魚鮮生刺身專門店 灣仔

魚鮮生刺身專門店 評價 相片

咁劣質的日本食物竟然夠膽打入拉面街⋯銅鑼灣登龍街昨晚一行三人見佢搬遷新開張入去試下，因大家唔係好肚餓，所以叫左小食壽司，炒菜及魚生試下新唔新鮮，上枱時魚生非常吸睛，即刻手機食先豈料放入口內完全失望，雪得太耐，無味炒菜多油，壽司又係用爛飯整,其他食物賣相太平凡所以無影相，原先叫燒雞拉麵，點知嚟左燒雞飯，因上菜太慢，所以無更換，就係咁中伏，強調日本珍珠米，飯質軟爛，成pat野，無可能食得入口，嬲到忘記影下罪証，埋單時多口問侍應點解會咁，佢再強調珍珠米是這樣的，講到一半佢亞頭叫佢收聲，唔好講咁多，即係有問題喇，真係未食過咁難食嘅日本菜，唔會再幫襯

將近十二點，呢度只有一兩枱日本客人，叫左魚生飯。

呢度好安靜，氣氛好平和，同平時去連鎖經營嘅日本餐廳好唔同，令心覺得可以慢慢食。

無趕羊嘅心情，食咩都特別好味。

我叫嘅三文魚魚生飯都幾大碗，感覺好似喺一碗大飯上面鋪左至少半磅三文魚喺上面。

三文魚都幾新鮮，佢嘅溫度剛剛好，唔係放題果種雪到好凍亦唔係迴轉壽司比啲燈晒到室溫的感覺。

朋友叫果碗雜錦包羅萬有，味道都好好。

呢個價錢食到又大碗又好味嘅魚生飯，點解仲要幫襯連鎖店？！

今日本來想去試豐州水產，點知去到話丑已派完。

無緣豐州，但好想食丼，所以再去魚鮮生試吓其他丼，今次點咗吞拿魚蓉海膽丼定食，今次有小小失望就係半熟蛋過熟同埋吞拿魚蓉食到有筋希望下次試其他會好似上次試特上丼咁，令人再三回味

灣仔魚鮮生刺身專門店➖特上大切魚生飯定食，可謂交足功課，不禁令食指大動，令人回味。

其魚生用厚切的刀鋒方法，將鮮味的吞拿魚、三文魚、大生蝦、鮮帶子及海膽放在一起，除鮮味外，更有咬的口感，吃後魚香仍在口內徘徊。

而魚生飯除了魚生重要之外，飯亦可謂重要，其飯煙靭適中，沒有過稔或過梗，但醋味較為淡，有待改良。

而配菜有雞泡魚乾、蛋、餃子、沙律和湯也不遜色。

整體而言，值得一試。

晚餐時間，看見沒有人龍在門口等候，一家三口子就走進了店內。

侍應問幾多位?我們說3位，看見店內有數張吉枱，侍應帶了我們到一張近廚房的四人枱，我們看見另一張的問：這張可以嗎？她指示我們到那邊就坐下，斟茶招呼了我們，我們也看了餐牌，預備點店內招牌的魚生刺生，再問侍應是否有另外的套餐menu ，我們就可點熱食比小朋友。

她們就遞了過來，我們繼續看著。

就在這時一位侍應問訂了的食物可上枱?我們說我們剛到沒有預訂食物，當我們預備和小朋友興高采烈點食物時，一位侍應說，你們不是訂位，請到門外排隊等候，我們呆了一呆！！驚訝的說：入來時，沒有人問我有沒有訂位?是你們招呼我們進來的！！她說：枱上放了筷子就是有人訂了位。

我們起了身，看見了後面的枱沒有放筷子問：這張可以嗎?她目無表情說：放了濕紙巾也是有人訂了枱，請到門排隊等候。

孩子莫名其妙的問：點解唔可以係度食，要我們出去?我也覺得莫名其妙，就問她們的一位葉經理為何如此安排客人?經理只是說：不好意思！攪錯了。

我問可有意見表寫下這不當的安排，希望不要發生在其他食客身上。

經理說沒有，我問可有其他渠道反映，她給了自己的名片給我。

（就是反映過也沒用呢！）她再給我一張店舖的卡片，可找陳老闆，不過他時常也不在店的。

其他食客也看著我們，我們只有無奈的離開。

心裡有著莫名的氣憤……心想……是不是我們點套餐就不喜歡？？或是攪錯了！！也不用不客氣的叫客人到門外等候。

相信有禮的表達及友善的安排，我們會願意等候的。

而這一次令人氣憤的經驗，我們也不願再來呢！！！

魚鮮生刺身專門店餐單提供日本菜, 壽司, 刺身等推介美食位於灣仔區，餐廳座位數60人均消費約$51-100，結賬可以用Visa,Master,現金，Booking訂位可以電話致電 25741238 查詢。

您對於灣仔餐廳「魚鮮生刺身專門店」有何 comment？

魚鮮生刺身專門店餐廳詳細資料：

• 魚鮮生刺身專門店地址:
  灣仔活道1號A地下
  Yu San, G/ F,1 A Wood Road, Wan Chai
• 魚鮮生刺身專門店電話: 25741238
• 魚鮮生刺身專門店價錢: $51-100
• 分類: 日本菜, 壽司, 刺身
• 座位: 60
• 付款: Visa,Master,現金
• FB專頁: 魚鮮生刺身專門店 Facebook

更多魚鮮生刺身專門店相關資料:

• 魚鮮生刺身專門店分店
• Youtube
• Facebook
• Twitter
• Google