MX 紅磡

MX 評價 相片

美心 Sir滑雞，真係滑到應一應👍🏻本來都無咩期望，但求醫飽個肚就可以，但上碟我竟然獲得厚待，有隻海南雞脾食，個脾肉好嫩滑，睇相都見到肉質好光澤，雞皮好爽口，又唔會太多肥膏😈伴碟仲有沙律🥗菜，少少麻醬淋喺上面，開胃又解膩👀主角係雞定係油飯呢？ 我會揀油飯🍚🍚飯粒粒分明，硬新得嚟又充滿油香，唔會話硬到咬唔開又或者腍到似粥😀同行朋友叫咗黑椒雜扒飯，佢等緊嘅過程見我食得咁滋味又想轉餐😂 但點可能呀？🤷🏽‍♀️最多請佢食一舊雞同一啖飯，俾佢止渴先😛 其實佢個龍蝦酥皮湯都好正，好鍾意酥皮😍

今晚要OT，hea hea哋諗住食個快餐算，去咗美心MX~~Order咗一個MX雜扒餐，個餐就有雞扒、豬扒、牛肉腸同埋煙肉！呢個set可以揀黑椒汁或者燒汁，我就揀咗燒汁！睇落好似好少咁，其實啲扒個底仲有啲蔬菜嘅！雞扒同豬扒嘅肉質普通啦！我從來唔會expect快餐店會有西餐廳嘅level，所以我都冇失望😂😂~~~~最基本冇雪味就okay架喇！呢到都做到嘅😝 個餐有配埋酥皮龍蝦湯，個湯其實都有少少龍蝦碎喺入面，個酥皮值得一讚，真係幾脆，加埋啲湯飲好正！ 

👁‍🗨 牛氣沖天肥牛火鍋 💲66上個禮拜係報紙頭版見到美心 #追鍋族 既廣告，三款火鍋分別有鮮氣逼人海鮮、酒不醉人醉雞、牛氣沖天肥牛，啲名都幾有霸氣😎至於三種湯底，就有沙嗲、芫茜皮蛋、花雕藥膳，任擇其一🤓牛魔王既我當然係去食個牛氣沖天肥牛火鍋，揀左芫茜皮蛋湯，原來仲會附送豆腐在內🤗牛既配料有美國肥牛、牛柏葉、牛筋、牛丸、牛滑等，當中既肥牛肥瘦均勻，牛味不過不失，軟嫩既牛筋伴隨住膠質既黏性，牛丸都幾彈牙🐮其他配料包括炸魚片頭、時令蔬菜、白蘿蔔片、南瓜片、粟米、蟹柳、烏冬等🙃因為本身配料豐富，所以就算無額外加配料，都已經夠曬飽😌以快餐店一人鍋黎講，呢個既性價比都算唔錯，真係不妨一試😛🔛 整體評分（7/10）

自從黃埔港鐵站開通後，紅磡及黃埔一帶的人流也變得旺起來，連帶附近食肆都興旺起來，原本的街坊小店，生意額也增加了﹗對於要外勤的上班族而言，經常要在街上做跑腿，難免要「去到邊，食到邊」了。

這次要到紅磡外勤，由於時間太趕，未有時間食晏，所以只好趁外勤時把握僅有的空檔時間，去找地方醫肚。

走在紅磡新天地一帶，這裡原本是純住宅區，雖然近年人流多了，但附近的店鋪仍似是做街坊生意為主，未見有大型的名店進駐，極其量只是在同一條街上，有兩間連鎖式快餐店。

這次選擇了去美心MX，原因是其下午茶有特價，推出了多款以迷你叉燒飯做膽的下午菜，但只要細心去揀，發現以迷你叉燒飯 + 紅豆冰的性價比最高，一個套餐才28元。

其他跟餐再配小吃，但沒有紅豆冰的迷你叉燒飯，取價已在三十頭至中了，以下午茶來說，略嫌性價比未夠吸引了。

由於這區仍主要是做街坊生意，在這裡吃下午茶，予人一種親民又優閒的感覺。

吃過下午茶後，又要繼續工作了﹗ Fighting!!! 

平時係紅磡好多野食，幾本上都試過哂，呢一晚唔知食咩好，行過美心見佢個扒餐好吸引，就入左去食啦！  我就叫左個西冷牛扒配穌皮龍蝦湯，只係＄68咋！  呢個餐跟左穌皮湯，簡直係我既至愛！穌皮夠哂脆，個湯亦都真係有龍蝦，唔係得味精味，好好飲  西冷牛扒外層脆，內裡鬆軟，食落好有口感，令我幾意外，同平時美心鐵板餐既牛扒一d都唔同，而且好大份，一開始覺得d配菜好少，但其實食哂成個餐已經好飽  如果想平平地食個牛扒，黎mx係最好既選擇  

MX餐單提供港式, 快餐店等推介美食位於紅磡區，餐廳座位數未知人均消費約$50以下，結賬可以用現金。

您對於紅磡餐廳「MX」有何 comment？

MX餐廳詳細資料：

• MX地址:
  紅磡黃埔天地奇妙坊(第1期)地下G18號舖
  MX, Shop G18, G/ F, Amazing World( Site1), The Whampoa, Hung Hom
• MX電話:  
• MX價錢: $50以下
• 分類: 港式, 快餐店
• 座位: 未知
• 付款: 現金
• FB專頁: MX Facebook

更多MX相關資料:

• MX分店
• Youtube
• Facebook
• Twitter
• Google