Goce Del Cafe 荃灣

Goce Del Cafe 評價 相片

事發經過:當日我和同事去食晏,以為可以開開心心、食吓、傾吓....點知不但無得食, 最後還被「趕客』離場 個日我地分別點左一個豬脾骨飯同埋煙鴨胸, 上碟時發覺煙鴨胸好似唔係幾熟, 因有些少血水滲出, 米叫個仕應幫忙煮熟D, 點知突然聽到個廚師係廚房(開放式)到咆哮「識唔識野架,煙鴨胸本身就係熟架啦,我唔煮....」跟住走到收銀機旁好兇咁向住D食客大聲鬧:「邊個話唔熟架, 我唔做你生意…」當時其他客人都比佢嚇親, 咁我地聽到個番說話米起身埋單走人(無食個餐), 本來個女仕應話收一份錢, 但為免比人話我食霸王餐, 我比左$120元免找 (兩個餐加埋都係$107)米轉身走人, 點知佢重指住我地鬧「係唔係呢兩個人…」搞到我地好尷尬地離開....佢真係極無禮貌、極無品. 我們的感受 : 從未試過食餐飯比人係咁鬧,是煙鴨胸不是牛,發覺煙鴨胸有血水浸出,係正常人都會要求整熟D,我們以後不會再幫襯這間餐廳,什麼叫以客為先,應有禮貌都沒有,這人極無品…等…大家要小心D…

這一間位於荃灣樂悠居的餐廳, 食物的選擇不多, 除餐牌內的選擇外,只有少量的甜品,CHEESE CAKE, 牛奶PUDDING 可選, DINNER SET 大概有十多款左右包括牛排,魚柳,鴨凶,雞扒,朱仔脾ETC....可以配沙拉, 蝴蝶粉以及意粉,意粉的選擇較多...有茄蓉意粉,辣意粉,松露意粉ETC..., 加入28可以現SET, 有湯及蒜蓉多士OR沙拉揀....及飲品...因為, 這是一間HOME MADE 餐廳,很多顧客都會帶埋狗狗一起去用餐...食物的水準真的很不俗, 係選擇少了點...

睇openrice，以為呢間係有誠意的小店，加上我對西班牙文化好有興趣，於是特地來一試。

呢間店在openrice是寫食西班牙菜，又改個西班牙文名，以為真係會有一點西班牙特色，可惜完全無。

餐廳環境都幾舒服，不過就大大聲播住 tvb，唔知係唔係想做出有「casa」感覺，不過我地就覺得破壞晒成個氣氛; 食物方面，好似西班牙的特色食物例如 Paella, gazpacho 都沒有供應; 服務方面，對客人係有禮貌的，不過唔叫都無人理，個個都專心睇電視，這樣不太好。

我地order 左:餐湯、餐包個湯味道好淡...太稀了!主菜有雞配煙肉磨姑飯及龍利魚配蕃茄意粉兩個都好味! 魚整得又滑又好味! 意粉質地同味道都相關唔錯! 雞都好味，不過個汁就唔多覺有煙肉磨姑。

甜品有blueberry cheese cake + coffeeCheese cake 幾好味! 咖啡就太淡了!我地認為呢間餐廳的食物是不錯的，不過未至於會令人想再次幫襯的地步，加上位置、服務、價錢，而且附近餐廳選擇又多，呢間餐廳就真係變得唔吸引了。

"Goce Del Cafe:為西班牙意,意思為:enjoy the coffee"寫在這間位於荃灣樂悠居"蝸牛"cafe甜品櫃正上方的黑板上.在附近由於被眾工廠大廈包圍,此住宅可供選擇的食肆不多(我想,大概沒幾多位想假日也到工廠區用膳吧)難得一晚與友夜闖荃灣,出發前從一堆我倆都未曾在荃灣區拜會過的食肆中選出此店.(還就腳去青衣接下場)八時許的工廠區,猶如死城一樣,莫說食物,連人也不多.樂悠居算是附近的綠洲了!雖小型商場內十室九空,但就偏偏做就了一個寧靜環境.提供一個靜享優質咖啡的晚上~let us"Goce Del Cafe"店內環境閒雅,一貫市面上的cafe格局,時值閒日晚上,客人流量不太多,在舒適的環境下既可以獨個兒看看書喝杯咖啡.數位好友談天閒聊亦可,食品環境早己預備好了!只欠一個話題吧!中間放置一大大個甜品櫃,上邊可以用作收銀,中間放了大大一個蝸牛殼!哈~蝸牛正正是這店的吉祥物,大部份的裝飾都有其粉墨登場!.只有數檯客人而己,甫一入內己可以佔一席位了!女店員熱情地送上餐牌,先讓我們參詳參詳一番,回頭再作介紹.晚市主打意粉/飯餐.平均一個連餐湯,麵包,飲品,意粉,甜品的餐,約莫$100左右.中規中矩吧.友人先點了一個黑椒香草烤雞扒,本來想配磨菇飯!但是日飯類早己沽清了.只可以花心機在選擇意粉的汁料.我亦不見得如何順利,本想點煎肉眼的,但肉眼亦是是日沽清,若想吃牛,需另加$30轉安格斯牛扒.由於極想吃牛!最後決定還是來個安格斯吧!配上羅勒茄汁意粉,友人的要了芝士意粉!這家店的咖啡也是有名的!各自點了ice mocha及Latté後再於這閒靜環境談天說地~寫意!!!(若是假日下午就更徍了)店員先送上是日餐湯.就簡簡單單一個外表頗為普通的香草蕃茄湯.湯質稠度濃厚,而且加入了打成蓉的薯仔,每一呷也感覺到舌尖被大量薯蓉顆粒包裹著!有趣不失茄香之餘亦不會過甜,就濃濃的,酸甜酸甜的滑進口腔!麵包則有點兒失望,包底是嘉x的意式蕃茄香草包,來貨己內含了乾香草及蕃茄乾.店方後加上了蒜茸及牛油加以烤焗,麵包只用上現成貨式,而且只僅為熱度而焗熱麵包,烤得不夠焦香,感覺誠意有點欠奉......該店主角除了主菜意粉外.當然就要算上這店引以為傲的咖啡了!先送上友人的ice mocha,友人用後覺得咖啡味尚算香濃,但朱古力味明顯不足!加上該店標傍用上意大利進口咖啡,以小於70度的溫度沖製,本身己帶甜味,飲用之時無需下糖.固甜度亦較為單薄.若果多加朱古力以增甜香,味道會更為平衡吧!友人正享用其mocha之時,這邊廂我還忐忑著好不好破壞了如斯精緻的拉花!為免降了溫後令咖啡變質,還是快快試吧!稍稍攪勻,一股甘濃咖啡香隨咖啡流入口中!此店咖啡偏甘,但並未至一般"齋啡"苦澀!!且不吞盡,留下半啖餘啡回甘之後,濃香會徐徐滲出.此刻有點後悔點了Latté了,若是espresso會更能表現這咖啡的個性!不怕被牛奶沖淡這股剛陽咖啡味!接著送上友人的黑椒香草烤雞扒配芝士汁意粉,雞扒件頭頗巨,烤得焦香金黃!而雞胸肉充滿香草味,肉質不"鞋口"!處理得外脆內嫩又怎能不惹味?!只是略嫌不夠黑椒味吧了!意粉方面亦相當出色!就表面上觀察還以為是乾巴巴的,但其實是每條意粉也掛上了稠度較高的汁料.意外地感覺比水溜溜的醬汁更配合炒意粉,一來意粉不會被濕度軟化,二來液態流動的醬汁難免會導致每撮意粉味道不一.加上這店接近al dente的水準,確實是咖啡之外的最佳選舉!可能未必位位都像我喜歡這"乾炒"式製作,但友人嚐過後亦不再為沒有了磨菇飯而怨懟了!哈!至於我的安格斯牛扒配羅勒茄汁意粉,意粉的味道更恰到好處.蕃茄香草味濃郁不在話下,而且較為著墨蕃茄甜香的表現,同行友人因較怕酸度高的蕃茄味,所以對這個香甜蕃茄口味讚口不絕!但是安格斯牛扒的確是教人失望!order之時點了偏熟,70%.但送上一塊一邊80%90%,另一邊則30%40%的安格斯.而且牛味不太濃郁,肉質表現經己平庸.雖並不期待能以百餘塊吃到極級牛肉.但也不預計會吃到不比茶餐廳好多少的牛扒.算是全晚最失望的食品了.最後可以選擇芝士餅或奶凍作甜品.兩個人的好處就是不用取捨亦可以試齊兩款!!原味奶凍常常可以試到,就來一個咖啡酒味的吧!芝士餅則要了藍莓的!奶凍質感頗為滑溜!(吃過一些更滑的)己經合格有餘了!奶味,咖啡酒味配合得宜.奶香濃,咖啡酒甜,相得益彰!最緊要彼此不會越界搶過另一邊的味!質滑味香,己是一個稱職的奶凍了!good!藍莓芝士餅碟邊襯以該店的吉祥物小蝸牛形勢的裝飾.稍作擺動芝士餅即可凝做蝸牛上餅的有趣畫面呢!哈!忍不到它全爬至山頂了~芝士餅味尚算濃郁軟屬,配以藍莓醬的酸酸甜甜甚是醒胃!合格!總括此店咖啡及意粉均屬令人滿意的水平.不妨一學店內的小蝸牛般在這急促的城市慢下來爬進這寧靜的一角吧!(應該不會爬過入咖啡內,給我添加點蝸牛粘液才這麼好喝吧)

去開荃灣做野，唔知食乜好，走去開飯睇下有乜食。

見到依間有咁多個都讚一行四人走去試下。

入到去見裝修麻麻，坐低左跟著比左個餐牌，我地因為睇過之前D食評，見到D肉眼話好，大家四個都搵搵陣陣全部都要晒肉眼餐。

個餐原來要湯冇野飲，同埋轉意粉加五蚊，所以我地全部都要左飯(仲要多飯)，我同其餘兩個同事諗住試下個湯(磨菇忌廉湯)，另一個同事話飲咖啡搵陣D(話晒都個間COFFEE SHOP)。

等左兩個字D湯終於送到黎，望左一望，心知不妙，D西湯不嬲都結結地，但望落去好似中湯咁，飲落好似一碗湯開成三碗咁，水到唔水。

跟住大家你眼望我眼咁，飲咖啡果個最得戚，COFFEE SHOP即係COFFEE SHOP，真係得杯咖啡得D，於是大家即時將如下既肉眼飯期望降低，再過左一個字左右，D飯終於黎喇，一如大家諗法，冇期望就唔會有失望，個飯真係冇咁大件扖，同埋好彩叫左多飯，同開飯見到既差好遠，不過食落味道都叫可以。

(但一定唔會有下次)

Goce Del Cafe餐單提供意大利菜, 西班牙菜, 咖啡店等推介美食位於荃灣區，餐廳座位數未知人均消費約$51-100，結賬可以用現金,八達通。

您對於荃灣餐廳「Goce Del Cafe」有何 comment？

Goce Del Cafe餐廳詳細資料：

• Goce Del Cafe地址:
  荃灣楊屋道138號樂悠居1樓13號舖
  Goce Del Cafe, Shop13,1/ F, Indi Home,138 Yeung Uk Road, Tsuen Wan
• Goce Del Cafe電話:  
• Goce Del Cafe價錢: $51-100
• 分類: 意大利菜, 西班牙菜, 咖啡店
• 座位: 未知
• 付款: 現金,八達通
• FB專頁: Goce Del Cafe Facebook

更多Goce Del Cafe相關資料:

• Goce Del Cafe分店
• Youtube
• Facebook
• Twitter
• Google