Cake Box 葵芳

Cake Box 評價 相片

5/17/2007 18:00pm距離上課時間仲有成個鐘, 於是搵個地方歇一歇. 經過cake box, 見d cake好靚, 而且剛剛貼了”6pm 後特價”就買左兩件堂食同bf share.檸檬撻($9.9): 起初係比佢燒得少少焦既外表吸引而買, 可惜蛋白部份太甜, 二人都皺一皺眉頭. 檸檬餡就夾o係中間, 點知呢層又好似酸左d, 好似d檸檬果汁糖咁.撻皮係全個撻最失敗, 硬得不能接受. 唔可以用”中”開d 皮黎形容, 係要”耡”開佢. 係唔係放得耐所以咁就不得而知.合桃朱古力撻($9.9): 主要係朱古力蛋糕, 用吉士夾心, 味道幾濃, 中間夾住d合桃有咬口. 撻皮都算硬既cookie皮, 尚可接受.意見:唔好比佢既賣相呃到,而家美心d 西餅真係好食過佢, 起碼係新鮮囉.“OK”係比服務既. 雖然得一個SALES, 又要點貨, 又洗野, 但不忙為我地奉上暖水解甜. 算係咁.

終於有機會一試這兒的‘洋菓子’。

乘傍晚之利，以特價（$9.9）購買了「德國芝士蛋糕」。

賣相中上，體積恰當，味道卻是糟透。

吃一口芝士部份，就知道係魚膠製品；吃一口蛋糕部份，就知道唔新鮮！說實話，質素跟「君蘭餅x」般差勁！如無意外，唔會再幫趁。

店舖很忙，一個店員既要賣洋菓子，又要製作班戟，亦要服務堂食客人，忙得團團轉，辛苦哩！因為要買六件至有紙盒盛載，所以打消買四件回家跟女伴吃的念頭，改為只買一件堂食。

結果，這店由原本賺$40 降為只賺$10，店家因小（紙盒成本）失大（另加三件食品的銷售）！再看店家供應的餐紙，知道係double star / strawberry 的姊妹店，不難明白何以so bad ~

之前都幫襯過一次，但自從發現佢地d員工o甘污糟，就冇去幫襯了。

母親大人鐘意食d以前未食過o個d得意o野的，於是食完晏貪得意同佢o黎呢間食「班cake」，佢地是開放式制作的，但我之前幫襯過都冇留意佢地個製作情況，今次好奇之下看下佢地平時點整，點之一望之下佢地剛正在拿住一條灰黑色的布周圍沫o野，同一塊布沫完其他地方，係o甘o夷沖一沖水再去沫砧板o吾緊要，最重大發現係佢地未洗手、未濕過水、兼沒帶手套整o野食，沫o野o吾緊要，但都請你d員工都應該係o甘o夷沖一沖水洗隻手o丫~o甘開放式的制作過程都o吾理清潔衞生未免過份o左d。

由於媽子怕事關係我不能叫她們退錢，唯有同佢地講：「因為您地沫完o野冇洗手，可否重新整過件比我。

」於是佢地十分不滿地「砰砰膨膨」完成整個過程。

至於味道方便，「班cake」冇味、d生果o吾新鮮、d醬少得可憐。

我整好食個佢好多，所以後都o吾會再去。

中學時期甚喜愛八佰伴百貨的美食廣場的即叫即整班戟，但後來八佰伴經營不住，新鮮熱辣辣的班戟也只可在大酒店的buffet中覓尋。

　不過即使找到，都是清一色甜的，咸味的如吞拿魚、栗米火腿都沒有供應，唯有找班戟的近親日式Q餅。

當然要比我還是喜歡軟棉棉的班戟多於帶脆的Q餅~　最近卻給我在新都會的cake box發現有即叫即整班戟($18$26)，咸的甜的都有。

連日試了吞拿魚沙律及雞肉沙律兩隻味，感覺班戟皮不夠軟熟，而且沙律醬幾好有點漏。

之不過可以重溫心頭好的感覺真的好，而且可以加$4/$7配熱/冷飲，而這裡的Seattle's Best咖啡又香淳可口，都幾抵食!　另外見甜味班戟有cheesecake、雪糕等味，幾有新意，下次都要試試!

2005年10月15日吃完晚餐想食甜的東西,見這裡是新開的,就買了三件返屋企試下,買了chocolate brownies,朱古力軟心蛋糕同埋咖啡慕絲蛋糕,食完之後感覺並不滿足,d cake都幾軟熟架,不過全部都好似無味咁既,古古力既就完全無古古力既香濃,咖啡那個還好小小,但都係甜味久奉,我都已經唔係食得好甜既人啦,都覺得佢好淡而無味喇!雖然d cake都係廿多元一件,但這個質素絕對唔值.

Cake Box餐單提供港式, 麵包店等推介美食位於葵芳區，餐廳座位數未知人均消費約$50以下，結賬可以用現金。

您對於葵芳餐廳「Cake Box」有何 comment？

Cake Box餐廳詳細資料：

• Cake Box地址:
  葵芳新都會廣場1樓169-171舖
  Cake Box,  
• Cake Box電話:  
• Cake Box價錢: $50以下
• 分類: 港式, 麵包店
• 座位: 未知
• 付款: 現金
• FB專頁: Cake Box Facebook

更多Cake Box相關資料:

• Cake Box分店
• Youtube
• Facebook
• Twitter
• Google