燉奶佬 荃灣

燉奶佬 評價 相片

因為天氣凍反，諗住入去打反個邊爐順便試下呢間野，但真係唔會有下次，落單期間服務員不停落錯野，要重覆3次比佢聽，我地嗌左兩個牛肉火鍋，6點落單等左半個鐘先有，但成間鋪得兩三枱客。

試問一個火鍋點解可以整甘耐，期間我地吹單，一個比較後生嘅服務員仲要用非常差嘅態度回應我地同我哋講因為廚房頭先唔得閒整 身為一間餐廳 竟然可以用吾得閑做藉口？吾得閑就吾洗整，講真你哋唔想整可以同我地講，我地話轉其他野食你地又吾比仲要眼啤啤我地。

今時今日甘既服務態度仲要收加一服務費真係吾值，希望你地好好培訓一下員工。

新年流流，見唔係有好多野開舖，燉奶佬冇額外+1，咁就幫襯下個下午茶啦，有好多選擇wo,喇沙雞絲米線。

個湯底好香椰子嘅味道，配料有冬菇豆卜。

都幾豐富㗎！另外叫咗個一口西多士，懷舊嘅味道令人想一食再食！幫襯下午茶加$10就有一個榨菜肉絲米粉，雖然佢唔係主打，但係因為佢係銀絲米線，加$10就有得食，又真係好抵，而且好彈牙！真係有驚喜！另外叫多咗個瑞士汁雞翼。

都好入味，仲好大隻添！最近見佢做緊優惠。

每逢幫襯到咗$100，就可以免費揀燉蛋或者燉奶。

咁梗係唔放過啦！話晒個名叫燉奶佬！一於就試吓碗燉奶啦！ 食呢啲梗係揀熱食！一嚟到真係好鬼香！2分鐘唔使，一人一匙羹都食晒luuuu!期待下次會想試多啲其他甜品！！

認識燉奶佬時，當時主力賣糖水到之後加左粉麵，到今日轉型為茶餐廳路線，選擇多元化，但有一樣野唔清楚，就係金裝燉奶佬同燉奶佬有乜分別🤔🤔🤔店內裝修似近期坊間大行其道嘅冰室裝。

今日選咗個自選湯底米線，仲包熱飲都係$48。

1. 香煎雞扒米線喇沙湯底($48)。

無諗過轉咗喇沙湯底之後，會有蘿蔔同半隻蛋，見餐牌都無，上枱時有點驚喜雞扒煎得香脆，蘿蔔亦淋無渣，餸菜算多，而喇沙湯底亦有水準奉送熱飲，轉凍飲加$3。

夜晚咩糖水減價，買左三碗，69蚊3碗，三碗中兩碗都系壞既，酸到臭，到底擺左幾多日既剩貨，因為系外賣，所以無奈地反到屋企先知，我系反到屋企即日食用，所以一定系本身已經壞，點解無影相因爲系琴日既事，本身諗住算，吾追究，果陣無打算寫食評，但到今日諗諗下錢又洩左！甘無良心既餐廳令我愈諗愈嬲，做食物俾人真系要講良心，呢個市道吾做好自己，俾壞既食物客人，即系做減價都吾系賣d擺甘多日既貨呀麻？最多兩日都吾應該賣俾人啦，收69蚊？

昨天重陽節又不用去拜山，諗下食乜？路經燉奶佬 見到門口招牌啲嘢食好吸引，好似好好味咁喎 😋於是入去試下。

叫咗一個午餐，就係豬扒炸雞髀加餐肉飯要黑椒汁， 配杯凍檸檬薏米水， 可能我本身鍾意黑椒汁，所以覺得特別好味，嗰個豬扒同個雞髀都好好味，豬扒好淋，雞髀冇雪味，餐肉就正常啦， 都用火腿午餐肉唔差㗎， 杯薏米水好味又有檸檬嘅香味，又有薏米食ok呀， 如果加8蚊仲可以有糖水㖭，不過我太飽冇加到，喺店裏面見到其他嘅美食都好似好吸引， 下次一定要去再試下第二啲嘢食先得

燉奶佬餐單提供港式, 茶餐廳, 冰室, 少鹽少糖食店等推介美食位於荃灣區，餐廳座位數未知人均消費約$51-100，結賬可以用現金，Booking訂位可以電話致電 27712733 查詢。

您對於荃灣餐廳「燉奶佬」有何 comment？

燉奶佬餐廳詳細資料：

• 燉奶佬地址:
  荃灣眾安街122號地舖
  Daniel's Restaurant, G/ F,122 Chung On Street, Tsuen Wan
• 燉奶佬電話: 27712733
• 燉奶佬價錢: $51-100
• 分類: 港式, 茶餐廳, 冰室, 少鹽少糖食店
• 座位: 未知
• 付款: 現金
• FB專頁: 燉奶佬 Facebook

更多燉奶佬相關資料:

• 燉奶佬分店
• Youtube
• Facebook
• Twitter
• Google