有田和牛專門店 屯門

有田和牛專門店 評價 相片

ok 好簡單過嚟見你幾靚靚仔仔就課金然後等之後就惡夢開始本身張飛寫67號過咗半個鐘都仲停係62號係郁都冇郁過ok 我等直至隔離位食客話等咗45分鐘之後仲要問佢落咗咩order心諗dllm大獲啦今次下個叫嘅就係7x號嘅外賣堂食唔係客？要走埋去三四次問先跟到單叫咗兩個餐一個餐原來一早整好 又唔叫號 就連放上枱都唔放阿豬知你整好拎到個餐一句唔好意思都冇？大佬話晒最後等咗50分鐘一句唔好意思耐心等候下都冇嘢食飯好濕 嘢食凍晒一句講晒 狗也不吃可一不可再恭祝你冇回頭客

日本和牛+日本雞蛋+日本米+燒肉汁，跟本係無敵組合，當蛋汁加和牛加飯一齊食，絕對係一大享受。

雖然個飯賣相一般，又冇poster影到咁靚仔，但真係幾好食。

美中不足係好多人，排隊等買飛都用左唔少時間，同唔算多小食飲品揀，會有下次。

TGIF，拖住疲累嘅身軀，諗住係Gogo Mall食個快靚正嘅一個日本丼，點知事與願違。

喺自助販賣機都變咗半熟溫泉蛋牛肉丼，足足等咗25分鐘先有！！　Food court隔離枱都係食呢一間，同樣等咗好耐。

叫得牛肉丼冇諗過要等咁耐，都係放啲牛肉上飯面，你話其他燒肉製作需時都理解。

最差嘅安排完全冇寫話製作需時，冇講等幾耐。

如果一早知要咁耐，一定唔會點。

上菜又亂上，應該一碗沙律一碗湯，變咗兩碗沙律。

換湯嘅時候見到佢已經一早pack好曬湯，淨係拆開保鮮紙就上，所以個湯完全唔熱。

另外，又唔記得比餐具。

味道正正常常，聲稱牛肉來自日本，不過搞咗咁大輪食乜都冇味。

牛肉黎講Sukiya重牛肉味d。

唯一一讚係溫泉蛋，蛋黃濃郁。

常言道，邊到嘅特産要去返邊到吃。

但疫情底下邊到都冇得去吃，唯有留係香港搵嘢吃〜好日都唔去屯門嘅我受朋友邀請下首次到訪gogomall,本身都諗住鬧佢仲乜帶我去food court咁孤寒，原來做多少少功課先知呢間嘢大有來頭，真係由日本開到黎，仲要係原先農場門口一家餐廳，最鐘意呢啲咁有特式嘅日本舖(未食已經推高哂個期待值)，唔怪得用日本售票機同成個咁日本feel啦〜講返今次嘅食物質素，今次叫左個極上西冷盛合燒肉，甲羅燒，唐揚魷魚嘴，因為啲肉堅好食所以再加左個肩胛肉，推介！等我續個講返先，極上西冷盛合燒肉頭兩層個西冷肉眼真係不得了，係入口即溶，如果佢有得淨係加呢兩款，我一定追住叫！上下肩胛肉呢個冇西冷肉眼咁入口即溶，不過都好重肉味，同實物油脂分佈好靚，值得一試。

蟹肉蟹羔甲羅燒呢個真係要大讚，見到兩粒冰同蟹腳就知有料到，去開日本食甲羅燒就知，加冰係會令入面嘅蟹羔變得軟同滑身，而蟹腳加埋蟹羔先係最日本嘅甲羅燒組合，不過燒得有啲耐，玩左成廿分鐘先有得先。

唐揚魷魚嘴最後呢個魷魚嘴真係大推，有成粒乒乓波咁大，味道好又彈牙，好值得加。

總括成餐質素都好好，係未紅前應該要再encore。

第一次係gogomall見到呢間和牛專門店已經好想試，上次見多人都等半個鐘都未買到飛，今次終於冷靜啲，見人少少一定要衝去試。

雖然佢係foodcourt，但所有細節都好有日本體驗，淨係部售票機已經好似返左日本咁，不過要留意，佢淨係收現金，所以冇cash就會買唔到嘢食，記得要帶足夠現金開餐。

我今次就order左個紙火鍋餐，真係不得了，佢100蚊左右貨仔竟然包左嘅和牛食到係入口即溶，果然係日本得獎和牛(佢係咁寫，不過唔記得左佢拎乜獎)！而且成個餐有湯、沙律、烏冬、和牛、紙火鍋，CP值超高，非常有誠意！湯底仲要係平時出去加錢先有嘅壽喜燒湯底，真係好有驚喜。

而且成個湯底份量超足，仲有豆腐，鮮菇，金菇，菜，最後食到捧住個肚走，一個人都可以食得好爽，下次一定會試埋個燒肉，成個場燒到好香。

有田和牛專門店餐單提供日本菜等推介美食位於屯門區，餐廳座位數未知人均消費約$51-100，結賬可以用AlipayHK,支付寶,現金。

您對於屯門餐廳「有田和牛專門店」有何 comment？

有田和牛專門店餐廳詳細資料：

• 有田和牛專門店地址:
  屯門屯門鄉事會路112-140號雅都商場GoGoMall1樓S68號舖
  Mr. Arita, Shop S68,1/ F, Go Go Mall, Eldo Court Shopping Arcade,112-140 Tuen Mun Heung Sze Wui Road, Tuen Mun
• 有田和牛專門店電話:  
• 有田和牛專門店價錢: $51-100
• 分類: 日本菜
• 座位: 未知
• 付款: AlipayHK,支付寶,現金
• FB專頁: 有田和牛專門店 Facebook

更多有田和牛專門店相關資料:

• 有田和牛專門店分店
• Youtube
• Facebook
• Twitter
• Google