明安茶餐廳 紅磡

明安茶餐廳 評價 相片

依幾個星期突然想食焗飯然後上左外賣佬搵外賣紙搵曬全個紅磡區外賣紙都係得兩間有賣焗飯最後決定叫明安茶餐廳叫左個焗石班飯(33$)加可樂(3$)送湯 總共36蚊叫完大概12分鐘送到個分量都幾足下只係石班分量較小 只有五件 不過都算大件而且粉漿適量 都算幾好個湯清清地 但幾好飲由於係炒厎 食完真係特別飽

之前說過最近密密的闖入紅磡區找早餐吃。

今天也固然不例外了....連吃了兩天上海雲吞，有點生膩；粥品亦吃過了，是時候回歸"英文子母餐"之懷抱....依舊走到明安街。

早餐選擇是何其的多，短短一條小街已有五至六所食肆 有喝茶吃點心的、有吃上海包點麵條的。

當然亦有一兩間茶記。

這次去光顧的，乃是在街頭的"明安茶餐廳"....今天沒有選吃ABC。

本看見牆上寫着有牛腩粉麵叫，想落單吃，但阿姐說還沒有炆透。

沒辦法，唯有只吃件三文治，喝杯東西便走人.....說是凍檸茶"少"甜，怎知變成"走"甜。

尤如在喝味帶澀的凍冰水一般，甚無癮....由於時間不多之關係，三文治沒有要我最喜愛的麵包烘底，自然是乏味不少。

火腿片沒有煎香過，乏味 X 2；蛋處理得尚滑，有少許汁流出，不錯....兩者合起來，換來的便只是一份純粹用來填飽肚子的早餐了....

原來紅磡啲食肆價錢都幾貴,想揾間經濟啲既茶餐廳好難,誤打誤撞之下入咗嚟,發覺原來呢度啲價錢都算經濟,一碟飯都係$30左右.叫咗個鮑魚雞粒炒飯$30,幾大碟,雞肉同鮑片都幾多,飯亦炒得不會太咸.菜遠排骨炒麵,麵很脆,排骨都算多,菜是白菜仔,不過有點咸.另外有例湯送,幾足料;加$3有杯凍飲,凍奶茶亦ok.

佢之前叫明安茶餐廳前已經幫襯過,當時食物質數同服務都係一般,今次行過見佢改左名轉埋老闆諗住試多次啦,點知真係有意外驚喜!我跟朋友叫左三道小菜有 沙薑雞 魚香茄子煲 肥牛扒菠菜 首先沙薑雞上枱時熱辣辣有好香沙薑味,還食到D藥材味,咸淡適中,魚香茄子煲又係燒煲滾住上枱,一般茶記都好小燒煲上,肥牛扒菠菜味到都相當不俗,估唔到佢地有咁大進步,連D伙記都好好招呼好有禮貌,肥老闆還經常跟我們傾計,價錢又唔太貴,我地三個人每人$50都唔洗,我地三個都好滿意呢餐,一定會再幫襯!

已經搬咗去街口而現址就改咗名叫OK茶餐廳，個名就OK，夠竟呢間係唔係OK，就要試過至知。

下午時嚟到已經過咗午市，只得三兩個客。

首先地方就唔多掂，成地垃圾。

下午茶餐($21)都係一般嘅炒粉麵飯包熱飲，叫咗個豉油皇肉絲炒麵，雖然唔係好大碟，但係即叫即炒都好夠鑊氣。

D麵無炸过所以唔脆但麵身幾硬吓唔係人人都食得落，好彩我個胃消化力强兼且飲咗杯檸茶，如果唔係實胃痛。

食食吓阿姐嚟掃地，掃完地又拖地，攪到個地下濕淰淰，都係快D走人，呢間認真唔多OK。

明安茶餐廳餐單提供港式, 茶餐廳, 冰室等推介美食位於紅磡區，餐廳座位數30人均消費約$50以下，結賬可以用現金。

您對於紅磡餐廳「明安茶餐廳」有何 comment？

明安茶餐廳餐廳詳細資料：

• 明安茶餐廳地址:
  紅磡寶其利街2H地下
  明安茶餐廳,  
• 明安茶餐廳電話:  
• 明安茶餐廳價錢: $50以下
• 分類: 港式, 茶餐廳, 冰室
• 座位: 30
• 付款: 現金
• FB專頁: 明安茶餐廳 Facebook

更多明安茶餐廳相關資料:

• 明安茶餐廳分店
• Youtube
• Facebook
• Twitter
• Google