雅麗餐廳 荃灣

雅麗餐廳 評價 相片

(17/10/08)呢間餐廳都好耐「歷史」,似乎沒有裝修過,整體枱椅黐笠笠,燈光黑沉沉,如果開番光d燈,衛生環境「可觀」呢….。

攪笑既係d伙記叔叔,木木面口,唔聲唔聲,但係好細心,行過見到你用完既碗碟都立刻幫係拎走,又擺番好仍在飲用的東西,無晒茶又自動拎過另一杯比你,真係睇唔出咁周到。

o野食都好出色喎!與老公二人,order了公司三文治、葡汁牛腩飯餐。

公司三文治 好 好 食呀!!每間餐廳的公司治也不同,這裡有煎蛋、火腿、蕃茄、生菜、吞拿魚、芝士。

嘩!我覺得個精髓係juicy吞拿魚沙津汁與芝士既配合……芝士既咸酥味+醒神既沙津醬酸味,勁正!葡汁牛腩飯都ok,雖然葡汁無乜味,但牛腩不算韌,已可增加分數了。

還有一樣驚喜是杯奶茶,非常乎合我和老公對奶茶的要求,滑、茶味夠/香、奶不能蓋過茶味。

這裡只是差少少,唔夠滑。

第一次同bf 食既餐廳，就係呢間啦：Dbf 話佢細細個就成日黎食，所以帶我黎試下入面黑媽媽咁，不過我就唔係好慣呢d 情調既人哈哈，之後就嗌左 西冷扒餐 bf既 ；芝士焗海鮮飯 我既先黎兩個羅宋湯，用湯匙畢一畢，哇... 好多料飲左好耐都飲唔哂 ... 好味!之後黎多兩塊多士，暖既 .. 不過bf 唔俾我食話我食完會食唔哂 d 飯 我個飯一上到黎，好大碟，不過一 pet 野係個碟到貌相都唔係幾靚_但食落去芝士味重 !! 好味 !!都有帶子, 蝦果d 既 ...好抵食 ! bf 個西冷扒，好大塊，佢話" un " 左少少 ...不過我地都唔識得分有冇化學成分：P 佢切左少少俾我食都算幾好味，加埋個甜品，bf 食得好滿足呢 !會想試第2次咖！：)* d waiter 做野好快手，雖然有時見佢地冇野做都會睇下電視但你嗌佢地佢地都會好快咁過到黎幫你，而且都好主動收左d 飲完既湯碗等等*

環境 / 背景︰睇左其他食評，覺得幾好，放工同gf試一試。

門面唔係好搶眼，入到去燈光暗暗的，不過都算有西餐情調。

不過兩旁卡位都坐了街坊裝男人，行埋個位到仲見到我個位地下有2個煙頭，突然感覺很茶餐廳。

前後都有2部大電視，很方便看6:30pm新聞。

menu中英對照，很懷舊式的英文潦草，set dinner附頁更加是人手寫。

叫了田螺牛柳餐，gf要西冷餐，全改碟上。

服務︰侍應是後生仔女，穿上一貫的上白下黑裝，雖然唔笑，不過都落力企係側邊(一枱之隔，有足夠自由睇menu，唔會有壓力)等客人order。

set餐具時都好細心，唔會狂風式趕住做，擺咩左仲會再執過。

湯 / 包︰羅宋湯很濃味，好多菜，好味；忌廉湯加有蛋碎，很滑。

都算大碗(不過2隻碗都係崩左一忽) 。

用多士做餐包，感覺新奇。

前菜︰田螺半打，不過不失。

主菜︰好大份，估計有10oz，仲有好多配菜，煮到林晒，容易食，大大塊半邊蕃茄，仲有薯條。

牛柳(7成熟)好林，西冷(5成)有肉味口感好。

舊肉大到呀，食唔晒。

甜品︰雜果新地，即生果粒加一球雪糕。

飲品︰凍飲加$2，不過都幾大杯，可以慢慢坐。

就算叫凍菜蜜都只係加$2，唔駛額外補錢。

價錢︰連加一小費，2人合共$170。

今晚去左 e 間食，係因為睇到 "更好既選擇" 所推介。

我都係點左兩份晚餐，多士真的很熱騰騰很新鮮， 紅湯 ok，頭盤今晚係公主魚柳，魚柳熱騰騰的，一面食一面覺得不是預先整定的，好滑好好味。

主菜係黑椒雞扒配意粉，雞扒很嫩，又是熱騰騰的，值得一讚，意粉用茄汁炒過，是我的至愛。

飯後有什果新地即是雪糕，又是我的最愛。

餐飲改凍飲加 $2，變成很大的一杯，飲唔哂添。

waiter態度好好, 快手快腳的, 很醒目。

真多謝 "更好既選擇"兩份有湯, 頭盤, 主菜, 餐飲, 甜品既晚餐, 夾埋 $97。

係宜家的環境，真係好抵食，今晚真的很滿足，我知我會再去。

會來呢度食係純粹因為經過, 老公見有電視睇就決定響度食了無乜點特別諗要食咩, 只係隨便點左兩份晚餐落單之時見水吧即刻擺左兩塊面包去烘出來既多士果然新鮮, 紅湯稀稠適, 老公大讚岩佢口味我自己既白湯就有雞肉, 都唔錯頭盤係炸蝦拚蝦片, 蝦片雖然唔熱但都脆反而炸蝦非常唔錯, 夠熱夠脆, 蝦肉爽口, 雖然係頭盤但每份都有兩大隻, 份量好夠主菜係蒜蓉牛柳, 牛柳軟滑, 但仍然好有肉既質感, 絕對唔會好似某d餐廳勁用梳打粉整到肉唔似肉 雖然應該有7成熟, 但都絕對唔會有太韌或者起渣既情況蒜蓉汁亦都香味十足唯一麻麻既係配菜既薯條全部都係淋既, 不過老公個份配飯就無呢個問題了飯後有餐飲同甜品, 係什果配芒果雪糕響呢度要先讚一讚服務, 唔好睇呢度既waiter個個都廿歲附近染晒髮咁, 其實佢地都係好好態度, 手腳又快, 呢度refill水既速度係好多大餐廳都比唔上的, 落order寫餐飲都係客人一個眼神佢地就即刻醒目重點來喇, 兩份有湯, 頭盤, 主菜, 餐飲, 甜品既晚餐, 夾埋一百蚊有找響個個都話莎樂美係荃灣最好既西餐廳既時候, 我就寜願選擇呢間唔駛等...價錢平30%以上, 食物同服務質素都更佳但係名不經傳既小餐廳了

雅麗餐廳餐單提供西式等推介美食位於荃灣區，餐廳座位數80人均消費約$51-100，結賬可以用現金。

您對於荃灣餐廳「雅麗餐廳」有何 comment？

雅麗餐廳餐廳詳細資料：

• 雅麗餐廳地址:
  荃灣眾安街120號地下
  Nga Lai Restaurant, G/ F120 Chuen On Street,, Tsuen Wan
• 雅麗餐廳電話:  
• 雅麗餐廳價錢: $51-100
• 分類: 西式
• 座位: 80
• 付款: 現金
• FB專頁: 雅麗餐廳 Facebook

更多雅麗餐廳相關資料:

• 雅麗餐廳分店
• Youtube
• Facebook
• Twitter
• Google