老街36 灣仔

老街36 評價 相片

岩岩好路過, 所以呢次係第一次去食, 有點失望;一入到去坐低, 就見到呢間餐廳樓面有烏蠅, 不停地係你附近飛來飛去, 又停係d碗/杯邊, 甚至食物上面, 好嘔心, 好煩, 食幾啖又要趕烏蠅, 店員當見唔到, 完全冇人理; lunch 時間咁忙都係得2個人;另外又要收加一, 但水都冇杯, 落餐都係自己係餐牌度圈, 咁收加一服務費黎做咩? 上餐都快既, 但d河粉冇味, 量又少, 食個lunch set 連涷飲同加一, 埋單成70蚊

好少會打得咁差，但真係唔想再有人中伏！.同同事去食lunch叫左碟沙薑雞飯黎到碟雞好似隔夜菜咁雞骨雞血位好似叮完又叮咁黑黑乾乾層皮壓到扁哂幾舊痴埋一齊好似未翻熱咁夾上黎試真係凍既同佢講返話碟雞凍佢加左幾件唔同色既雞件係面再拎出黎我諗加熱左掛食落去有少少酸 諗住佢可能掂到d撈檬醋所以冇出聲再食都係酸頂唔順唔想再食亦冇諗住換過 .望左個侍應一眼個侍應埋黎問我係咪唔要收唔收得我話碟野變左味喇、酸既 諗住好心同佢地講聲唔好再出俾其他客食佢就同個收銀講收銀一句唔好意思都冇劈頭就問我「咩野酸？」因為我用筷子點過碟雞入面既沙薑汁係酸既我就同佢講個汁壞左 佢叫個侍應同廚房講汁酸左.佢冇問我要唔要換 冇講過任何唔好意思或者sorry 我都唔想再食再換所以飲埋杯餐飲就算到埋單佢直接收我全數 仍然係一句唔好意思都冇 我就多口問句碟野壞左有冇得扣錢個收銀話返我轉頭.「扣咩錢？」「頭先壞左果碟野」「你唔一早講？」「我頭先咪同你講左囉」「你第一啖唔出聲嗌換？」.我心諗碟野我郁左少少已經冇食落去 你唔係覺得我想呃你個餐呀？只係見你咩表示都冇 睇下你會唔會discount 返有問題果個餐 .俾佢搞到躁躁地我話「是但喇」就俾錢點知佢找錢仲發我悔氣 將找俾我張10蚊紙拍落枱離哂譜！我都冇係佢其他客面前同佢嘈 咁既服務態度！仲要冇禮貌！.BLACKLISTED!!.大家去食真係要小心啲，有咩唔妥第一時間出聲先！

早排要去遠少少既building做野經過一間食越南野既餐廳店員好熱情咁叫左我地入去午餐價錢唔算貴 包一杯野飲落左單後都開始滿座不過環境就唔好坐 較熱同逼叫左個雞扒湯河雞扒好大塊 即叫即炸 咬開仲有好多肉汁都算炸得幾唔錯 不過就無咩特別 唔覺有越式元素至於河粉方面 係幾大碗一個女仔就有機會食唔哂味道普通 湯底亦唔算清甜野飲無特別影底只係普通奶茶咖啡檸茶檸水 正常發揮整體黎講間餐廳較似茶記 越南味道唔濃不過60幾蚊咁大碗粉 響灣仔區都算唔貴啦適合想平平地食飽既朋友仔

下雨天來到辦公室附近的越南料理店，店鋪不是很大，以4人檯居多，繁忙時間一定要搭檯。

餐牌共有11款選擇，以粉麵類為主；雖然是越南料理，但另有港式套餐如咖哩牛腩飯等可選擇。

生牛肉湯河，上桌的碗很大，生牛肉三至四片，粉的份量足夠女生食量，男生的話可能就不足夠了；湯頭比想像中清淡，麵和配菜也不突出；整體性格比不高。

另收加一服務費，但搭檯的座位由下單到上菜都有混亂的情況出現；服務的質素和態度有很大進步空間。

食物及環境都不及之前,一年前未轉老闆食物非常好食又認真又地方整齊。

現在食物毫無特別生牛肉湯河牛肉超硬湯又無味😩好差,春卷比起以前真係唔掂不會再來。

大家可以來試試可能只是我有點要求。

老街36餐單提供越南菜, 粉麵, 米線等推介美食位於灣仔區，餐廳座位數未知人均消費約$51-100，結賬可以用現金。

您對於灣仔餐廳「老街36」有何 comment？

老街36餐廳詳細資料：

• 老街36地址:
  灣仔軒尼詩道61號四寶大廈地下
  The 36 Streets, G/ F, Sze Bo Building,61 Hennessy Road, Wan Chai
• 老街36電話:  
• 老街36價錢: $51-100
• 分類: 越南菜, 粉麵, 米線
• 座位: 未知
• 付款: 現金
• FB專頁: 老街36 Facebook

更多老街36相關資料:

• 老街36分店
• Youtube
• Facebook
• Twitter
• Google