貴鳥 葵芳

貴鳥 評價 相片

日式炸雞便當，炸雞好有肉汁係好好味，不過，十分可惜吾係熱0既，炸雞竟然連「微暖都不是」，是常溫炸雞飯就暖。

雖然係外買店但好快送到來，個飯都吾係平，但吾係即炸，真失望。

炸雞味道是很好，不是中傷它喔，炸雞已經不是即炸不熱不暖，還將非常冰冬的可樂放在飯盒上，冬上加冬，沒有平時有紙皮格住，茶餐廳也會有紙皮將飲品格住的啦。

不熱的外賣

黎到葵芳新都會商場，大家都會諗唔到食咩，因為每間店都貴，但係俾小編無意間發現一間小店～～貴鳥。

首先，環境方面，店舖裝潢簡約，有少許日本風格，地方整潔，睇落好舒服，雖然無座位，但係企位都舒服，加上枱上有醬汁提供，方便進食其次食物，小編點左炸雞串，雞串長15吋，雖然食物係預先製作，但味道不差，配合埋醬汁，幾好食。

醬汁方面，有柚子醬及甜不辣醬，味道同雞串不太配合，所以唔建議大家試最後價錢亦唔貴，40 蚊就可以食到多款小食，大家經過時不妨一試！

係葵芳食lunch就係唔平，難得一個人打算去行一田買熟食做lunch, 點知見到依間有做埋lunch box又唔貴40幾蚊就有仲有埋嘢飲，就揀咗個攞番office食（因為我仲未接受到企係度食飯），個lunch box有4件炸雞，小量前菜跟一般日式便當無異，飯就太淋炸雞係ok，唔難食價錢平理嘅便當。

#七味粉炸雞 🐔$28(4粒)葵芳一田隔離開咗間炸雞🐔 好鍾意食炸雞嘅我當然唔可以放過呢個機會！去到嗰陣見到有幾種味嘅炸雞喺保溫箱到 咁我就揀咗七味粉炸雞🤤 因為佢一早炸好咗放喺到嘅關係 食落去已經完全唔熱☹️ 炸雞有啲肥膏唔會太瘦 亦都唔厚粉 而且七味粉味唔辣 啱哂啲食唔到辣嘅人 味道唔錯 但如果熱嘅話會更好評分:6/10

行完一田見到唔少人買外賣，行過見到賣相不錯 價格親民~所以決定一試全店以炸雞為主~大大粒有4款口味（28蚊4粒），我揀了芝麻炸雞，店員用透明杯裝好（如果要外賣就會俾多個蓋你）炸雞既肉相當嫩滑，肉質有彈性，可惜個皮唔係脆皮，唔係太滿足到食炸野既慾望，但都係好食既食日式炸野又點少得醬呢，店入面既枱上面有自助醬料，有沙律醬（有青瓜粒），柚子醋同甜不辣醬，當然最正係沙律醬，但唔食沙律醬既朋友可試其他另外買了可樂餅咖喱味，幾厚身，淡淡咖喱味，有小小肉粒同菜，口感不錯，8蚊一塊，大概手掌心咁大，OK 抵食炸物都係店內現炸，每次少量咁炸好放在櫃中賣，可能我去果時夜了，人流不用，如果係再新鮮d炸好，熱d，相信會更好食

貴鳥餐單提供日本菜, 串燒等推介美食位於葵芳區，餐廳座位數未知人均消費約$50以下，結賬可以用現金。

您對於葵芳餐廳「貴鳥」有何 comment？

貴鳥餐廳詳細資料：

• 貴鳥地址:
  葵芳興芳路223號新都會廣場4樓一田超市內
  kidori, 4/ F, Yata Supermarket, Metroplaza,223 Hing Fong Road, Kwai Fong
• 貴鳥電話:  
• 貴鳥價錢: $50以下
• 分類: 日本菜, 串燒
• 座位: 未知
• 付款: 現金
• FB專頁: 貴鳥 Facebook

更多貴鳥相關資料:

• 貴鳥分店
• Youtube
• Facebook
• Twitter
• Google