蘇濠 荃灣

蘇濠 評價 相片

記得呢間野上個月開張仲係賣緊出前一丁...人流又唔多, 都無咩特別留意佢,有日收工見佢落左閘仲以為接左, 隔日重開就變左賣西餐..入邊簡單執過下, 感覺似CAFE多過茶記, 可能新開得幾個客, 不過見D 坐位又幾舒服就同朋友入去試下啦..估唔到有驚喜!班侍應係呢頭泥講都叫好SERVICE了, 入門口都識叫聲歡迎光臨, 不過慣左路德圍食茶記無人理既..突然有人叫一叫都比佢嚇左一嚇...不過都算係有HEART 既!個侍應話肉眼扒好靚, 咁就同朋友ORDER件肉眼+忌廉雞扒啦, 一個濃味D, 一個清D,件肉眼扒好大件, 好JUICE, 叫7成熟岩岩好見紅唔見血...非常新鮮! 個汁叫紅酒汁, 不過就食唔出紅酒味, 可能我未到家啦, 哈哈, 50蚊食到件咁既質素肉眼係超抵...隔離椰林連加一起馬80UP 啦...不過我反而鍾意食個忌廉雞扒, 好重忌廉味, 相比肉眼泥講份量又岩女仔D, 清清地又係另一番味道!侍應提一提有餐飲未叫, 問番侍應佢話D 扒同汁都係用香草整, 無落味精, 難怪食完都唔覺得口渴...好彩佢提一提有餐飲未叫, 哈哈!ORDER杯凍奶茶, 普普通通既奶茶啦, 不過飲得出唔係用奶精個D珍珠奶, 係用全脂奶既...同呢頭D台式餐廳唔同, 飲多左奶精茶...飲下傳統既都唔錯既其實味道真係唔錯, 不過肉眼太大啦, 兩個女仔食唔曬...個侍應好搞笑咁又問係咪件扒有問題, 哈哈...見咁好SERVICE, 我地賣單比多左TIPS, 齊頭100蚊!聽講幾日轉一次款, 下次都會再試下其他款式既!

哩日黎到荃灣同朋友一聚. 經過哩間店見過面冇乜人(凶兆)同d sofa 都幾好坐. 所以都係入左去唔記得間野叫咩名. 不過我諗應該係哩間掛. 因為認得樓下食評既ikea 杯. 暫時寄存o係度先啦.開頭諗住食飯, 但見到menu 有撈丁. 即刻轉左軚.要左個豬頸肉沙嗲撈丁.晚餐黑椒雞扒飯+野飲+油菜$35. 但係黑椒+雞扒+飯+野飲o係menu 度都有得點, $30. 個菜值$5. 都幾易計.都整左幾耐.黎到... 見到就知食唔飽既份量.豬頸肉幾爽. 麵有點過淋. 沙嗲汁味道不錯, 甜甜地.應該問佢拎埋包麻油, 原來美中不足地方就在這.坐左差不多一個鐘10點幾間鋪都冇一刻坐滿.

2010年3月25日 ( 31 ) 荃灣 (蘇濠 1) 早餐日程：( 蘇濠 紅嚐坊 阿蘇火山拉麵)行山日，地點：大帽山大圓石澗暢遊，早餐於新開餐廳( 蘇濠 )。

豬扒、火腿及炒蛋麵：豬扒味道普通，火腿質素麻麻，炒蛋對味香滑，麵底ok，湯底不錯。

熱奶茶：茶味足，奶味夠，是ok的奶茶。

環境幾好，服務不錯，食物質素一般，價錢便宜。

蘇濠餐單提供西式, 西餐廳等推介美食位於荃灣區，餐廳座位數未知人均消費約$50以下，結賬可以用現金。

您對於荃灣餐廳「蘇濠」有何 comment？

蘇濠餐廳詳細資料：

• 蘇濠地址:
  荃灣路德圍40號地舖
  Soho Kitchen, G/ F,40 Lo Tak Court, Tsuen Wan
• 蘇濠電話:  
• 蘇濠價錢: $50以下
• 分類: 西式, 西餐廳
• 座位: 未知
• 付款: 現金
• FB專頁: 蘇濠 Facebook

更多蘇濠相關資料:

• 蘇濠分店
• Youtube
• Facebook
• Twitter
• Google