飲館 灣仔

飲館 評價 相片

灣仔區高質泰國菜發現灣仔藍屋附近嘅呢間「飲館」,係集特色泰國菜式同本地手工啤酒🍻為一身嘅泰國餐廳🇹🇭聽老闆講呢度嘅大廚係泰國華僑, 所以所有菜式都還原正宗嘅泰國風味☺️姜太公釣魚餅$108 ～手打嘅魚餅口感果然同機器整嘅唔同, 呢個手打泰式魚餅口感非常彈牙, 魚肉中混合著檸檬葉香氣, 同埋增加口感嘅豆角及啖啖嘅魚香，佐啤酒都一流! 泰黃油喇….阿雞$188 ～ 雞皮腌得好入味, 雞皮焗到脆卜卜之餘雞腿焗得肉質軟滑而不乾, 只因大廚將焗爐嘅溫度同時間都掌握得好好伴碟嘅烤焗薯仔都勁好食😋米卵用肉碎炒飯$148 ～加入泰式辣醬炒香氣撲鼻, 而且唔似中式炒飯咁油膩, 成碗食哂都唔會濟! 冬蔭功湯 $138～最經典嘅泰國菜必點之一！酸酸辣辣嘅湯裡面放左有菇菌、大蝦和同大量香料, 雖然頗辣但就算飲到滿頭大汗都依然想飲! 豬頸肉串燒 $32 ～估唔到貌似簡單嘅燒豬頸肉可以整得咁好食! 豬頸肉上塗上香辣惹味嘅泰式醬汁, 酸酸辣辣非常開胃 用黎用酒一流!除咗各式各樣具特色嘅泰國菜式外, 呢度亦主打一系列唔同風味嘅本地手工啤酒🍻老闆仲親自詳盡講解各款啤酒嘅味道同特點, 各有特色全部都好想試最後揀咗呢款no.6 果味同啤酒花味比較突出嘅craft beer, 真係好好飲超高質! 下次有機會一定要黎試埋其他口味💖

港式復古玩味主題酒吧｜泰式fusion菜｜飲館🍹講起灣仔就會諗起藍屋呢座一級歷史建築，唔講唔知原來藍屋斜對面有間充滿復古情懷嘅泰式fusion菜餐廳飲館🍹🍹門口掛住當舖霓虹燈設計嘅「飲館」招牌，餐廳入面就用紅色「雞蛋燈」、麻將同幾何圖案瓷磚做decoration，極具復古港式風味！好有feel👍值得一提嘅係，飲館嘅餐牌十分貼地同玩味重，香港人睇到啲菜名一定有共嗚😂我呢日就晏就一點左右去到，試咗「唔好空肚食早餐系列」brunch menu~ 晚市正價餐牌🍽人均：$200 $250🕰時間：13:00 (⭕️walk in） 🥥椰子樹下的小雞雞 $138今次食泰菜唔食冬陰公湯，試試椰子雞湯清清口腔~椰子雞湯嘅清甜味滲入口腔，椰香味未算好濃，清清地易入口👍🍹 泰皇油…阿雞（半隻）$188呢款雞喺餐廳嘅牆上「馳名推薦」榜上有名，真係實至名歸😋雞皮香脆，雞肉滑嫩，沾埋泰式辣汁食就更正💯焗薯同法邊豆做配菜都好夾~🍚米卵用肉碎炒飯$138炒飯唔算太辣，食落帶點甜甜地，同一般肉碎炒飯有少少唔同😋☕是諗但 $48就咁睇飲品名係咪估唔到係咩飲品？其實係泰式咖啡，啡同奶比例啱啱好🥃泰奶奶 $48Bible rating: 9/10📍地址：飲館灣仔景星街3號地下B號舖

位於灣仔的藍屋被列為香港一級歷史建築，成為文化藝術打卡點，今次就發掘到於藍屋對面的懷舊小酒館 飲館。

裝潢以軍綠色為主調，金屬閘門、霓虹燈牌與幾何圖案瓷磚拼湊出本土的舊日風情。

設有少量戶外座位，加上周遭被舊式唐樓包圍的環境，營造濃濃復古港式氛圍。

餐牌主打泰式西餐fusion菜，菜式名字充滿創意，玩味十足。

泰芒有沙 $98即是泰式青芒果沙律，將酸甜爽脆的新鮮青芒拌以香脆腰果和富有辣勁的醬汁，泰式料理的酸辣總是能讓人打開一餐的食慾。

泰式魚乾鹹香酥脆，整道前菜帶有明顯的酸、辣、甜、鹹四種味道的平衡，洋溢濃厚熱帶風情。

姜泰公釣魚餅 $108魚餅可說是泰國常見的街頭小吃，將魚肉混合泰式香料及紅咖喱醬，再打成入口爽彈的魚漿。

金黃色的魚餅外脆內軟，沾上甜酸醬，味道微辣鮮美，隱隱滲出香草的清新香氣。

三顧明爐…鱻 $288熱騰騰原條魚上檯，從頭吃到底都可保持熱度，明爐食法更能加強其魚鮮食味，因為魚在慢慢加熱過程中，除了能散發魚香，還可把魚湯濃縮，越煮越入味。

清澈的湯底加入香茅、青檸、芫荽、南薑等食材精心調製而成，再以椰菜墊底，盡吸酸辣魚湯精華。

魚肉雪白嫩滑，大條又厚肉，融合多種泰式香料夾雜而成的香氣，足以令人胃口大開。

飲品點了Lime Soda 青檸梳打 $48 和 Hibiscus Tea 洛神花茶，冰凍清爽又解膩。

今日同同事收咗工，於是去灣仔搵下好野食，比一間綠色嘅霓虹燈吸引住左，我哋於是就入咗去chill下餐廳裝修保持既玩味又懷舊感覺，牆上掛咗好多好得意既餐牌😂睇得出花左d心思改餐牌嘅名👍主打以泰國fusion 菜為主😙前菜🇹🇭泰婆請你食鳳爪😬無骨鳳爪好正又方便，唔使吐骨，啱晒我呢啲好怕有骨嘅人，味道刺激充滿刺激，包括左甜、酸、辣而且同時衝擊味蕾，係一個好適合開胃菜式Soup🥥椰子樹下的小雞雞🐥一見得已經覺得好搞笑，原來係用咗椰子、小雞、野菌同香茅熬成嘅湯，非常香濃，飲得出非常足料😙主菜🐷豬仔...你泰脆泰好食👍烤乳豬嘅外皮非常脆口，而且好juicy 😍配上泰式辣汁醬，食多幾嚿唔覺得肥膩🐓泰黃油喇…. 阿雞🐥Signature 菜式一，亦都係我最喜出望外嘅菜式😙黃油雞味道豐富，個雞皮又薄又脆，食到卜卜聲，肉質非常嫩口，juicy 得黎，仲要散發着陣陣嘅雞油香 🎉🦐蝦兵蟹將😙就咁睇個名，根本唔知佢係咩嚟😂原來佢係蟹肉炒飯😀飯粒炒都好乾身，仲要每粒分明，每一粒都黐住蟹肉😀🤣甜品🍨八王爺🥥口感滑捋捋，好重蛋香味椰子味，邊仲要有入桃膠同雪耳，非常滋潤😍整體嚟講，呢間餐廳好有創意，而且都坐得好舒服😃我哋傾偈都傾咗幾個鐘🤣🤣我哋仲約咗下次再嚟呢度happy hour 🎉📍飲館Yum Kwun @yumkwun.hk 📍 灣仔景星街3號地下B號舖📍

餐廳：飲館地點：灣仔景星街菜式：泰式西餐fusion餐牌：午市套餐包主菜5選1，前菜4選1，同飲品5選1，可加錢升級要酒或者甜品。

下午12時50分前離座更可享九折。

泰婆請你食鳳爪 （跟餐）鳳爪，紅洋蔥，泰式辣汁泰婆請你食鳳爪有去骨鳳爪六隻，好爽脆，果然係辣。

伴有生菜，紅蘿蔔絲，芹菜同大量蒜蓉，仲有花椒添，真係好辣。

餐牌都有提示有三隻辣椒。

姜泰公釣魚餅 （跟餐+$32 另加一）魚肉，紅咖哩姜泰公釣魚餅一客兩大片，熱辣辣，一上枱已經聞到好香紅咖喱味。

伴有甜酸醬可降溫，食落啖啖肉，外脆內彈牙，入面明顯食到有豆角，下底墊有一大片新鮮生菜。

這個西冷不太冷 $178 另加一西冷扒，泰式沙律，薯條這個西冷不太冷用木板仔上枱，一切九件，唔洗再切都可以放入口，方便食用。

西冷扒叫左半生熟，中間果然係粉嫩，外脆內嫩，好有肉汁，質素高！扒下面係唔少新鮮沙律菜，仲有青瓜，車厘茄，芹菜同紅蘿蔔，加上大量蒜蓉醬，絕對係泰式風味！薯條另上，係連皮薯條，少少粗身，熱辣辣炸起，鹹薯條餸另上既茄汁好味道。

泰黃油喇…阿雞 $148 另加一黃油雞，焗薯，法邊豆，泰式辣汁泰黃油喇…阿雞係人氣No.1菜式，我見好多食客都有叫。

黃油雞賣相唔錯，雞肉兩大件有髀有胸連骨，整得皮脆肉嫩，連骨位少少生，肉汁豐富，重要係有雞味，質素唔錯！黃油雞下底有焗薯一大件切三，健康飽肚。

伴有幾條新鮮法邊豆，面頭用菜苗仔點綴，再用黃色泰式辣汁圍邊，其實味道唔太辣。

呢個價錢抵食！泰奶奶，青梳梳 （跟餐）泰奶奶即係泰式奶茶，奶香又濃又滑，又夠甜，好好飲！青梳梳係青檸梳打，有3片青檸，飲落唔甜，汽量適中，夠解渴。

總括而言，菜式將泰式風味以西餐上餐，主菜質素特別出色，菜式名有創意，裝修有中色感覺，入面座位唔多，平日午餐都滿座。

價錢黎講都算抵食。

飲館餐單提供泰國菜等推介美食位於灣仔區，餐廳座位數30人均消費約$101-200，結賬可以用Visa,Master,AlipayHK,支付寶,現金,八達通,AE,銀聯,Apple,Pay,微信支付，Booking訂位可以電話致電 92439959 查詢。

您對於灣仔餐廳「飲館」有何 comment？

飲館餐廳詳細資料：

• 飲館地址:
  灣仔景星街3號地下B號舖
  Yum Kwun, Shop B, G/ F,3 King Sing Street, Wan Chai
• 飲館電話: 92439959
• 飲館價錢: $101-200
• 分類: 泰國菜
• 座位: 30
• 付款: Visa,Master,AlipayHK,支付寶,現金,八達通,AE,銀聯,Apple,Pay,微信支付
• FB專頁: 飲館 Facebook

更多飲館相關資料:

• 飲館分店
• Youtube
• Facebook
• Twitter
• Google