百利好海鮮酒家 葵涌

百利好海鮮酒家 評價 相片

因為屋企樓下,平時去開都係父母埋單. 今次第一次自己埋單發現服務費真係貴到嚇人. 加一, 荼介同埋花生 二個人食可以去到80蚊. 如果野食係好好食就話冇所謂,但真係好一般. 

住係梨木樹既 一定會識呢一間茶樓今日就單父母親一齊到呢一度品茗 服務員態度幾好 我地一坐低就問我地要咩茶 好快就送到 我地叫左壼潽洱茶茶都算係幾香 平平無奇咁啦因為爸媽旨在閒聊下 所以只係叫左個煎腸粉 同埋水餃生菜 腸粉都幾特色 每一條大細都相約 咬落幾有口感另外既水餃生菜 即叫即整 啲餃幾大粒 幾正 但枱與枱之間有啲逼 所以出入撞到 都唔出奇大至都ok

因約女友人LT攞o野,咁o岩佢又要畀錢佢外家而出o黎,咁就約 o係552013 (Sun)飲個茶,點知佢約2:30pm食下午茶,佢帶埋兩個女,我就帶男友一齊,三大兩細一齊食.我同男友準時到達就先開茶同剔第一轉,剔好交埋冇耐佢o地就到,點心都開始o黎喇.1. $9.80 o既鯪魚肉釀茄子唔係好大件,而且唔係煎o既,雖然唔香口但都幾惹味.2. 上湯水餃麵(特點)有成5隻水餃,但麵唔係太多,生菜原來有好多.水餃皮薄但唔冇乜蝦肉,麵唔會太腍都OK.3. $12.80o既燒賣皇+乾蒸牛肉我冇食到燒賣只食o左乾蒸牛肉,都係正常冇乜問題啦.4. $10.80o既離心蒸粉粿其實點樣離心法?答案係feel唔到.而味道呢,由於佢唔係潮州粉粿,雖然都有用五香粉,但都係好似唔夠味,可能冇乜肉碎o掛.5. $12.80o既蝦餃皇+菜苗餃蝦餃竟然唔係好夠味,食唔到正常蝦餃o既味道.菜苗餃就菜苗偏多,但竟然味道都唔夠.然後到第二轉o既:7. $15.80o既燒鴨瀨傳菜亞姐拎到o黎同我講瀨粉o岩o岩冇晒,畀米線我.咁得意o既?賣晒唔係問客人想轉咩o野,而擅作主張幫客人改.可能我o地唔想食米線想食河粉,又可能堅持要食瀨粉,其他o野唔要呢?好彩畀o左鴨胸我o地,而且都幾多,啖啖肉,幾好食,不過真係最衰係米線而唔係瀨粉.8. $11.80o既懷舊鴨腳扎有咩咁懷舊?我一咬落去就食到大大舊又腍又粉o既芋頭,之後都係一舊肉同鴨腳,味道唔太鹹咁.9. 上湯水餃麵(特點)冇錯,係同一樣o野要多碗,因為LT大女LWT鍾意食水餃,但佢o既食量唔係大,只係為o左食多兩粒水餃而叫. =.=”10. $11.80o既雞飽仔+燒腩卷呢兩樣我都冇食到.11. $9.80o既香菇雞飽仔相中見到o既絕對唔係雞飽仔,而係我o地冇剔過o既流沙包,真奇怪.最後我o地係同部長講,然後換返雞飽仔畀我o地,不過我都係冇食到.6. $12.80o既蜜汁叉燒腸呢個係第一轉已經剔o左,但漏o左單,我o地追返o既,腸粉唔太薄身,叉燒唔係好多,叉燒夠腍但唔會甜啦,而佢只係暖暖地唔熱.呢餐埋單共$189.00,價錢我就計四個人.服務:其實2:30pm至o黎到都唔叫好晏o掛,但大部份o野食都要等好耐至到,重要唔係熱騰騰,唔知攪乜.環境:好闊落同好舒服.

一班山友翻越大霧山之後，大夥兒來到梨木樹村，就在商場中揀了這間酒樓開餐。

先後叫了下列麵飯及點心：豉椒排骨炒麵、海鮮炒烏冬、瑤柱蛋白炒飯、燒鵝一隻及生菜。

點心有牛肉球、叉燒腸、牛肉腸、煎堆、麻蓉煎堆仔。

食物中以燒鵝、豉椒排骨炒麵及煎堆味道最好，其他都是一般水準。

這間酒樓原本名為(紫荊大酒樓)，結業後，就轉為(百利好海鮮酒家)。

百利好海鮮酒家餐單提供港式, 酒樓等推介美食位於葵涌區，餐廳座位數未知人均消費約$50以下，結賬可以用現金。

您對於葵涌餐廳「百利好海鮮酒家」有何 comment？

百利好海鮮酒家餐廳詳細資料：

• 百利好海鮮酒家地址:
  葵涌梨木樹商場1樓
  百利好海鮮酒家, 1/ F, Lei Muk Shue Shopping Centre, Kwai Chung
• 百利好海鮮酒家電話:  
• 百利好海鮮酒家價錢: $50以下
• 分類: 港式, 酒樓
• 座位: 未知
• 付款: 現金
• FB專頁: 百利好海鮮酒家 Facebook

更多百利好海鮮酒家相關資料:

• 百利好海鮮酒家分店
• Youtube
• Facebook
• Twitter
• Google