小飛象葡國餐廳 九龍灣

小飛象葡國餐廳 評價 相片

餐湯羅宋餐湯, 熱湯, 比足料, ok收貨.一片蒜蓉包, 微暖, 勁多牛油,不脆, 可點湯一起吃.主菜燒澳洲西冷跟薯菜很快到, 西冷都幾大份, 落order 時, waiter冇問到要幾熟, 可能就好似大家樂質素咁, 由kitchen 渣 fit, 結果, 十成熟嘅牛扒, 切落去都有些少困難, 係一份好有"咬口"的牛扒, 好彩食落都有牛味, 只不過要用力切. 配菜有用牛油炒過, 熱騰騰, 味道尚算ok. 炸薯角仔係最好味, 厚切, 薯味濃, 不用點茄汁.至於餐飲熱檸茶, 味道一般.SOFA 有d舊, 超"林", 不好坐. Waiter 算快手, 但態度一般. LUNCH HOUR 都不滿座, 有改善地方.

  係Yahxx!!團購買既coupon（2小時任食buffet），盛惠每位$128（未計服務費）；同父母專程去到Mega Box諗住食餐好既。

坐低左發現個環境都幾大下，因為時間尚早所以人客唔多。

我視察左一下周圍、淨係得附近一張長枱放左14款食物；對面放左自助沙律站&兩款湯。

  我地屬於第一round既客人，食既野應該要係最新最齊全既，但係d食物竟然一啲都唔熱!!我攞左d烤蘑菇、牛柳粒、意粉、薯蓉...冇啦，d野食就係咁多咁上下。

  先講湯；羅宋湯、夠熱，但完全冇味；感覺更加似飲緊辣辣地、酸酸地既水。

再黎就係忌廉湯；有蘑菇、可惜一啲味道都冇！飲到成口粉，唔講仲以為食緊BB既糊仔。

令我最嬲既係放係團購網頁吸引人既菜式一款都冇供應比buffet客（我見到隔離枱落order客有得點有供應架！）d咩葡式煙肉焗生蠔、焗青口、沙甸魚，就連最出名既葡國菜脆皮豬手一件都見唔到!!甜品就係葡撻；葡撻幾好食既、啲皮好酥好正，餡又好夠味佢地所謂既特色飲品就係荔枝味既水  食到我地背脊骨落！好似比人呃左咁 食左一round半就食唔落（亦都冇野好食）；最後仲要每人比多$24服務費先買單！就算係coupon buffet既客人都係客人呀；點可以咁貨不對版架！  絕對冇下次，嬲到要打上黎發洩下

今晚行過呢間餐廳，見佢有buffet。

個時八點八，待應同我地講話食物會不斷refill ，但九點半就last order ，我地好天真咁相信佢講既 ，咪入左去羅。

點知俾人呃左入去，食物完全無refill ，十個盆有七個盆係無野食，同待應反映，個待應勁無禮貌，話佢地有紙俾我地填，但要再晏d 先可以俾我地，仲晏d，都九點，咁幾時俾我地丫！個待應就話出面仲有好多野食，叫我地食住先。

火都黎，出面只剩餸頭餸尾，餐飯一位要幾百蚊又加一，食d 咁既野。

真係叫經理黎，冇經理，只有個話唔到事既主任，佢地話唔想浪費食物，所以唔會再refill ，我地同佢講係因為你們話仲有得refill，我地先入黎， 咁即係貨不對辦啦！未試過咁差既餐廳，差到唔想俾錢！！

咁大個人，第一次咁有心去寫評論，呢間野都算唔惦，D服務員冇禮貌都算，我七点同老婆入去食自助餐，坐低之後去攞野食，D碟十隻有八隻都有漬嘅都算，点之十幾款自助食物，盤盤都得番少少，心諗咁早應該會再加，点知加來加去都係抄粉面，雞翼同菜，咁都算，佢仲有七八樣主莱可以即点，諗住食主菜都飽瓜，点知來到D野衰過快餐，D蠔又生，D魚又燶又乾，真係唔使錢都唔會再來。

我完全唔知呢餐食乜，好似好正，但係無一樣可以叫做好好食，可以令我覺得好想再食。

食完只係覺得取巧、一D服務都無、講大話呃人、tum完人落答之後就咩都做唔到、一味只係叫人等等等等............囉。

團購都要比錢架，唔該！！！！！！

小飛象葡國餐廳餐單提供葡國菜, 西餐廳等推介美食位於九龍灣區，餐廳座位數未知人均消費約$101-200，結賬可以用Visa,Master,現金,銀聯。

您對於九龍灣餐廳「小飛象葡國餐廳」有何 comment？

小飛象葡國餐廳餐廳詳細資料：

• 小飛象葡國餐廳地址:
  九龍灣宏照道38號Megabox5樓5號舖
  Dumbo Portuguese Restaurant, Shop No.5, L5/ F, Enterprise Square Five,38 Wang Chiu Road, Kowloon Bay
• 小飛象葡國餐廳電話:  
• 小飛象葡國餐廳價錢: $101-200
• 分類: 葡國菜, 西餐廳
• 座位: 未知
• 付款: Visa,Master,現金,銀聯
• FB專頁: 小飛象葡國餐廳 Facebook

更多小飛象葡國餐廳相關資料:

• 小飛象葡國餐廳分店
• Youtube
• Facebook
• Twitter
• Google