茶記冰室 葵涌

茶記冰室 評價 相片

個個星期都會揾晚扮乖同媽子食飯，泊到車位就可以試其他餐廳，泊唔到車位就泊茶記門口，所以不知不覺茶記做咗我哋飯堂 🤣🤣食得多嘅關係，姐姐都認得我哋，同埋知道我媽坐底就要杯熱滾水，所以都會自動波 👍👍👍近排發覺佢哋個蜜汁欖角骨炒得唔錯，夠鑊氣欖角又夠多。

我哋都會睇吓晚餐啱唔啱食先，通常都揀啲清清地嘅，呢次個勝瓜炒豬頸肉都唔錯。

另外個茄子蚊䱽魚都過得去。

佢哋啲例湯好多時都好得好夠味，但我食唔出無加師傅 🙈另外奶茶味道都算穩定 👍👍

晚上同朋友一齊去食，叫左鐵板雜扒餐，果然好大份，食唔哂成個餐。

男士們就足夠食飽飽。

味道都唔錯，仲有湯同餐飲。

叫左雜果賓治飲😋好味👍🏻坐位都唔錯，仲有多選擇揀，有唔同既野食，值得推介既餐廳。

會再光顧食其他野食🥰

難得今日又黎到葵興番工，葵興上邊出名多野食嫁啦，又想食curry ， 見倒呢間茶餐廳，門面乾乾淨淨，見餐牌45蚊 算不錯，就決定入去試試佢。

員工態度不錯，唔會好趕咁落單。

我睇完個餐廳，緊係揀番個馬來咖喱牛肉飯啦。

咖喱牛肉飯黎到已經聞倒濃烈既咖喱味，飯就有d少，唔知可唔可以叫多飯，下次試一試，咖喱汁食落已經有好濃烈既椰汁味，不辣，用黎撈飯一流。

除左個咖喱飯之外，紅湯唔錯，夠味夠料，埋單又可以俾octopus , credit card。

岩曬我呢d鐘意草里數既人。

👍👍

難得這個時候還有些街坊幫襯，十分失望而回……今日去食晚飯，叫咗羊腩煲，入面竟然得“六小粒肉“碎“，全部都係枝竹，價錢亦唔平，二百幾，很過份！其他餸菜價錢比同區其他餐廳亦偏貴，份量亦很少不會再幫襯了

平靚正的茶餐廳冰室，下午茶好推介！晚餐都有好嘢食。

咖咉多士同西多士就食過。

唔知咖咉同西多士加埋一齊係咩味呢？西多士上枱時附送成支糖漿，真係好誇張呀！但係其實本身個咖咉已經夠曬甜，唔使另外加糖漿。

西多士炸成金黃色，一d都唔燶。

包質地軟熟，唔會炸到乾曬。

一切開，d咖咉醬已經流曬出黎啦，真係睇到垂涎欲滴。

餐飲點左：熱檸茶、椰香紅豆冰同熱薑檸樂。

熱檸茶紅茶夠濃，檸檬好新鮮，浸得耐都唔會苦。

因為夠新鮮，飲得到檸檬嘅果糖味，唔使落糖都夠甜。

椰香紅豆冰紅豆同椰汁嘅比例啱啱好，飲得到椰香味，紅豆大大粒，一啖紅豆一啖椰汁，好sweet呀！熱薑檸樂好正！不得不讚！水吧師博好細心咁將薑切成一條條幼絲，可以食埋d薑絲落肚！成間餐廳環境整齊闊落，坐得好舒服，下次行開石蔭都要過黎食下野先！

茶記冰室餐單提供粵菜, 廣東, 港式, 茶餐廳, 冰室等推介美食位於葵涌區，餐廳座位數60人均消費約$50以下，結賬可以用Visa,Master,AlipayHK,支付寶,現金,八達通,銀聯,Wechat,Pay,HK，Booking訂位可以電話致電 22534168 查詢。

您對於葵涌餐廳「茶記冰室」有何 comment？

茶記冰室餐廳詳細資料：

• 茶記冰室地址:
  葵涌石蔭路60號金石樓地下2號舖
  Mr. Tea Cafe, Shop2, G/ F, Kam Shek Building,60 Shek Yam Road, Kwai Chung
• 茶記冰室電話: 22534168
• 茶記冰室價錢: $50以下
• 分類: 粵菜, 廣東, 港式, 茶餐廳, 冰室
• 座位: 60
• 付款: Visa,Master,AlipayHK,支付寶,現金,八達通,銀聯,Wechat,Pay,HK
• FB專頁: 茶記冰室 Facebook

更多茶記冰室相關資料:

• 茶記冰室分店
• Youtube
• Facebook
• Twitter
• Google