Lazybones Cafe 紅磡

Lazybones Cafe 評價 相片

紅磡區同類型的西餐廳不多, 上一手的Jingles執左, 變左lazybones, 總叫有番個選擇, 第一次去幫襯係下午茶時段, 客人不多, 所以服務正常, 叫了egg benedict 及煙三文魚牛角酥, 食物質素一般, 但礙於同區西餐選擇少, 所以仍會考慮繼續光顧。

第二次去諗住試lunch, 門外無人等位, 望入店內亦見有吉檯, 向侍應示意兩位, 正在工作中的侍應亦點頭示意收到, o係門口等左一陣, 仍然未有人安排入座, 我們亦體諒可能店內人手不足, 未有人執檯, 所以都未有加以催促......如是者十多分鐘過後有三位中年男女黎到, 中年女士直接走入店內示意三位過後, 就企正o係門口無走開, 完全無視我地兩位o既存在, 無幾耐, 呢三位中年男女就可以入座了.....遇著呢種情況, 店方見到門外我倆仍然企左o係度, 亦無打算調停或再問我地幾位....原來我地一直企o係門口係白等的, 所以我地呢次無幫襯到, 之後亦不打算再光顧該餐廳了。

本來諗住食扒做lunch,想起"jingle's",點知去到先發覺"jingle's" 冇咗， 轉咗手俾另一間！ 叫"Lazybone"!咁既然都黎到， 就睇下有咩食啦！ 見到滿坐但d waiter話等一陣， 好快有位，咁咪等囉， 但係一直唔見有人埋單， 而其中一位waiter仲叫我地想order食乜， 可以先落單， 佢就真係當我傻架， 落咗單咪一定要食囉！ 我話坐底咗先order! 等咗差不多15mins 先有位！ 坐底睇menu, 其實都同上手差唔多，咁我想食牛扒，本來老公都想order 牛扒， 但係我話不如試下其他，咁老公就要咗"炸魚"!嗰頭落完order, 一分鐘後就已經送上湯同麵包，再過多3分鐘， 我份牛扒都出現！首先，嗰waiter 係有問過我要幾成熟d 扒， 我係要mediumrare!雖然係咁， 但係我唔覺得塊牛扒係可以咁快就煮好囉 !已經心知不妙，一切落，根本塊牛扒係全熟！ 亦即係佢地根本已經煎定一堆牛扒啦，既然係咁，問我要幾成熟有咩意思？問嗰waiter,佢話咁幫我轉另一份啦！ 又係等咗唔夠5分鐘就上！ 今次仲差，份牛扒係有d"血水",但係唔等於係mediumrare, 仲要嗰牛扒係"好水"味囉！ 超級難食！ 我咁大嗰女都未試過食到d 咁難食嘅牛扒！ 我最後只係食咗d side dish 就成碟都冇再食過！ 真係好彩叫老公試其他，因為佢塊炸魚係ok嘅！ 不過咁， 如果連炸魚都難食嘅話， 呢間野應該可以接埋啦！ anyway,我絕對唔會再去呢間食野囉！ 免費都唔會！

中午堂食，點了兩份黑毛豬扒配薯菜。

份量夠多，每碟有兩塊扒，但質素令人失望。

由於煎炸嘅關係，塊扒很油，覺得無用吸油紙吸過先上，旁邊嘅蔬菜亦沾滿油。

 至於味道，偏鹹，食後要飲很多水。

 這種質素，只能與茶餐廳相比。

比起附近同類餐廳嘅選擇，我不會再考慮這間。

今日星期六,起身已經11:00, 諗住同媽咪食早餐但係好多餐廳11:00已經無早餐唉, 唯有出咗門口先再算,eeeeeeeeee.....俾我o地發現咗德民街條巷條有間loft style 嘅cafecafe 供應早餐嘅時間仲要係到12:00我o地即刻入去試吓老闆娘熱情推介下,我就揀咗egg benecdit可能我鍾意食糖心蛋，連埋菠菜火腿同個包… 加上底層烘得外脆內綿軟、塗抹了牛油的英式鬆餅，幾種食材交疊在一起，「真係好好味呀！！」媽咪就揀咗煙三文魚牛角包上枱之牛角包頗大件，論件頭十分有睇頭、蕃茄配上煙三文魚味道上匹配牛角包如能熱一點就更顯牛油香氣一定會再幫襯!!!!!!!!

Lazybones Cafe餐單提供西式, 咖啡店等推介美食位於紅磡區，餐廳座位數38人均消費約$101-200，結賬可以用現金,銀聯。

您對於紅磡餐廳「Lazybones Cafe」有何 comment？

Lazybones Cafe餐廳詳細資料：

• Lazybones Cafe地址:
  紅磡德民街27號B4B號舖
  Lazybones Cafe, Shop B4 B,27 Tak Man Street, Hung Hom
• Lazybones Cafe電話:  
• Lazybones Cafe價錢: $101-200
• 分類: 西式, 咖啡店
• 座位: 38
• 付款: 現金,銀聯
• FB專頁: Lazybones Cafe Facebook

更多Lazybones Cafe相關資料:

• Lazybones Cafe分店
• Youtube
• Facebook
• Twitter
• Google