泰谷 荃灣

泰谷 評價 相片

荃灣路德圍出晒名多野食😋最近就開咗間泰式小食店 除咗有串燒,泰式小食,鐵板燒,煎餅之外 竟然仲有龍蝦 夠晒吸引😍.📌鐵板龍蝦海鮮炒麵 $98嚟到緊係要try try個龍蝦😎呢個鐵板餐就有半隻龍蝦配谷谷龍蝦汁 面頭再淋上厚厚嘅半溶芝士🦞麵底可以揀泰國公仔麵,烏冬,金邊粉 我就揀咗公仔麵🇹🇭成個配搭夠晒邪惡😈龍蝦係即叫即劏 超新鮮 食落真係好鮮甜🤩仲要好大隻 啲肉好容易就起到出嚟 啖啖肉🤤麵底份量超多 落咗兩個公仔麵 兩個女仔share都夠食‼️我自己覺得個麵炒得都唔錯 但係朋友就話係泰國食嗰啲好乾身爽口煙韌啲🤔個麵仲加咗洋蔥同椰菜炒 唔會淨係得麵咁dry🧅.📌雙拼鐵板 $30我揀咗魷魚鬚拼牛柳粒🦑🐮醬汁有黑椒汁,蒜蓉汁同冬陰公汁可以揀🌶平時好少見有冬陰公汁 幾特別 酸酸辣辣😝牛柳粒冇乜牛味 肉質唔算好腍都幾多筋吓🥺魷魚鬚就正正常常 配埋個冬陰公汁都幾夾 好有泰式風味😌

荃興徑呢邊有好多小食店，最近新開左一間叫泰谷小食店。

舖頭主打串燒同鐵板，未行過去就已經聞到好大陣嘅香味仲記得當時係比一股蒜蓉香吸引咗過去。

現叫現炒所以都等左一段時間，不過真是好值得，好好味，而且價錢都好合理！我叫左魷魚雙拼雞腎（鐵板）、豬肉和雞腎串燒、泰式手標奶茶、仲有新出的香蕉Pancake。

特別推介下面兩款：香蕉Pancake$25雖然同泰國路邊攤的做法唔同，但味道好香甜濃郁，差d想叫多份，而且是泰國的價錢！鐵板雞腎魷魚$30份量好多，兩個人食完覺得好滿足！之外鐵板炒仲有一啲野菜墊底，加埋蒜蓉汁真係好夾，而且好香！

荃灣路德圍出名有勁多好嘢食亦經常有小吃店進駐每次去掃街都可以食到好滿足轉角位上個月新開左間主打食泰國街頭小食既「泰谷」餐牌好多野食揀有鐵板燒、串燒、龍蝦炒麵、泰式特飲等等係街邊食新鮮熱辣而且好有風味仲吸引左唔少人經過黎點餐添 🤣。

/ ✨ 串燒 ($16一串） /雞肉、雞腎（$16一串）、羊肉（$22一串）各有五件大大件連皮一齊先入晒味三款都係最推介嘅如果真係要我揀我都係會三款要哂雞肉保持嫩滑多汁、雞腎勁彈牙而且厚度適中羊肉串亦都唔係好多地方有、食落唔怕乾身同埋佢哋醃得真係好入味 🍗。

/ ✨ 鐵板龍蝦海鮮炒金邊粉 (配谷谷龍蝦汁) $98 /帕巴臣芝士鋪滿烤香左既龍蝦🦞仲有大量椰菜非常豐富而且超級惹味$98 有半隻好抵食🤤燒過嘅龍蝦肉保持鮮嫩彈牙起肉之後可以啖啖肉咁連埋芝士🧀同秘製谷谷龍蝦汁一齊食好滋味。

/ ✨ 鐵板燒 ($30一餸 加餸每款+$12） /鐵板系列係必點🔥即叫即整唔駛等好耐就可以食到新鮮熱辣嘅鐵板燒我地點左🐮牛柳粒 x 魷魚鬚（蒜蓉汁少辣）本身以為咁平應該唔會有好多點知又不少魷魚鬚同牛柳粒之餘鋪滿左蒜蓉粒蒜蓉既香味配埋鐵板燒嘅香味總知就係勁惹味‼️魷魚鬚夠彈牙又新鮮牛柳粒雖然有少少韌但係超級入味不得不提既驚喜位係有好多炒椰菜、洋蔥🧅配埋鐵板燒汁食風味一流。

/ ✨ 谷谷龍眼冰 $26 / 飲得出真材實料🥤甜度主要來自龍眼本身而非糖精仲有勁多龍眼肉係杯底味道清甜解膩而且無加🧊就算飲到尾到無淡味到抵飲過手調店好多如果點左鐵板系列仲可以以優惠價飲到！。

店員服務態度細心有時又會比紙巾我哋同埋見我哋心思思咩都想試嘅時候都會推薦食物款式你地經過路德圍掃街一定唔可以漏咗佢 🤩

泰谷餐單提供泰國菜等推介美食位於荃灣區，餐廳座位數未知人均消費約$50以下，結賬可以用現金，Booking訂位可以電話致電 34896022 查詢。

您對於荃灣餐廳「泰谷」有何 comment？

泰谷餐廳詳細資料：

• 泰谷地址:
  荃灣荃興徑31號安富大廈地下4A號舖
  Thaicook, Shop4 A, G/ F, On Foo Building,31 Tsuen Hing Path, Tsuen Wan
• 泰谷電話: 34896022
• 泰谷價錢: $50以下
• 分類: 泰國菜
• 座位: 未知
• 付款: 現金
• FB專頁: 泰谷 Facebook

更多泰谷相關資料:

• 泰谷分店
• Youtube
• Facebook
• Twitter
• Google