豐富棧火鍋 粉嶺

豐富棧火鍋 評價 相片

去過２次才評價，　集以下特色於一身，　可以吾使再去! １４８蚊一位任食，　聽落好抵呀　　！　但　．　．　．　１．　限食２少時，但．．．　下單時限只有９０分鐘，　夠曬神奇２．　一坐底就開始即計時，　　當時枱上空蕩蕩，　爐都未ｓｅｔ，　單都未落，　湯底都未ｃｈｏｉｃｅ！　但就已經開始計時啦　！　著實好吾公道３．　份量先最離奇，　叫１份，　係３少塊肉片，　叫１０份，　只係多幾塊　（不多於１０塊），　超博懵４．　叫１０樣食物，　次次總係出漏，　之後就話　：　ｄ野尼齊曬　！　（當ｄ客係傻既，　不過都廢是同佢地嘈，　吾想勞氣，　但心中有數, 一定吾會再幫親 !）　５．　所謂任食既肥牛，　真係超級肥，　９成肥膏，　１成才係肉　，　真係無得頂　！見到已經無胃口６．　明明叫左５份肥牛，　但另外比錢再叫一碟手切肥牛，　手切肥牛到左，　不過，　任叫果５碟，　全晚無影　！　(不知所謂）７．　７位朋友去食，　果晚食左差吾多１４００蚊，　=侮人２００蚊，　食物質素下３流，可以去其他地方食好ｄ！比得甘既價錢，　大把好ｃｈｏｉｃｅ! 8. 個爐由上枱等到煮滾, 足足等左20分鍾, 但一放生料, 又要再等 . . . .. . .等到發毛9. 上野其慢, dom 波鐘10. D壽司好難食, 上枱個樣已經好肉酸, 好似係垃圾筒執上尼比客食11. 去2次, D菜好京貴, 叫幾多份, SORRY , 都係比2少杯你 ! 再多都無不論時限, 食材份量, 都一樣甘少家 !講曬 ! 各位千米其去幫親 ! 包你扯火

公司同事試過話唔錯, 約埋幾個老友一齊去試去到等左一陣先有位; 個火鍋爐上下兩層, 上面有塊鐵板可以燒野食, 下面有個湯用嚟烚吓烚吓任食火鍋火鍋料都有六七十款, 大路豬牛羊肉都有, 味道唔錯,都幾新鮮;仲有豬肺同埋豬粉腸,洗得好乾淨,好好味 侍應姐姐話好多款野食都可以用嚟鐵板燒, 可能天氣熱, 成班老友都係鍾意玩個鐵板燒多D, 叫左好多款野食, 咩都放上去燒, 樣樣都話好味, 唔停手燒, 都唔記得我哋係去打邊爐經過佢哋一輪不停手燒,結論金菇牛肉卷......燒完之後點燒汁, 好味肥牛肉............燒完又係點燒汁, 好味蜆..................燒完咩都唔點, 好鮮味羊肉...............燒完加子然粉,好好味豬粉腸........... 呢個燒嚟食真係好正, Encore左好多次整體都唔錯, 下次再約埋屋企人去

天氣轉冷，緊係要邊邊佢啦。

一行六人見到車房旁有間小店，D環境非常一般，心想大'忍'隱於市，咁都做得住，一定有D特色。

入到去，佢問食放題定自己點，緊係自己點啦。

正所謂，有得揀先係老闆。

一打開張點心紙，嘩，普通過普通，會唔會係啲食物質素搭救呢。

唔理啦,點幾樣大路野先。

先講碟手切牛肉先，成快牛扒咁厚，抵食到不得了呀。

再講下碟魚膘，新鮮到呢，D腥味隔離街都聞到。

碟菜更加不得了，又黃又綠，以為啱啱打完風呀。

整體而言，咁嘅水準，仍然立不到，可以稱為世界第八大奇蹟。

後記，見到隔離枱食放題，D野重大鑊，又樣衰又細碟，仲要叫極都唔加野睇佢食到一肚氣，我就覺得自己執番身彩啦。

豐富棧火鍋餐單提供港式, 火鍋, 壽司, 刺身等推介美食位於粉嶺區，餐廳座位數60人均消費約$101-200，結賬可以用現金。

您對於粉嶺餐廳「豐富棧火鍋」有何 comment？

豐富棧火鍋餐廳詳細資料：

• 豐富棧火鍋地址:
  粉嶺聯和墟聯發街26號地舖
  Rich Hut Hot Pot, 26 Luen Fai Street, Luen Wo Hui, Fanling
• 豐富棧火鍋電話:  
• 豐富棧火鍋價錢: $101-200
• 分類: 港式, 火鍋, 壽司, 刺身
• 座位: 60
• 付款: 現金
• FB專頁: 豐富棧火鍋 Facebook

更多豐富棧火鍋相關資料:

• 豐富棧火鍋分店
• Youtube
• Facebook
• Twitter
• Google