雙節棍粉麵餐廳 深水埗

雙節棍粉麵餐廳 評價 相片

之前都去食過飯幾次，但因為疫情問題已經轉叫外賣了，今日收工回家，叫了條蒸魚跟豬手飯外賣在家吃，因為突然之間好想食魚，起初還有點擔心食蒸魚外賣送到嚟屋企會唔會唔好食，但係送到上嚟都仲係熱辣辣好好味，蒸嘅時間剛剛好條魚嘅肉質鮮嫩，啲豬手又夠淋又入味，今晚嘅例湯係我最喜歡嘅木瓜雪耳甘筍湯，我特別推介這裏的例湯，因為係好多地方飲完例湯之後會好口渴，可能加了好多味精，但這間餐廳的例湯飲完沒有口渴的感覺，我就知道這裏沒有加味精了，最鍾意嘅係佢落足料嘅例湯，所以我在這比個讚他們希望他們繼續努力！

已經食過好幾次，食物味道算中上啦，食物種類也多，睇得出是用心經營，價錢也合理，招呼幾好幾有禮貌，只係略嫌地方不夠大，經常中午時候要等位。

推介牛腩，豬手，中午快餐及下午茶炸大雞髀👍🏻👍🏻👍🏻👍🏻

薑葱覇王雞個汁嘅味道係ok的，但真係唔應該翻叮！我寧願佢好似白切雞咁樣凍上淋個汁，起碼雞皮會爽口啲。

雙節棍薄餅見係推介，即管試吓。

係脆的，但太鹹喇！其實可以落少啲鹹魚茸。

西芹炒帶子炒得太猛火，有啲焦焦哋賣相大打折扣。

帶子好迷你，收$78得細細碟⋯唯一係個蜜汁薯仔排骨比較好少少。

薯仔夠哂焾、排骨有脆骨又唔韌。

餐飲真係唔得。

華田淡茂茂，奶茶個茶底又濃得滯。

其實呢度越嚟越多單位落成，照計不愁冇生意。

但呢個水準，真係替佢擔心。

今日成班朋友仔一齊去左雙節棍食晚飯，之前有同老闆講想食魚春，今日去到佢地都為左我地準備左個麻辣魚春煲另外加多$50仲有埋魚卜講真的！係其他餐廳真係未必食到架，同埋個廚師真係整得好好食，不過老闆都同我講左想食既話預早同佢地講聲，因為未必成日有。

不過真係好好食加上我見佢地成日都有推出新既菜式，起碼多啲款式可以諗下食咩！最重要係有時我地成班五知想食咩好既時候，佢地都會比啲推介我地諗下，起碼少左諗食咩既煩惱

難得復活節長假, 好多人都去郊遊。

真係太多人, 我和朋友選擇去返小區食下野算。

真係小區反而小人。

我地黎到石峽尾, 美荷樓附近, 發現有新開既茶記。

雖然唔係咩好少有特色店, 但環境新, 夠乾淨, 我地就入去食。

由於限聚令, 本來冇咩人都要等位一陣。

經一輪探熱, 清潔後, 我地叫左: 楊州炒飯, 海鮮炒烏冬, 豬扒包野飲都係一般餐飲, 但我覺得水準不錯。

熱檸茶好似越黎越難搵到好飲既, 出面好多又苦又酸, 一係冇味，但這裡既熱檸茶真係仲有茶味檸味, 好正。

而食物方面都真係幾好食, 我之前其實食過佢既乾炒牛河仲正。

好有正式茶記水準, 而佢個豬扒包更係大過隻杯, 好利害。

這一餐真係值得回味，可以推介。

雙節棍粉麵餐廳餐單提供港式, 粉麵, 米線, 中菜館, 茶餐廳, 冰室等推介美食位於深水埗區，餐廳座位數未知人均消費約$51-100，結賬可以用現金,八達通，Booking訂位可以電話致電 55793400(whatsapp) 查詢。

您對於深水埗餐廳「雙節棍粉麵餐廳」有何 comment？

雙節棍粉麵餐廳餐廳詳細資料：

• 雙節棍粉麵餐廳地址:
  深水埗巴域街80號美葵樓地下5號舖
  nunchakurestaurant, Shop5, G/ F, Mei Kwai House,80 Berwick Street, Sham Shui Po
• 雙節棍粉麵餐廳電話: 55793400(whatsapp)
• 雙節棍粉麵餐廳價錢: $51-100
• 分類: 港式, 粉麵, 米線, 中菜館, 茶餐廳, 冰室
• 座位: 未知
• 付款: 現金,八達通
• FB專頁: 雙節棍粉麵餐廳 Facebook

更多雙節棍粉麵餐廳相關資料:

• 雙節棍粉麵餐廳分店
• Youtube
• Facebook
• Twitter
• Google