百份百餐廳 粉嶺

百份百餐廳 評價 相片

雖然我對連鎖式的餐廳不太喜愛不過這間粉嶺的百份百餐廳真的不差他們的焗豬排飯不錯。

因為有一些快餐店的豬排飯是不夠熱的可是他們的，就很有芝士味道以及新鮮熱辣而我是奶荼的達人，他們的奶茶做得不錯比我心目中的好！

又係拜完山搵食的時間, 今次都係行嚟附近睇下有乜食, 見到之前食過果D都滿坐, 仲要等位, 咁啱行過呢間見到有2張大卡位, 雖然果度係入口, 但係後門, 我地又未食過呢間嘢, 所以兜個大圈去正門, 睇下D嘢啱唔啱食先入去, 去到正門先知其實都係茶餐廳, 只不過好似高級少少, 類似燉X佬果D集團咁樣, 頭先睇後門仲有位, 以為冇乜人幫襯, 原來前門好多人, 已經坐滿, 咁唯有由正門行返去後門果張大卡位坐, 一路行入去都冇伙計理我地, 就算入到去坐低, 都完全冇人招呼, 唯有靠自己, 咁啱聽到有其他客人問係咪有下午茶, 原來啱啱兩點, 咁啱又比我地發現咗隔離枱放哂下午茶的餐牌, 預備換牌, 我地就拎張嚟睇睇~都睇咗好耐, 終於諗到食乜, 但望極都冇伙計, 趁有個伙計送餐比附近枱時, 即刻叫住佢落單, 但之後水都唔比杯, 用具就自行發現枱邊有櫃, 唔駛靠佢地, 等咗幾分鐘先上飲品, 再過多十分八分鐘先上食物, 看似好好, 但食落先知............... 白汁龍脷柳焗意粉上枱時熱辣辣香噴噴, 但奇怪地係用咗炸魚柳, 平時食開果D餐廳都係煎香塊魚柳, 估唔到佢用炸過的魚柳去焗, 唔知係咪整開茶餐, 炸定哂D魚柳, 到焗果時唔駛焗咁耐, 因為呢個焗意粉仲快過碟炒飯..........炸過的魚柳係香D, 但變相熱氣咗, 原本佢個意粉我都覺得OK, 只係鹹咗少少, 冇諗到原來碟底係咁多油.........而家寫食評先見到, 原來呢間餐廳係有營食肆, 但都咁油? 焗嘢都咁油, 所以其他本身同油有關的會係更油............... 楊州炒飯好彩唔係我食, 因為一上枱已經見到碟飯發光, 因為落咗太多油去炒, 雖然份量好細, 但都夠飽, 因為D油頂住............... 凍奶茶+熱檸水凍奶茶唔夠茶味, 熱檸水又唔夠檸味食食下我都諗緊陣間點比錢, 單又冇, 咁啱我地坐果張又冇枱號, 食完果陣好彩啱啱有伙計經過, 問佢有冇單, 佢話去門口比就得, 咁咩枱號至得架? 都考起佢, 佢逐張數先數到................

午飯出街食，發覺商場大部分餐廳已換血，好幾間食開嘅都褶左，咁唯有揀百分百啦。

等左一陣就有位，二人卡坐，路邊位。

快快點左兩個午餐，上次試過等左成半個鍾都未有得食搞到遲到，今次唔好諗咁多。

乾炒牛河，河粉較淋，調味幾好，無過鹹，而且份量很多，粉同牛平衡，好抵食。

魚香茄子飯，上枱時超熱差啲燙到咀，茄子走過油，外脆內軟，食落唔覺油，多汁，撈飯一流。

白汁雞扒意粉，雞扒肉嫩，意粉有咬口，幾好。

四十幾蚊個午餐連餐飲，今時今日算係咁。

百分百在兩個附近屋苑先後開設，人流的確暢旺，每到飯市總是人頭湧湧。

踫巧老婆不在家，晚飯沒著落，反正都是一個人吃，不如早一點，下午茶化算點，而且有炒粉麵提供，我喜歡。

犀飛利肉絲炒麵聽名就好得，食落其實一般，無疑麵條炸得黃金又卜卜脆，不俗，肉絲份量稀少都預左，但是另上的肉絲醬汁玻璃茨，濃稠得可以當漿糊用，有點嚇怕人。

再加一杯菜蜜，雖然平宜，但水準一般，可能晚飯會好一些，找個機會來試試。

今次叫左肉絲炒麵同埋芝士海鮮焗飯肉絲炒麵,汁麵分開上..汁多到成碗大湯BO 咁麵炸得好好,好脆但唔過份乾身芝士海鮮焗飯好多料,勁多芝士,食落唔覺口乾,整體黎講都幾好食.唔會話係中伏既

百份百餐廳餐單提供港式, 茶餐廳, 冰室等推介美食位於粉嶺區，餐廳座位數未知人均消費約$50以下，結賬可以用現金,八達通。

您對於粉嶺餐廳「百份百餐廳」有何 comment？

百份百餐廳餐廳詳細資料：

• 百份百餐廳地址:
  粉嶺粉嶺中心地下2B-2F號舖
  Cafe 100%, Shop2 B-2 F, G/ F, Fanling Centre, Fanling
• 百份百餐廳電話:  
• 百份百餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金,八達通
• FB專頁: 百份百餐廳 Facebook

更多百份百餐廳相關資料:

• 百份百餐廳分店
• Youtube
• Facebook
• Twitter
• Google