FE Coffee 荃灣

FE Coffee 評價 相片

要黎荃灣西探朋友，順便黎搵野食原來工廠區都有好野食，就到不過就隱蔽d，係荃灣西站行過黎7分鐘到上到黎，原來餐廳咁大，仲劃左差唔多四分一黎做草地，俾食客休閒地睇下書，傾下偈，聽下音樂環境裝修簡約，木製餐桌和木地板營造舒適文青感覺，加上擺放左post card， 油畫，幾有心思星期六既menu 都幾多野食，不過唔記得影menu我地食左呢到既Carbonara, 最特別既地方係可以自己diy，芝士，意粉，肉類，都可以自己揀，我記得配料除左有煙肉，仲有鴨胸， 叉燒選擇，而芝士都有好多款，芝士我就俾老細話事，老細好nice出黎個Carbonara 賣相唔錯，都幾大份，應該係就返附近工廠返工既人Carbonara 我就配基本既煙肉，意粉al dente 掛汁，意粉幾有咬口，食完又唔會話好膩，性價比幾高我地仲食左蘋果汁雞扒意粉雞扒好夠味，係經油炸過再調味，一d 都唔馬虎，外脆內軟，雞肉好嫩滑個蘋果汁係用真蘋果調配，有兩塊蘋果肉，撈落個意粉到食又幾好味一間好有heart 既餐廳，食物又唔錯，下次星期六日可以再黎

自從舊年嚟過之後一直冇幫襯過，原來改變咗好多，首先已經冇咗個市集，仲諗住等食果陣可以去睇下嘢。

另一樣好明顯嘅改變就係人手，上次嚟果陣係多d人，今次得返3個後生仔，由落單收錢、煮嘢食、上菜、沖飲品同執枱，都係得佢哋3個一腳踢。

第三樣改變就係餐湯變成自助形式，喺水吧隔離放咗兩煲湯同麵包，其實呢個轉變都唔錯，等d客等食嘅時候，可以飲多兩轉湯，d時間都易過d，唔覺等得太耐。

(雖然我依然覺得上菜時間太慢！) 洋蔥湯今日有兩款湯，首先試咗洋蔥湯，味道清清甜甜唔太濃，而且自己裝可以撈多d洋蔥。

另一款湯係雜菜清湯(唔記得影相)，入面有甘筍、菜粒、洋蔥等，都係好清不過勝在用新鮮蔬菜去煮，唔係果d用牛油推嘅忌廉湯，我至怕！麵包方面，有一片片嘅法包同size細細嘅多士粒任揀，食幾多就攞幾多，唔好做大嘥鬼。

藍莓汁煎豬柳配香草扁意粉原先朝早喺FB見到係蘋果醬，點知order果陣先發現個menu唔同，原來佢哋話唔得閒update。

藍莓汁味道幾特別甜甜地，不過份量好少，基本上點兩啖豬柳就無晒。

豬柳屬薄身，略略香煎過，但唔知係醃唔夠時間定特登淡口d，味道好淡同肉質好鞋。

香草意粉一般無特別。

扁豆松露醬扁意粉配鹽焗茄子呢個原先FB見係泰國露筍(吸引我今日嚟嘅其中一個原因)，點知.......茄子切段再焗，邊位焗到少少香口，雖然有少少孜然粉，我都係覺得唔夠味，但我阿姐食得淡，佢就ok！意粉方面，今次呢個松露醬就濃味d，唔錯！可能係配撘蔬菜嘅關係，無比其他食物掩蓋過。

凍蘋果茶好香唔會太甜，飲落仲有果粒。

參加活動，這間CAFE要去到荃灣西站再行十多分鐘先到，差不多去到友線大樓個邊，比較徧遠，地點不太方便，不過夜晚包場就好平，$2000就已經可以包場，人少少又想搵個空間確實唔錯，CHEESE CAKE幾好味，餅底夠薄而且唔易散又唔會太硬，芝士味濃郁，甜品是可以的。

兩年前公司搬到荃灣西，見證著附近由可以說是零選擇，至現在附近工廈相繼有小店開張午餐時間終於尚算有得揀Set lunch 每週不同，如曾訂座，餐廳都會每週whatsapp新餐單這天的餐湯是南瓜濃湯沒有忌廉鮮奶那類濃稠感，就單純南瓜本身純樸的甜度跟綿密，還有淡淡香草味對於喜愛南瓜的我來說挺不錯可是身邊一位同事卻不停加鹽，可能是口味不一樣啦另外値得一讚是餐包是有果仁乾果那種飯有輕微硬度但偏軟，汁醬收得恰到好處，味道濃厚而不膩大蝦不算很大，可是吃下去也有四五隻什菌也足料，整體不錯就檸茶一杯吧清清口腔也不錯已經不是第一次光顧，其實本人覺得餐廳最好吃的，是豬手黑松露意大利粉，可是當天餐牌上沒有豬手皮嫩肉軟味道足，而且是切好的份量也大，很不錯呢順帶一提，原本想給餐廳好評可是當天同事吃的西冷扒意大利飯，則不太ok飯乾硬，牛扒也乾而薄不過沒拍照，因吃了一半賣相不好，(勇士們可以試試)因食物質素有點不穩，所以改評ok了

估唔到一棟工廠大廈入面，有三間西餐，這間第一次來，同事之前食過話好味，就來試下。

環境都幾大，仕應有好幾個人，餐廳還有個小市集，買一些精品之類。

首先，落單後送了一籃麵包，有幾款的，好多瓜子仁，幾軟身，好味。

南瓜湯用透明樽裝的，幾靚，唔太甜，有南瓜的，好真材實料。

同事飲蘋果茶，真的有蘋果肉的，不太甜，器皿特別。

蕃茄肉丸，好香，份量多，好味，有些蕃茄醬，味道幾夾。

同埋好抵食。

炸魚柳及薯角，好大碟，魚柳一開四，好香，又滑，好味，薯角也好香，正！！主菜，羊架兩大件，同事話好味，唔係好酥，意大利飯不是好出味，好乾身，好似炒飯咁。

西冷牛扒好薄身，好熟，比較鞋，好普通，意大利飯唔好食的，冇味又乾芝士蛋糕，可以，不是太出色

FE Coffee餐單提供西式, 樓上cafe等推介美食位於荃灣區，餐廳座位數未知人均消費約$51-100，結賬可以用現金，Booking訂位可以電話致電 37052570 查詢。

您對於荃灣餐廳「FE Coffee」有何 comment？

FE Coffee餐廳詳細資料：

• FE Coffee地址:
  荃灣柴灣角街38-40號銓通工業大廈1樓C1室
  FE Coffee, Flat C1,1/ F, Tsuen Tung Factory Building,38-40 Chai Wan Kok Street, Tsuen Wan
• FE Coffee電話: 37052570
• FE Coffee價錢: $51-100
• 分類: 西式, 樓上cafe
• 座位: 未知
• 付款: 現金
• FB專頁: FE Coffee Facebook

更多FE Coffee相關資料:

• FE Coffee分店
• Youtube
• Facebook
• Twitter
• Google