不夜天美食城 荃灣

不夜天美食城 評價 相片

今早入大嶼山行山, 老公話要食飽足才有力氣, 於是他叫了排骨蒸飯 + 奶茶, $24, 佢話 Below average, 我見到個款就覺得極唔吸引, 碟排骨仲要放係飯面, 我叫了蝦米腸 + 奶茶, $20, 一定唔係即整, 唔滑唔好食, 奶茶既茶味蓋過奶太多了! 平又唔係平...好食又唔係...只貪佢選擇多...下次穩陣一點去翠華吧!

前日好早醒了，落了去吃早餐，住咁耐都未幫襯過，今次試下拉，入到去環境好差，地下四圍垃圾，叫了白粥和炸兩，個粥都可以，但個炸兩簡直垃圾，吐都吐不切

** 此食肆的第一個笑**25122007 Tue提議爸媽落荃灣食煲仔飯,印象中街市街有間將煲仔飯擺晒o係間舖外面整.落到o黎,沿住街市街行,見唔到呢個’壯觀’景象o既?留意張貼出o黎o既紙張,好多都只係煲仔菜,點算?過去兆和街搵吓吧(其實心知應該冇),行到過o黎,真係冇,見有間有羊腩煲,但爸望一望係茶餐廳就擰頭唔食.佢話過返去街市街,於是行返去,我o地穿過一條唔算太污穢o既後巷,出到街市街再睇,咦?!有煲仔飯,重有媽同我都想食o既田雞煲仔飯,就係呢間啊,皇天不負有心人呢,YEAH!此時應該係7點,裡面有幾枱客,我o地坐o係對住電視隔離o個張枱,叫同樣$28.00o既北菇田雞煲仔飯同豉汁風鱔煲仔飯各一.我建議叫碟油菜食,爸揀o左生菜($10.00)之後侍應立即畀三套食具同一兜熱水我o地洗o野.然後拎一碗仔o既豉油到o黎,經過上次o係四季食煲仔飯o既經驗後,我就點吓啲豉油睇吓夠唔夠鹹,有好多油o係面,試吓,唔鹹,好似有啲麻油.好快,油菜o黎喇,係菜心,我冇為意,媽問唔係叫生菜咩?係喎,爸同侍應講,侍應話係喎,我寫生菜o個喎,佢問我o地o岩唔o岩食,我同爸講我冇所謂,爸就話算啦,唔換喇.食落冇咩o野,不過唔夠蠔油,爸就叫侍應加蠔油.此時,爸想飲湯,於是又睇睇餐牌,種類算多,但我o地揀o左$28.00 o既淮山杞子炖螺頭,一睇價錢,就知呢啲係一位用,爸又reconfirm,侍應話係一盅盅,就似食鳳爪排骨飯o個啲盎咁,我話叫兩個夠喇,但爸卻叫三個.大約7:13pm,一個煲仔飯到o黎,侍應問駛唔駛幫我o地加豉油,我o地答好,佢就幫我o地加o左同蓋返好,呢個係豉汁風鱔,侍應話好熱.煲仔飯size比四季o既細,正確o黎講應該係話正常size,只因四季o既係大啲啲,但呢o度臭到好香煲仔飯味,有燶o既味道,亦感受到佢好熱.不久,北菇田雞煲仔飯都到o黎,侍應亦幫我o地加豉油,並放上兩條毛巾.之後,佢幫我o地打開了,好熱啊,我先食田雞o個隻,田雞好滑,飯唔太乾,有飯焦,今次係幾多飯焦,我都食吓,有啲苦,不過因為飯唔夠乾,所以飯焦唔係脆口o個隻,但可以刮到一大片出o黎.而豉汁風鱔,風鱔都OK.呢o度o既煲仔飯比四季香,飯焦多啲;餸都係舖滿個煲仔飯面o既,而食味就一般.可以畀4分.食o左大半,炖湯到o黎,又係好熱好香,材料亦多,淮山杞子一定有,重有雞腳同豬肉,至於螺頭就唔係每盅都有,爸o個盅冇,於是我將我o既畀佢食,湯水鹹淡適中,雞腳同淮山都夠腍夠粉,爸媽話螺頭韌,我又唔覺喎.不過o係呢o度都竟然有呢個水準,都算係驚喜喇.呢個可以有4.5分到7:30pm呢o度都full o左lu.環境:呢o度自從新裝修改名後(不過入面仍有標記o既餐牌)我都唔認得,比以前光猛,裡面都坐得闊落.服務同衝生:算係咁,冇乜大問題,不過好過四季.呢餐另類o既聖誕大餐,埋單o岩o岩$170.00 ,食到好飽.

不夜天美食城餐單提供港式, 茶餐廳, 冰室等推介美食位於荃灣區，餐廳座位數未知人均消費約$50以下，結賬可以用現金。

您對於荃灣餐廳「不夜天美食城」有何 comment？

不夜天美食城餐廳詳細資料：

• 不夜天美食城地址:
  荃灣荃灣街市街29號地下
  不夜天美食城, G/ F,29 Tsuen Wan Market Street, Tsuen Wan
• 不夜天美食城電話:  
• 不夜天美食城價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 不夜天美食城 Facebook

更多不夜天美食城相關資料:

• 不夜天美食城分店
• Youtube
• Facebook
• Twitter
• Google