Sai Jai Thai Store 石澳

Sai Jai Thai Store 評價 相片

/ 同男朋友去石澳拍拖，我地見到有串燒食，好似幾吸引，男朋友就話「不如買幾串試下」，我即刻雙眼發光咁話「好🤩」(因為真係太鐘意食串燒啦🤤❤️)💬三串(墨魚丸、墨魚、司華力腸)都好好食😋，好出色，串燒真係食極都唔會厭😭🥰，下次如果再黎石澳，都會再encore呢間串燒店👍🏻

🇭🇰Sai Jai Thai Store·我哋嗰日去石澳行完見到好多人喺呢一間度排隊 用炭爐嚟燒好似好legit咁就決定試吓 但係最後有少少失望🤭佢啲嘢食其實好一般 而且佢排隊好亂 你排完隊揀完野食 佢就會一次整曬大家啲串燒 所以大家既order會撈亂晒 所以你係要鬥快去認領自己既串燒 而且佢又好近馬路 好迫🙊🙊·豬肉$20 墨魚丸$20佢啲串燒其實唔係真係用個炭爐黎燒 佢係自己喺入邊廚房整好晒 攞出嚟稍為熱兩熱🤭🤭而且佢係乜嘢嘢都無搽 所以本身係無咩味的 你要自己搽佢擺喺門口嗰啲醬汁🤭同埋我哋嗰串墨魚丸因為佢一次過處理太多 太亂 燒憹咗 之後佢就咁剪走咗就俾咗我哋 呢個觀感真係麻麻🙊🙊·#rbyeat#rby東南亞菜#rby石澳·📍石澳石澳村784號B地下

留喺香港嘅週末，同屋企人嚟到石澳影相搵野食😎可惜靚靚嘅海灘已經被圍封，只可以係石澳村周圍行，五顏六色嘅小屋估唔到又幾好影🤪喺村口落咗巴士🚌行前少少，就會見到哩間好多人幫襯嘅串燒店！一串串大大舊嘅串燒排晒出黎比人揀，已經好吸引眼球🤩尤其係魷魚同雞腎，零舍大粒，同平時食到又瘦又少嘅好唔同🤤價格方面就中規中矩，黎到石澳食野都預左唔會便宜得去邊🤣所以以佢嘅份量來講，算唔錯😎👍🏻泰國姐姐一邊好快手咁燒嘢食，一邊聽住節奏輕快嘅泰文歌，好有假日relax嘅感覺🥳串燒燒得岩岩好唔會乾身，魷魚同肉入面都仲係嫩滑嘅，火喉亦剛好外皮微焦👍🏻😋😋個人黎講最鍾意燒魷魚🦑同雞腎，爽口彈牙😋配搭埋秘製嘅泰式醬汁更加惹味🥴燒雞肉就有少少鞋口，但醃得好入味👍🏻

每次入石澳都必食呢間串燒，直情仲可以當埋正餐，其實佢嘅肉質亦都冇特別好，只係佢嘅醬汁非常惹味，就係泰國嘅酸辣醬。

喺石澳可以食到啲咁惹味嘅嘢食，自然令佢非常吸引我哋分別叫咗墨魚丸、龍蝦丸、魷魚、菠蘿、豬頸肉、雞翼等等，醬汁都有三款，有酸辣嗰款、沙律醬、同另一款係辣味重啲嘅醬。

不過而家加左價，好似都差唔多15蚊串🦑自己最鍾意食魷魚嗰款，因為啲魷魚會燒到好爽口，但又唔會好韌，而且有時仲會有汁。

不過都試過佢煮得唔熟，邊度啲魷魚好粉咁樣，咬唔開。

所以魷魚呢款係要睇你時運高唔高啦🐷豬頸肉都好好食，不過都係有時會失手燒到好韌完全咬唔開，而且有時會好大舊。

如果佢可以一早剪開細舊啲或者剪到長啲就會方便啲食🍍燒菠蘿就一定唔會失手啦，每次都燒完係好多汁嘅，只係有時佢擺凍左，但又燒得唔夠耐，就會變咗唔夠熱啦其他丸都係正正常常，其實只要點左佢個酸辣汁就已經好正。

雞翼或者司華力腸嗰啲只有朋友試過，所以我唔評論啦。

另外呢啲街邊串燒嘅衛生問題係難啲去控制嘅，平時都成日見到有烏蠅嬲落佢啲食物度， 介意嘅朋友就唔好食啦平日入石澳嘅朋友就要留意啦，因為佢平日未必開，冬天就更加少機會，而且店主好似唔係住喺港島，想確保有得食就最好禮拜六日去啦～

考完試嘅公眾假期，約了一班同學仔去石澳海灘玩！藍天白雲好好天，游水玩沙後最易肚餓，好在大人多，有義士自告奮勇去買食物餵班馬騮！沙灘邊好多鐵皮店，食物都係香口惹味嘅！呢間主打燒烤串燒，門面簡陋，包裝都係好簡單嘅發泡膠飯盒買咗大路嘅肉類串燒！串燒：雞肉（$15/串）我搶到一串，淋上椰奶花生醬嘅醬汁，雞肉多汁唔乾，醃得入味！熱辣辣好味牛肉（$15/串）脆皮芝士腸（$12）只搶到一串，店員在熱辣辣天氣下燒食物好辛苦！佢哋做野爽手！唔廢話！配合陽光海灘的食物

Sai Jai Thai Store餐單提供泰國菜, 燒烤等推介美食位於石澳區，餐廳座位數未知人均消費約$50以下，結賬可以用現金。

您對於石澳餐廳「Sai Jai Thai Store」有何 comment？

Sai Jai Thai Store餐廳詳細資料：

• Sai Jai Thai Store地址:
  石澳石澳村784號B地下
  Sai Jai Thai Store,  
• Sai Jai Thai Store電話:  
• Sai Jai Thai Store價錢: $50以下
• 分類: 泰國菜, 燒烤
• 座位: 未知
• 付款: 現金
• FB專頁: Sai Jai Thai Store Facebook

更多Sai Jai Thai Store相關資料:

• Sai Jai Thai Store分店
• Youtube
• Facebook
• Twitter
• Google