風味館茶餐廳小廚 紅磡

風味館茶餐廳小廚 評價 相片

夜麻麻訓到十點幾十一點唔知食乜,有朋友話呢間既嫩雞煨麵OK,我都係想食O的有湯既野,於是就出發...去到o個度,我睇勻個餐牌都冇嫩雞煨麵,只得好一般既茶餐廳既野,之後我開始發覺個餐牌上面個名已經改成"新風味館",而牆上仍然留有釘書機既釘,但係冇任何紙o係上面,咁就代表左呢間鋪頭已經轉左老細...咁都已經坐落左,咪就試下囉....個阿姐係咁sell個晚餐,其實都只係好一般既餐記野,咁我咪叫左個白汁雞絲火腿燴意粉囉,食呢o的野可以試到個廚既功力去到邊,點知個阿姐話冇意粉...有冇搞錯,妳selL左我咁耐到而家先同我講冇意粉?成間茶記竟然冇意粉?點做乜野茶記呀?咁我已經扣左佢分...之後唯有嗌個XO醬叉燒炒烏冬,黎到之後發覺今次中伏啦,o的油多到可以再炒多一破烏冬都仲得,當時我真係嗌左"哇!!!"一聲出黎,個阿姐聽到之後就話"乜事呀?"我話"好多油呀!"佢仲抵死,竟然話"阿生你咁瘦,食肥o的都得啦!"我真係O左咀,我落緊磅架!我操緊六舊腹肌架!今次我就俾佢呢碟炒烏冬破左我功,今晚我有排操啦.....早知行過隔離兩步俾多幾蚊去咖哩佬度食咖哩好過,唉~

紅燒元蹄我唔食皮, 只挑肉來食, 好淋滑但又唔會散開哂, d皮的老豆話好爽, 老豆,細佬 + 佢朋友包辦哂這菜3次都有叫, n 年前同老豆去朋友屋企食飯, 屋主媽媽(傳統上海人)煮過佢食至使念念不忘, 之前都去過"雪園" "滬江"食過都話唔好食, 今次比老豆搵返鱔糊本人唔食鱔, 老豆, 細佬同佢朋友 3 個食到芽菜都冇條剩, 佢朋友重好笑, 話除左佢阿媽煮, 係出面都無見過鱔糊有咁多鱔螞蟻上樹本人至愛, 小小辣, d粉絲炒得好乾身, 又夠獲氣, 但碟底又一點油都無頂湖上素我阿媽係素食者, 得這個選擇, 點知炒出來唔係廣東式而係上海式, 重好夠獲氣, 阿媽鬼咁開心羌蔥魚頭煲本人無食, 但見都煮得好香, 不過煲底有d油蒜蓉豆苗銀絲卷(蒸,炸各一)小籠包(五隻)高力雪糕(六隻)一行6人埋單 $358.00咁平價錢有咁好的水準我覺超值

叫左下午茶,瑤柱蛋白炒飯~跟凍飲~只係$22!!!真係勁抵食~~講番個瑤柱蛋白炒飯先~~都幾足料,起碼啖啖都有少少瑤柱絲~~!!不過唔夠咸呀~~下次可以試下其他野食~~

唔記得帶銀包, 要阿姐請食飯, 阿姐出名節儉, 所以搵間平平地, 這間店供應的食品並不多, 餐牌只有一張A4紙兩面, 字體大大隻, 頂多十零二十個餸, 當晚叫了兩個餸加一碟小食, 小食生煎包算好味, 因為包身夠軟, 但並非上海鋪那種, 底部不夠香脆, 第二樣是"沙渦津白", 並非以沙渦上, 只是用大湯碗, 真係好大, 基本上四個人都夠食, 而且材料豐富, 第三樣是香蒜排骨 (唔記得係唔係這個名稱, 應該都係同類型), 炸好的排骨灑上炸好的蒜粒, 排骨夠熱, 但肉質太韌, 而且炸好的蒜粒是凍的 兼且不脆, 另外, 當晚座全店滿人, 只得一位待應, 出餸非常慢, 所見以經有兩枱客人擺出不滿意的樣子, 無論如何, 這是十分便宜的晚餐, 合格以上!

風味館茶餐廳小廚餐單提供滬菜, 上海等推介美食位於紅磡區，餐廳座位數未知人均消費約$50以下，結賬可以用現金。

您對於紅磡餐廳「風味館茶餐廳小廚」有何 comment？

風味館茶餐廳小廚餐廳詳細資料：

• 風味館茶餐廳小廚地址:
  紅磡庇利街16號
  風味館茶餐廳小廚,  
• 風味館茶餐廳小廚電話:  
• 風味館茶餐廳小廚價錢: $50以下
• 分類: 滬菜, 上海
• 座位: 未知
• 付款: 現金
• FB專頁: 風味館茶餐廳小廚 Facebook

更多風味館茶餐廳小廚相關資料:

• 風味館茶餐廳小廚分店
• Youtube
• Facebook
• Twitter
• Google