漢福海鮮酒家 葵涌

漢福海鮮酒家 評價 相片

試試一下這間舊酒家, 二人前order 了:豉椒炒鮮魷魚河粉@$38: 好大碟, 炒有wok氣, 豉椒好香,魷魚新鮮到尚可.蒸排骨, 中點@$12: 好林, 入味, 唔錯.下午茶茶錢@$4加一, 共$64港式舊酒家味比較濃, 茶沖好濃, 用茶來中和濃味, 所以, 間中食下, 品嚐懷舊風味.

漢福是間中下價酒家，但卻光顧不下數十次，當然有其過人之處。

上週再訪又是叫了一檯點心/小菜，難得有拍照，又來介紹一下吧。

　點了一個午市5人套餐，先來一個指定的燒味拼盤。

份量比之前減少了，對於減肥的我卻無大礙：除了鬆化甜美的叉燒難以抗拒，其他都可以忍住不吃。

在自選粉麵飯中，選了茄子豬扒濕炒河，茄子豬扒量多很豐富，食材本身味道也正常，但炒河的芡汁實在太多太杰，熱食還好，一攤凍就不太像樣了。

還有一款自選小菜，大家捨肉類要了鱈魚絲唐生菜，唐生菜爽甜又清怡，眾女生很快又清光了。

　套餐還包括五款自選點心，我們再加添3個點心，已經吃得很飽足。

減肥關係，肥膩的燒賣與叉燒包沒有幫襯，排骨蒸芋頭也只挑了芋頭吃，芋頭有軟有硬火候不均，可以更好。

牛肉腸粉的腸粉稍太厚身，可幸仍算滑溜，加以甜醬油滋味仍算討好。

XO醬炒蘿蔔糕煎得微煎又香口，火候到位，不過蘿蔔糕本身偏粉，與聚豪閣的鮮香貨色大不相同。

來到菜苗餃，外層澄皮較軟稔，餡芯則是正常水準；同樣，奶皇水晶包也有皮過稔情況，然而餡香不過甜，我也吞了兩件。

　雖然大部分食物只是一般，但勝在兩款深得我心的甜點：新鮮蒸起的蛋黃蓮蓉包，有著香甜、滑溜又油潤的蓮蓉餡，及合宜蛋黃香，很好吃，連吞兩隻也不是問題；又愛煞餐後敬送的南瓜西米露，有著絲絲南瓜蓉的西米露熱暖甜美，是個十分滿意的句號。

　喜歡這裡還因為多年來收費保持相宜，六人一頓午茶吃下來才人均$40，所以繼精緻的聚豪閣後，成為葵芳區第二飲茶最愛。

星期日中左馬, 來吃晚飯, 叫了八樣鎹.1. 片皮鴨 幾好味, $98 一鴨兩吃算不錯了2. 羊腩煲 都有一定水準, 不太咸, 送飯不錯3. 魚 一般班仔, 都可以, 鮮味4. 魚頭煲, 較一般, 魚頭幾大, 但味道一般5.豉汁蒸帶子 太多豆豉, 味道還可以

由我讀書開到而家,都唔知轉左幾多個名,而家集團經營,應該KEEP到長期啦.食物KEEP到水準,時有新野出,今期出<朱古力軟心包>不太甜,OK<香芒鴛鴦糯米飯>look like sushi,好有心;備有小食亭,做環境同食物都唔得,<煎蘿蔔糕>無料無味一團粉,<煎腸粉>即煎係好香,放多一會兒就現形,太厚粉啲醬又一般.<點心拼盤$16>係好抵但都係啲小點點心,no good;<奶皇水晶包>唔太甜但超厚皮.呢間啲阿姐成日換人,好多新手,服務超差,成日漏單

這裡都算是我同同事其中一個開飯點，每逢有咩喜慶、生日、 Farewell都會嚟。

因為勝在平得嚟味道又OK，如果多人食，可以叫佢嘅午市套餐再加啲點心就最抵喇，每人$50有找，而且可以朝早預先寫定嘢食 FAX 過嚟，一嚟到就可以狂食唔使等，啱晒我哋呢班得一個鐘 Lunch 嘅打工仔。

不過，大家要預服務只係o麻o麻o架咋，會有漏單問題，大家要check清楚呀。

漢福海鮮酒家餐單提供粵菜, 廣東, 點心, 中菜館, 酒樓等推介美食位於葵涌區，餐廳座位數未知人均消費約$51-100，結賬可以用Visa,Master,現金,AE。

您對於葵涌餐廳「漢福海鮮酒家」有何 comment？

漢福海鮮酒家餐廳詳細資料：

• 漢福海鮮酒家地址:
  葵涌葵義路2-10號好爵中心2樓
  漢福海鮮酒家, 2/ F, Ho Chuk Centre,2-10 Kwai Yi Road,, Kwai Chung
• 漢福海鮮酒家電話:  
• 漢福海鮮酒家價錢: $51-100
• 分類: 粵菜, 廣東, 點心, 中菜館, 酒樓
• 座位: 未知
• 付款: Visa,Master,現金,AE
• FB專頁: 漢福海鮮酒家 Facebook

更多漢福海鮮酒家相關資料:

• 漢福海鮮酒家分店
• Youtube
• Facebook
• Twitter
• Google