都佐 荃灣

都佐 評價 相片

價錢合理的日式西餐廳: Creamy coconut curry chicken with rice 椰香和風雞鎚咖喱飯 🌾🍗🍛 $108呢款咖喱飯用左有少少忌廉味嘅黃咖喱，個椰子味真係好香濃🥥，入邊有薯仔粒🥔、紅蘿蔔粒🥕、洋蔥蓉🧅等等，都好健康嫁，面頭放左两大隻嫩滑嘅雞髀好吸引，啲咖喱味仲滲哂入雞肉入面好入味😍Roasted bonito 鰹魚半敲燒 🐟 $68呢個小食個擺盤真係好靚✨，連啲蒜頭🧄都切到成朵5塊花瓣嘅花形狀咁樣影相超級吸睛📸鰹魚嘅味道新鮮甜美，有少少似日本刺身嘅感覺，魚肉連埋蔥、榨菜同埋蒜頭一齊食又真係幾夾嫁👍🏻Japanese Kagoshima wagyu beef burger curry with Sanuki udon 鹿兒島和牛漢堡咖喱配讚岐烏冬 🥩🍜 $158呢款和牛烏冬做到好似漢堡包嘅外型咁樣真係好特別🥰雖然和牛冇做到超級入口即溶嘅感覺，但係勝在牛味濃郁，真係唔錯！烏冬嘅口感勁彈牙啊，撈埋啲少少辣嘅咖喱食簡直係完美嘅組合！

📌 都佐 ~ 荃灣荃灣新開左一間復古風嘅日式餐廳🎏唔近地鐵站 要行一陣先到夾雜喺車房之間 門面相對上比較突出😂裝修帶有懷舊氣息 環境恬靜📺比較遠離繁忙嘅街道 坐得好舒適😌仲可以預先訂位 下午嚟到人流都唔算多✌🏻食物主要係日式定食 主食選擇唔算多但同普通咖啡店嘅西餐有所不同🤩另外仲有手沖同日式虹吸咖啡☕️服務態度亦非常友善 仲會不斷添水非常貼心👍🏻1️⃣ 牛肉壽喜燒蓋飯 𝗦𝘂𝗸𝗶𝘆𝗮𝗸𝗶 𝗕𝗲𝗲𝗳 𝗗𝗼𝗻 $𝟳𝟴 (𝟴/𝟭𝟬)一見到餐牌有呢一款就即刻點咗🤣食肉獸就係我 賣相都冇令我失望😍牛肉份量很多 不過有少少乾仲有最為精粹嘅蛋黃 撈埋飯一齊食超級正😋配菜方面有菇同芋絲 味道都幾濃味👅2️⃣ 鰻魚茶漬飯 𝗘𝗲𝗹 𝗖𝗵𝗮𝘇𝘂𝗸𝗲 $𝟵𝟴 (𝟳/𝟭𝟬)賣相好吸引 份量其實都幾多👀而且有好多鰻魚肉 厚肉彈牙但略嫌鰻魚有啲多骨🤭旁邊仲有好多煎蛋捲同紫菜送飯🍳茶漬係用咗綠茶 就咁送飯會有少少淡味但係加埋鰻魚嘅濃味就可以中和番～3️⃣ 𝗛𝗼𝗺𝗲𝗺𝗮𝗱𝗲 𝗖𝗼𝗳𝗳𝗲𝗲 𝗕𝗮𝗶𝗹𝗲𝘆𝘀 𝘄/ 𝗦𝗲𝗮 𝗦𝗮𝗹𝘁𝗲𝗱 𝗖𝗮𝗿𝗮𝗺𝗲𝗹 𝗥𝗼𝗹𝗹 $𝟱𝟴 (𝟲.𝟱/𝟭𝟬)賣相唔算特別吸引 因為中間啲cream切得唔好味道方面咖啡味亦不算突出☕️Baileys忌廉相對上比較甜 蛋糕體幾乾🤔質感較為結實 整體甜到有啲膩🥴4️⃣ 桂花檸檬柚子梳打 𝗢𝘀𝗺𝗮𝗻𝘁𝗵𝘂𝘀 𝗟𝗲𝗺𝗼𝗻 𝗬𝘂𝘇𝘂 𝗦𝗼𝗱𝗮 $𝟰𝟯 (𝟳.𝟱/𝟭𝟬)喺地鐵行過嚟真係身水身汗🥵要飲番啲清新嘅飲品 呢款梳打味道都唔錯非常清新解渴 桂花嘅味道唔算好突出🧐柚子味相對上比較重 甜度剛剛好🤘🏻5️⃣ 𝗟𝗮𝘁𝘁𝗲 $𝟯𝟴 (𝟳/𝟭𝟬)拉花真係好靚 咖啡味道正常奶泡順滑 整體水準不過不失☕️💡整體嚟講 食物同飲品質素都不俗😙係一間好用心嘅餐廳 裝修亦都超級靚嗰日同朋友嚟完全唔駛等位 環境係偏僻咗少少🤣但我哋食嘢傾偈都坐咗好耐 坐得好舒服🙌🏻又唔會俾人趕 實在係難能可貴👍🏻✄✄整體味道😋: 7/10性價比💵: 7/10 打卡指數😍: 7.5/10 環境服務🥂: 8/10 推薦指數👍🏻: 7.5/10 🍴: 都佐 📍: 荃灣聯仁街18號地舖🔍: 12:0018:00 (Mon); 12:0022:00 (TueFri); 11:0022:00 (Sat); 11:0018:00 (Sun)☟︎ 同地區餐廳#hkhungryfoodie荃灣☟︎同類型餐廳 #hkhungryfoodie日式☟︎ 同款式餐廳#hkhungryfoodiecafe#hkhungryfoodie日本菜

一入到呢間餐廳已經有一種煥然一新嘅感覺，成間餐廳嘅裝修好有風格！而且有一種世外桃源嘅感覺，出面條街咁熱辣辣，而且好繁囂，一入到嚟有一種好寧靜嘅感覺！❤️呢個感覺真係令人好舒服！好適合同閨蜜兩個人正整地坐低食嘢傾吓心事嘅地方！而且呢度嘅食物一啲都唔貴！其中一個好鍾意嘅係呢度嘅冷稻庭烏冬拌柚子醋，咁大個烏冬都只係$58 ，對一間日式Cafe來講，算係一個好平嘅價錢！而且呢個烏冬雖然簡單，不過食落去真係會有驚喜！呢個柚子醋嘅配搭好夾，而且到庭烏冬非常彈牙！再加上有和風紫菜同埋蛋絲嘅香味！夾埋一齊食其實你都已經好豐富！再加上呢度亦都係一個咖啡發燒友嘅好地方！呢度嘅咖啡全部好有特色！亦都係呢度嘅老闆精心炮製同埋調校的！所以好適合香港人嘅口味，對於鍾意飲咖啡嘅人來講，一定要試吓！

今日去咗荃灣同朋友周圍行吓街，好耐都冇喺荃灣行街食嘢啦，記得以前細個嘅時候成日都過嚟荃灣掃街食好嘢！今次都喺OpenRice搵咗一陣，最後揀咗呢一間都佐🤩餐廳好有特色，裝修好靚好別字，有宮廷嘅感覺！而且仲有鏡面玻璃，非常適合打卡！🤩塩麴豚肉配醬油蛋黃漬和風飯團呢一個豚肉非常特別，特別在於呢度嘅蛋黃漬！呢個醬汁睇落去平平無奇，本來都冇乜特別感覺，不過一食落去真係好大嘅驚喜！！味道非常濃郁，而且配合埋燒咗嘅豚肉一齊食，味道真係好夾！🤩再加上呢度嘅和風飯團都好入味，好有日本飯團嘅味道，就算就咁食飯團都非常好食！而且價錢合理，相對來講性價比好高，會再次消費嘅地方！

今日去咗荃灣見客，見完客之後有少少時間可以坐低自己嘆吓一個好食嘅午餐！入咗去呢間都佐！❤️見到環境幾舒適，所以就入咗去試吓！呢度嘅餐牌選擇唔算好多，主打日式料理，我就梗係要試吓呢度最出名嘅咖喱飯啦😍😍椰香和風雞膇咖喱飯 $108呢個咖喱飯嘅賣相好吸引，有兩件大大隻嘅雞鎚，再加上好豐富嘅咖喱汁！而且呢個和風咖喱係好香嘅夜香味，偏甜少少，鍾意食甜咖喱同埋日式咖喱就一定會好鍾意！而且呢個雞鎚好大件，肉質好嫩滑！夾埋呢個咖喱一齊食好啱啱好！而且呢個咖喱一啲都唔會搶咗雞肉本身嘅味道！好多時出面食咖喱，都會比咖喱味蓋過咗本身食物嘅味道！呢度一啲都唔會，反而夾得啱啱好，非常出色！！

都佐餐單提供日本菜, 咖啡店等推介美食位於荃灣區，餐廳座位數未知人均消費約$101-200，結賬可以用AlipayHK,支付寶,現金，Booking訂位可以電話致電 63930936 查詢。

您對於荃灣餐廳「都佐」有何 comment？

都佐餐廳詳細資料：

• 都佐地址:
  荃灣聯仁街18號地舖
  DouZo, G/ F,18 Luen Yan Street, Tsuen Wan
• 都佐電話: 63930936
• 都佐價錢: $101-200
• 分類: 日本菜, 咖啡店
• 座位: 未知
• 付款: AlipayHK,支付寶,現金
• FB專頁: 都佐 Facebook

更多都佐相關資料:

• 都佐分店
• Youtube
• Facebook
• Twitter
• Google