一樂冰室 葵涌

一樂冰室 評價 相片

夜晚肚餓就去就腳既餐廳吃晚餐，見到最近午餐及晚餐menu翻新了，就來嚐鮮一下😋因為腸胃消化比較差，所以叫左味椒鹽玉子豆腐。

73蚊包白飯一碗，例湯一碗及凍飲一杯，份量非常夠飽👍豆腐外脆內軟，佐有蒜蔥及紅椒調味，香辣惹味，水準也良好。

稍辣些許，但不太影響整道配搭。

點茶及上餐速度也很快，環境舒服也不太吵鬧，感覺良好。

📍一樂冰室葵涌安足街7號安蔭商場地下2號舖🟠作為一間屋邨嘅茶餐廳，呢間餐廳的確不錯呢。

佢嘅裝修好簡約，地方乾淨，卡位坐得好舒服。

由於屋邨商場裝修，暫時只得呢間餐廳，所以每到週末週日就會好多人。

🟠多次幫襯佢嘅早餐，特別讚賞佢嘅豬扒同雞扒，大件之餘，最緊要煎得非常靚，而且醃製得很入味。

☕️奶茶香濃幼滑，做到水準。

🍳煎蛋、滑蛋、腸仔同多士等跟一般茶餐廳無乜特別。

🐖但佢嘅豬扒就做得很好，其實佢有相當厚度，就係食一個豬扒米線或公仔麵已經好滿足、好飽肚。

🟠以上兩個餐成為$93，一日之計在於晨，食個靚早餐，展開新一天。

😁

星期日朝早7點去食早餐，屋企人已經一早落咗去叫咗餐，但當我落到去嘅時候佢嘅餐都仲未到，講緊係已經有15分鐘後，一個早餐都要等15分鐘,趕住返工返學嘅唔洗食啦！都算！餐廳内客人不多，但叫咗幾次都冇人理,好啦終於等到有人過黎落單，一行埋黎個待應好冇禮貌就叫我黎張單比佢加單，唔該都無聲，態度十分差！到上嘢食嘅時候又係果個待應，成張枱咁大但偏偏將啲嘢食放係角落，上兩次嘢都係放係角落，做待應應該有嘅服務都無十分十分差到食物方面:叫咗個雪菜雞絲米粉，煎熟蛋同火腿加牛油方包，熱華田總共$37 首先個米粉湯底係無味嘅，雞絲成大陣雪藏味，之後叫熟蛋但就黎咗太陽蛋，件方飽一食就知唔係即日新鮮麵包隔咗好多日嘅，啲牛油好平？以為塗多啲牛油就得啲牛油多到用黎塗多2件方飽都得，杯華田仲唔掂，十分淡似飲奶水咁星期日早上咁靜嘅時候都做到錯漏百出，無招呼無服務，想生意好都難啦！如果唔係樓下得你間餐廳，又貪方便一定唔會幫襯屋邨黎講呢間餐廳嘅價錢都唔算平，價錢其次 但服務質素同食物質素都唔值呢個價錢！總括黎講：員工需要大大改善，食物質素都要提升

安蔭邨自從翻新工程開始左之後就冇哂野食，成個美食沙漠咁，之前見佢新開張就去試下，叫左個魚香茄子飯諗住都穩陣啦，頂佢食落去無味既，咁既質素仲要五十幾六十蚊，呢個價錢我去石蔭食仲大把選擇兼且好食過佢，而且有日經過佢門口，有兩個待應呀姐企係個扶手電梯側邊食煙，唔係話唔俾你食，但係咪可以去啲冇咁影響人既地方食呢? 個扶手電梯人來人往有老有嫩，呢間野由廚房到員工都係差，真係寧願去遠啲食都唔會再食呢間，冇下次！劣評x100

黎食飯要受氣 老實講 廚房唔係差 但係樓面絕對係垃圾，得收銀女人叫好 ，同班後生有禮貌，其他幾個 唔係食煙就吹水 完全無禮貌可言，一間餐廳 你叫乾炒牛河 冇用架，班樓面 唔會自已記點落單，淨係會叫客人 自己講個號碼比佢地聽，餐廳初期開都體諒下，點知開左一排 員工只會叫你比號碼佢地，試過叫乾炒牛河，佢叫我搵返號碼比佢地😂😂我做埋佢地果份，咁樣既我 不如整返個自助落單啦，咪可以請小幾個樓面 ，反正成班都無乜作用 ，完全可以講係食米田共拉飯餐具污糟

一樂冰室餐單提供港式, 茶餐廳, 冰室等推介美食位於葵涌區，餐廳座位數未知人均消費約$51-100，結賬可以用現金,八達通，Booking訂位可以電話致電 23268688 查詢。

您對於葵涌餐廳「一樂冰室」有何 comment？

一樂冰室餐廳詳細資料：

• 一樂冰室地址:
  葵涌安足街7號安蔭商場地下2號舖
  Cafe De Papa, Shop2, G/ F, On Yam Shopping Centre,7 On Chuk Street, Kwai Chung
• 一樂冰室電話: 23268688
• 一樂冰室價錢: $51-100
• 分類: 港式, 茶餐廳, 冰室
• 座位: 未知
• 付款: 現金,八達通
• FB專頁: 一樂冰室 Facebook

更多一樂冰室相關資料:

• 一樂冰室分店
• Youtube
• Facebook
• Twitter
• Google