芭提雅燒烤美食坊 灣仔

芭提雅燒烤美食坊 評價 相片

今次係我第二次幫襯e間鋪頭,記得上一次幫襯係2,3個月前既事,服務態度極差,店員講野超大聲,無一個舒適的環境,今次再幫襯係因為我見d人好似唔同曬,我沽且入去再一試!果然有意外驚喜!樓面的兩個男仔講野斯文有禮,水吧個肥哥哥播d音樂好輕鬆,令人可以輕鬆一下講返食物個方面先^.^ ,可能轉左廚師,定係咩,今次比上次好味得多,我今次叫左一碟海南雞飯$35加$7轉左杯紅毛丹冰,加多左一隻生蠔$35首先講下個海南雞飯先,比上一次個飯香好多,金黃色既雞同飯,賣相金碧輝煌,味道就當然ok啦,紅毛丹冰就無咩點變,但d果肉好好味!生蠔新鮮可口,值得一試(推介)我會再黎塙襯!^v^

果日本身去灣仔188同298買野, 買完就諗住邊行邊搵食, 路過見佢茶餐廳既外表, 寫住有海南雞飯, 咪諗住去食啦, 點知行到埋去, 見佢外面冰鎮住好多海鮮, 又話BBQ, 好似好吸引咁, 就走左入去試啦.最後我係冇食到海南雞飯, 不過我見隔黎枱叫左海南雞飯同果個唔知咩脾飯, 聽到佢地講都好似幾好食, 有機會都會想再去試返個海南雞飯.因太肚餓, 最初唔記得影相, 食晒落肚先記得, 所以只影到兩張當晚點左 串燒雞肉 (肉質都幾嫩) 串燒羊肉 (同牛差唔多既質地, 要好認真咁食先食得出佢係羊) 燒聖子 (呢個超正, 好新鮮, 面頭舖上炸蒜、蔥...好好食, 但$35一隻貴左少少囉) 燒大蜆 (都ok抵食, $35/碟, 都有4隻ga, 張相就因為食左一隻先記得影) 泰式生蝦 (蝦新鮮度一般, 靠點個汁, 但個汁又只屬一般, 冇特別出色, 可接受範圍內囉!!)總括黎講都ok既, 但坐位就嘛嘛啦, 店內太細, 如果一大班朋友去就好迫啦

常常經過但都未曾光顧，於6月20日晚終於同屋企人去試試。

餐枱分設店内二旁，中間是通道，加上店内面积不大，感覺迫夾。

我們点了泰式海南雞飯、虾醬炒飯、泰式炒金邊粉和香矛豬扒湯金邊粉。

泰式海南雞飯是不夠熱的，所以要求翻熱，到再送来時，除了飯加熱外，發覺雞件都少了。

虾醬炒飯沒有虾醬味，泰式炒金邊粉都是一樣，無味，感觉像是求其炒成一碟就是。

香矛豬扒湯金邊粉，豬扒是斬件上的，約有五小片，其中两片都是骨，味道一般。

另外我們叫了一些串燒，有雞軟骨、燒鱼并、虾膠包皮旦。

全部味道一般，最差的是虾膠包皮旦，雖話是串燒，但上枱時明顯是開邊跟油炸的，皮旦味苦，虾膠有異味，差！另外，因有些食物是套餐包飲品的，我們点了凍奶茶。

奶茶很淡沒有茶味。

另因燒烤廚房設於店中,所以滿身盡是油煙味。

全單約180元試後感:幫親只此一次!

三人點了海南雞飯雞好滑,但我最愛係個點雞個汁,酸酸辣辣好送飯唔知咩豬脾飯炆得好淋,但唔夠味!另外友人食到有毛...哈哈...酸辣鳳爪好洋蔥,蔥,蕃茄等配料,好FRESH!蝦膠皮蛋我肯定炸過先至燒...唔好食...豬頸肉串普通

十月下旬•晴 這個舖位的流動性也是超密，一年多又換招牌了，這次是一間打著賣泰式燒烤的店子。

午市來到，看看午餐餐牌，真正泰式的食物不多，驟眼看，似是港式西餐廳還多一點。

要了個茄汁牛腩飯，而這一味好像是越南菜吧。

茄汁牛腩的賣相也很不錯，牛腩肉質很軟熟，炆得很夠「身」，近邊的位置是爽口鬆化，連廋肉也不韌的，好吃。

茄汁底味道濃濃的，下飯一流，一碟大飯，轉眼便清了碟，好吃！ 連凍飲一杯，埋單34蚊，在這一區吃飯，不便宣的。

芭提雅燒烤美食坊餐單提供泰國菜, 燒烤, 小食店等推介美食位於灣仔區，餐廳座位數未知人均消費約$50以下，結賬可以用現金。

您對於灣仔餐廳「芭提雅燒烤美食坊」有何 comment？

芭提雅燒烤美食坊餐廳詳細資料：

• 芭提雅燒烤美食坊地址:
  灣仔灣仔道158號南開大廈地下D舖
  Pattaya Food Court & BBQ, Shop D, G/ F, Nam Hoy Building,158 Wan Chai Road, Wan Chai
• 芭提雅燒烤美食坊電話:  
• 芭提雅燒烤美食坊價錢: $50以下
• 分類: 泰國菜, 燒烤, 小食店
• 座位: 未知
• 付款: 現金
• FB專頁: 芭提雅燒烤美食坊 Facebook

更多芭提雅燒烤美食坊相關資料:

• 芭提雅燒烤美食坊分店
• Youtube
• Facebook
• Twitter
• Google