雄記粉麵 石硤尾

雄記粉麵 評價 相片

聽聞將會退休唔做，心郁郁去試一試。

時間約中午三時，冇乜人，不過以今時今日五花百門盛行的車仔麵，雄記真係冇乜餸可以選擇，唯有午餐肉都殺。

豬腸好特別，有甘香的。

唔知落左什麽去煮，令人回味。

可惜湯底淡味到不能再淡。

其他餸是ok.真係好像小時候車仔麵既感覺，冇花巧，冇特別醬汁。

女老闆很有禮貌，也歡迎自携盒。

每次經過石峽尾，都會望下雄記關門未，經過不下五次，都冇緣一試🤷🏻‍♀️。

今日五點幾又途經石峽尾，腳未行到平台，就已經見到雄記坐滿咗人，終於有機會一試🤭，於是衝入去睇下仲有咩嘢食。

可能因為都夜喇(咁啱做埋我嘅生意就收爐)，眼見餸都唔多得揀🤷🏻‍♀️，於是跟前面個客人一樣，叫咗碗魚蛋三豬(四餸)幼麵，盛惠$35。

魚蛋 豬紅 豬皮 豬大腸~料很多，很足料。

但又說真的，感覺很一般。

魚蛋係陳皮魚蛋，冇咩點失望。

但豬紅雖然好大舊，但完全唔入味 。

豬皮比較碎，而且太淋，好似溶咗咁，完全冇咬口。

豬大腸我就一向都唔太喜歡食，只係order時，選擇困難又上身，跟住人叫咗🤦🏻‍♀️唯一可取嘅，就係有一種小時候的感覺。

或者，比多佢一次機會，睇下多啲餸嘅時候會唔會好啲。

身為石硤尾土生土長的原住民，又點會唔識南山村雄記車仔麵！？呢間車仔麵真係由細食到大，所以一定要出post支持下可能係由細食到大嘅關係，我覺得出面嘅車仔麵都唔及呢間咁好食...正如之前嘅post所講，嚟到一定要叫三寶（牛腩，雞翼尖同豬腸）呢3樣餸每次嚟都一定會叫，基本上係鐵膽...所以就不多作介紹，另外想推介嘅仲有1款，就係柚皮同出面嘅蒸柚皮唔同，佢唔係入口即溶，佢嘅做法係用醬汁調味，入晒味，仲保留本身柚皮嘅口感，完全無苦澀味...眾所周知，整柚皮係相當花時間同心機，所以唔係成日有...每次見到有我都必定會點我又見之前有人話佢哋太少選擇（眼見大約十幾款餸），出面嘅多選揀好多...但我可以講，佢哋擺得出嘅多數係精選，如果俾你揀...你會揀選擇少但係差唔多每樣都正，定係選擇多但無樣正？對我嚟講，呢度賣嘅除咗味道，仲有回憶同人情味，幫襯嘅大多數都係舊街坊，老闆都會同佢哋有傾有講...可能大家未必認同，但我覺得佢哋絕對可以入選香港十大必食車仔麵...因為之前睇過有人推介香港十大必食車仔麵，佢哋居然無上榜...所以點都要出post支持下

下午經南山邨冬菇亭，意粉工房開張了，熱鬧烘烘。

對於不求精工細作，只求盡快裹腹的過客，還是選擇旁邊的雄記。

開雪櫃自取細瓶可樂，細面餅、冬菇、蘿白、炸魚皮，腩汁……，蘿白煮得透無渣合格，冬菇炆得淋沒下黑醬油走清淡路線，炸魚皮是單薄型的，幾分鐘就填飽了肚，車仔面，就是這樣的……。

面檔哥哥最愛逗來吃面的學生，跟他們以港式英語對談：Man, a man and a pan，I go to school by bus; I sold to you small car noodle...這裡賣的，是人情味和童年回憶。

在南山村這個老村 ，竟有一個平凡中帶不平凡的車仔麵， 車仔麵的配料沒有太花巧， 但有三寶我是覺得必食的， 就係咖哩雞翼尖，豬腸，牛腩碎。

雞翼尖日未抆得夠淋， 豬腸味道很入味很好味， 牛腩的味道也炆得很好味 ，中間中夾雜一些牛筋和牛薑。

其餘配料因應個人喜好， 但唔建議叫魚蛋，因為質素一般有魚腥味。

個人喜愛食幼面， 麵質煙韌有咀勁。

總之三寶冇得輸

雄記粉麵餐單提供港式, 車仔麵, 大牌檔等推介美食位於石硤尾區，餐廳座位數60人均消費約$50以下，結賬可以用現金。

您對於石硤尾餐廳「雄記粉麵」有何 comment？

雄記粉麵餐廳詳細資料：

• 雄記粉麵地址:
  石硤尾南山村熟食檔平台6號
  雄記粉麵,  
• 雄記粉麵電話:  
• 雄記粉麵價錢: $50以下
• 分類: 港式, 車仔麵, 大牌檔
• 座位: 60
• 付款: 現金
• FB專頁: 雄記粉麵 Facebook

更多雄記粉麵相關資料:

• 雄記粉麵分店
• Youtube
• Facebook
• Twitter
• Google