美食坊茶餐廳 屯門

美食坊茶餐廳 評價 相片

喺度住左咁耐，其實我除咗早餐同午餐之外，都冇喺呢度食過晚餐。

早餐方面都係普通茶記嘅水準，午餐係之前中學返學嘅時候有時會去呢間食下。

嗰陣時都唔會講求有幾好食，只係份量夠唔夠。

咁佢份量又真係幾多下，啱晒啲學生去醫肚。

屯門工作，極早到附近搵食，呢間門口泊到車，門面大，門口放咗啲桌椅比吸煙食客！入內係普通茶餐廳！光管燈顯得地方較殘舊及污糟！食物都係平時嘅茶餐廳大路嘢，落單後食物好快到！麵餐：紅腸煎蛋方包：紅腸煎得脆，不過好油，應該係炸嘅！煎蛋要求反蛋！蛋白煎得嫩滑，蛋黃微熟！麵包軟身！幾好！菜肉雲吞米線：雲吞係上海雲吞，皮厚，餡料好鹹，味道一般，米線份量多，幾滑溜，但湯底太淡，枱面又無辣椒油！淡茂茂！熱檸茶：夠熱夠濃，唔澀好味！同事食：沙嗲牛肉麵：紅腸煎蛋方包：凍奶茶：店員典型茶餐廳服務，唔多話！叫到就做！正常！茶記早餐！

平時多和朋友出屯門以外的餐廳食，住附近反而少在附近餐廳吃。

今晚早了回屯門，選了美食坊醫肚。

㝄湯好夠火喉，炒蜆大碟好食又抵食！鐵版牛仔骨好惹味，夠'林'但仍keep住牛肉味。

多人多去更好，可以食多幾款小菜。

老公之前同朋友仔黎過話好食，要帶我黎食。

於是就星期日睇完醫生就六點幾到左，一定要早啲到，因為位唔多，遲左就有排等喇。

叫左2隻鮑魚仔，真係好仔。

放係隻碟度浪黎浪去，好危險。

上碟仲會俾埋刀叉你切，我仲諗住用筷子拮住黎食TIM，好似豪放左啲。

 佢係用果皮蒸，我本身係唔食果皮同埋好怕佢陣味，但蒸完又唔係好覺有果皮味，係食落果陣有少少，我都仲接受到。

食到鮮味，不過我食慣濃味，覺得隻鮑魚淡味左啲。

老公上次黎係食聖子皇$38隻，不過今日無，得普通版$20隻。

但我都已經覺得好大隻，一開始叫左4隻，食完唔夠喉，本來食ENCORE多4隻，但姐姐話無喇，最多叫多2隻，好啦，照殺。

呢個真係我食過最最最好味既聖子，本身我唔食蔥，但係撈埋所有野食，食左都唔覺。

好香蒜蓉味，連粉絲都入哂味，個豉油都好正，聖子又夠大隻。

將佢撥落隻碗度撈埋一齊食，真係好味到唔識形容。

我地食到連一粒蒜蓉都無剩。

呢個一品煲都不能夠睇小，出面餐廳會放好多立立雜雜野落去。

但呢度樣樣都咁好味。

有魚肚、冬菇、菜、鮑魚片、鴨腳、魷魚同蝦。

蝦得兩隻，但係好新鮮彈牙，唔係雪藏貨。

鮑魚片就一般既齋鮑，本來我唔食鴨腳，但佢呢度整得好入味同淋，我都食左幾隻。

魷魚都好淋唔會韌。

最好味係冬菇同魚肚，因為佢地索哂啲汁，好夠味。

炒蜆都算大碟，依家出面啲餐廳得勁細碟，仲要全部都係得個殼，啲肉唔知去左邊。

呢度雖然都好多得個殼，但係個底都搵得番啲蜆肉，炒得夠入味又夠獲氣。

兩個人食得咁豐富都唔駛三百蚊，抵食！

走到倦了，想休息一下，看到此餐廳的食物款式多樣化，於是進去了。

幸好找到了卡位，坐下來開心地發現到此食肆提供利賓納特飲，最後點了菜遠蝦球炒麵配加賓紅茶（少甜利賓納＋捷榮紅茶）。

菜遠蝦球炒麵份量豐富，菜的比例令人滿意；蝦仁大小適中及新鮮度夠；炒麵香脆，加上汁料脆中帶軟，十分好吃！加賓紅茶的利賓納比例略多，喝下不酸，甜味稍濃，整體而言，兩者配合起來的味道還是不錯的。

服務方面，上菜及收碟時間合理，店員態度客氣友善，值得稱讚。

美食坊茶餐廳餐單提供港式, 茶餐廳, 冰室等推介美食位於屯門區，餐廳座位數未知人均消費約$50以下，結賬可以用現金。

您對於屯門餐廳「美食坊茶餐廳」有何 comment？

美食坊茶餐廳餐廳詳細資料：

• 美食坊茶餐廳地址:
  屯門石排頭路康德花園地下8號舖
  美食坊茶餐廳, Shop8, G/ F, Hong Tak Gardens, Shek Pai Tau Road, Tuen Mun
• 美食坊茶餐廳電話:  
• 美食坊茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 美食坊茶餐廳 Facebook

更多美食坊茶餐廳相關資料:

• 美食坊茶餐廳分店
• Youtube
• Facebook
• Twitter
• Google