就只餘下骨頭啃.其它肉類好食的有豬下青,水土魷,走地雞片,牛骨髓等.肥牛中規中矩,炸魚皮夠脆.丸類連雲吞,水餃,魚蛋等計埋有八款,都沒甚麼味精,素類鮮枝竹,涼瓜片,蘿蔔片,生菜,塘蒿都好,菠菜太老.鮑魚菇切四方條,個人不愛.醬料就只有十個公雞碗,乾濕各五碗,乾的是蔥花.蒜茸,炸蒜茸,紅椒;濕的是辣椒油,豆辦醬,麻油,豉油;因為沒貼紙說明,還有乾濕各一款不知是甚麼!?(此點應改善!)平常些的如：薑,芫茜,洋蔥,芝麻,腐乳醬,九層塔,醋等就欠奉.任飲飲品啤酒是藍冰,汽水是百事,七喜,芬達等.平日成人每位$98,星期六,日加$10,在藍田區內,都食得過!侍應服有上佳水準,值得一讚!

一行十幾個人去飲茶... 自己易飽所以只係食左好少野...想讚下佢service幾好, 做野好快, 加上收野上菜都好快~同埋果度有部輪椅lift, 見到佢不停上上落落載左好多老人家落黎飲茶~食物方面想讚下個流沙包, 不會油還油, 黃還黃, 又唔會食到喉嚨痕, 恰到好處~ 只係甜左dd~不過叫炒粉麵飯好考人計數, 因為d大路野佢會好貴, 特色d既會平好多...e.g. 楊州炒飯$42, 但大澳櫻花蝦乾炒飯只係$28邊樣抵d, 真係好見人見智...仲有d甜品, 紙上寫紅綠豆沙,蕃薯糖水&杏仁糊各$3.8一碗...點知後尾姐姐推車來, 話得蕃薯糖水, 紫米露同麥米粥, 另一架車就有豆腐花.......不過蕃薯糖水會"筆"超多蕃薯俾你, 係多到會跌出黎果種... 所以好抵

星期六放假，老豆倒屎7:00咁早叫醒我陪佢食早餐﹗由於主場既德田酒樓執鬼埋，於是我地決定去試下啟田既維港﹗早上七點幾，差不多成場爆滿，就咁睇全部都係公公婆婆，當然包括我老豆啦，我都算係全場唯一一個孝子喇﹗老豆早餐一定要食飯，叫左個排骨盅飯，細細個的的骰骰最岩朝早食，老豆話味道都算不錯，排骨夠多亦入味﹗眼都未開既我就要左個菜乾排骨粥，粥未算綿亦偏杰，不過早上食真係無咩感覺，當清下腸胃食個食哂﹗點心要了兩款，叉燒包再加多個山竹牛肉，叉燒包熱辣辣老豆至愛，牛肉就不過不失吧﹗埋單包埋茶位竟然只係$46，嘩﹗我聽到都呆左，一人都係$23咪仲抵過食大家樂？睇黎呢度以後會成為我同老豆飲茶既主場了﹗

媽媽正日生日那天，放工後和爸媽逛了一會便吃飯。

侍應推介生炆花錦鳝， 説不時常有得吃， $295一煲有兩大舊, 厚切的鳝轆肉爽皮韌, 口感豐富, 吃得滿足.瑤柱海鮮什菜煲只有白菜仔和西蘭花, 自覺未算得很 “什菜”, 哈哈~奉送蒸蟹一大隻, 驚喜質素不差, 肥大肉厚, 鮮甜味美.幾時都覺得屋企是最佳的避風塘, 縱使是自己已長大了, 偶然也想撒撤嬌, 做回父母的小女孩.

維港藝廚酒家餐單提供粵菜, 廣東, 酒樓等推介美食位於藍田區，餐廳座位數未知人均消費約$50以下，結賬可以用現金。

您對於藍田餐廳「維港藝廚酒家」有何 comment？

維港藝廚酒家餐廳詳細資料：

• 維港藝廚酒家地址:
  藍田啟田道51-67號啟田大廈地下
  Victoria Harbour Cuisine,  
• 維港藝廚酒家電話:  
• 維港藝廚酒家價錢: $50以下
• 分類: 粵菜, 廣東, 酒樓
• 座位: 未知
• 付款: 現金
• FB專頁: 維港藝廚酒家 Facebook

更多維港藝廚酒家相關資料:

• 維港藝廚酒家分店
• Youtube
• Facebook
• Twitter
• Google