越華會海鮮小館 灣仔

越華會海鮮小館 評價 相片

諗咗好耐都唔知旺角呀銅鑼灣呀呢啲地方有乜嘢好食嘅小菜，有個灣仔地頭蟲朋友就同我推介呢間佢其中一間飯堂畀我，話好好食！ 而家好少地方有得食嘅蝦多士，非常有驚喜，炸得香脆而唔油膩，上面舊蝦膠有蝦味又彈牙外國朋被最愛嘅浸蜆，蜆無沙，湯非常鮮味又唔腥，仲有少少辣，惹味又舒服，飲到見底 小菜必備嘅椒鹽鮮魷，外皮鬆脆，鮮魷好新鮮，彈牙得黎又夠軟 生炒糯米飯 炒得好靚，粒粒彈牙，好暖胃另外我哋仲有個咕嚕肉，掛住食唔記得影相 。

味道其實同出面嘅差唔多，但係佢嘅咕嚕肉食落口係仲脆脆哋，啱曬鍾意食香口嘢嘅我

約左一班朋友去灣仔食飯，一大班人最重要係坐得舒服可以傾下計，咁我地就簡左呢間食小菜，Book左枱，人齊就入得。

我地6個人坐起門口既一張大枱，可能因為近門口，所以比較熱，冷氣唔係太夠。

6個人嗌左7個小菜，加一個炒飯，可能高估左大家既食量，最後都唔係太得食哂～1. 脆皮炸豆腐招牌既脆皮炸豆腐，大大粒，炸得好香脆，外脆內滑！黎到一定要試～2. 椒鹽鮮魷唔會有太多炸粉，岩岩好～3. 蝦醬蝦乾蒸豬頸肉有驚喜的一道菜，蝦醬蝦乾味道好出。

4. 魚香茹子煲好香好惹味。

5. 蒜蓉炒豆苗家常小菜，有家既味道！6. 蜜餞蒜香骨骨比較多，唔係太食到有肉，下次可以唔嗌呢個菜～7. 越華炒飯加入左蝦乾仔去炒，炒飯炒得飯粒粒粒分明，係有質素既炒飯！飲埋野，一人都係$140，起呢區咁抵既餐廳真係好少～下次人多都可以再黎！

環境3分：正常中式酒樓格局，人多坐得好迫，又嘈，三分。

衛生3分：地方都叫整齊，張枱上有紙有牙籤，正常三分。

服務3分：樓面阿叔態度都算正常，又夠快手，都係三分。

味道4分：1)      豉油王炒麵炒得比起出面其他酒樓乾身，算最好食，食落唔係十分之油膩，食大半碟都唔覺得成口好油。

2)      避風塘炒蟹叫左小辣，食辣蟹如果唔辣就不如唔好食，但係小辣就已經對我黎講非常之辣，隻蟹都算肥大。

碟上超多蒜蓉，兩隻大大蟹鉗，蟹身食下食下都算多肉，唔錯。

3)      蝦多士總共有八塊，炸得乾身，隻蝦都算ＯＫ大， 多士嚟講絕對合格。

抵食4分：兩個人食左唔使千二蚊就有兩個餸加靚蟹食，有啤酒飲，可以畀四分。

今日試咗，感覺有點名過於實。

叫咗三餸一湯 1.避風塘辣蚧 2.炸豆腐 3.䓤油雞 4.招牌海鮮湯。

隻蚧要大辣，蚧都係用旁邊兩隻出名嘅越南蚧，可惜蒜頭炒不夠香咸多咗辣不足而且不乾身，味又入吾到蚧度。

炸豆腐幾好。

雞就唔掂，食唔出係走地雞，而且用䓤油舖滿隻雞更冚咗雞味，其實算叫差。

個湯都幾好飲，不過亦只叫合格。

店員就唔錯，有招呼。

以蚧計，可以揾番老字號嘅(可惜最美味果間執咗)。

雞就正常一間酒楼都會比佢好。

海鲜湯始終都係西貢，流浮山，鲤魚門果啲至有水準。

以價錢評以上食品…… 大家可以試其他較正中嘅。

往筲箕灣東大街搬到，銅鑼灣服務態度差從來沒有改變。

電話預約問有冇位説有不用訂位，到咗又要人等候，等候了又要人齊可以入坐，出門口的接待絕對是態度差絕，仲話想做外國人生意簡直是影衰香港，今時今日噉嘅服務態度一定唔得

越華會海鮮小館餐單提供粵菜, 廣東, 海鮮, 點心, 中菜館, 海鮮酒家, 名人店等推介美食位於灣仔區，餐廳座位數70人均消費約$101-200，結賬可以用現金，Booking訂位可以電話致電 25916803 查詢。

您對於灣仔餐廳「越華會海鮮小館」有何 comment？

越華會海鮮小館餐廳詳細資料：

• 越華會海鮮小館地址:
  灣仔駱克道405-419號地下B舖
  Yuet Wah Hui Seafood Restaurant, Shop B, G/ F,405-419 Lockhart Road,, Wan Chai
• 越華會海鮮小館電話: 25916803
• 越華會海鮮小館價錢: $101-200
• 分類: 粵菜, 廣東, 海鮮, 點心, 中菜館, 海鮮酒家, 名人店
• 座位: 70
• 付款: 現金
• FB專頁: 越華會海鮮小館 Facebook

更多越華會海鮮小館相關資料:

• 越華會海鮮小館分店
• Youtube
• Facebook
• Twitter
• Google