金川日本料理 旺角

金川日本料理 評價 相片

 那晚放工行街隨意就入左呢間金川日本料理,     點知食物不好還要受氣     我叫左一個二人餐食物一般.     但總無想過牛肉鍋會係凍! 就連湯都係微熱!     最差勁就係想更換仲要比人大聲返轉頭說~~無可能!     唔通我會呃你!!! 我第一口就即刻同你講啦! 我都想講牛肉鍋會係凍係無可能!

上星期同兩個fd去左食日本菜， 醫晚唔算好多人之啵，,餐廳環境靚，又舒服！我地叫左好多野食，首先各自叫左個自選套餐先^^我叫左A+B+C+E=68蚊，好抵食阿！有個蟹子沙律，有碟刺身，有碗豬軟骨拉麵，E我揀左麵豉湯，麵豉湯唔咸唔淡岩岩好，有好香既麵豉味道在，so gd！同個碗拉麵，有啲似幼少少既上海麵，麵有啲爽同彈牙，個湯亦好和味，gd。

舊豬軟骨啲肉質又腍又細滑，特別有脂肪得黎都唔會feel到好肥膩，掂掂！我仲向店員拎左個碗仔分左啲俾朋友食，多野食到我食唔晒…本住切勿浪費心態啊嘛

最近家姐去左跟姨媽學廚，姨媽整野好好味，但我家姐整野食好好好難食😟！學極都係咁，我連續食左佢d野4日之後我終於頂唔順，借機約fd出黎食野傔避食！！去左fd屋企樓下食壽司，呢度有個2人套餐我地要左，食完有種感覺佢根本唔係2人套餐，係3人套餐先岩！！好多野食先198蚊，好誇張！個餐裡面有三文魚壽司5件、有蟹子沙律、有個石鍋飯、有野飲（我地轉左特飲）有糯米遲，啊～仲有鯖魚同o個個小食拼盤！c～幾誇張，仲要只係for 2個人食之wor。

三文魚壽司・有5種唔同味道，最好味係有芝士o個件，很香滑、很多芝士香味，再加上飯、醋適中。

蟹子沙律・d醬同蟹子好似唔洗錢咁，好多，不過我中意！我諗好似我fd咁習慣食清d ge話可能要叫佢少d芝麻醬姐！菜同青瓜都好爽脆，呢樣己經係重點啦！話晒醬個類只係現成貨，不是功夫菜。

石頭鍋泡菜豚肉飯・即我fd食緊個個，大碗就唔洗講，仲要味道得wor！呢樣先堅👍小食拼盤・有芝士豆腐、餃子同蝦多士，最最最合我口水係芝士豆～腐，外皮dd脆，豆腐dd爽軟，入面芝士唔多唔少剛剛好，好味！

尋日行街經過門口見依個2人套餐sin$198!!仲有咁多樣野食tim,咁抵又試得過.間鋪唔細, 全場爆佐半la剌身拼盤, 甜蝦,三文魚,鮑片,同埋紅紅地個件刺身我成日都唔記得叫咩名, 全部都唔差,新鮮肥美!鯖魚, 1黎到就聞到好香,仲要係原條上,d肉1d都唔嚡,好滑.牛肉煲, 下面有d類似薯粉之粉, 上面未隻窩蛋,同埋好多件肥肥肥牛送到黎仲出緊煙, 牛肉唔老,所以夠嫩,湯甜甜地la蟹籽三文魚炒飯, 我之前曾經食過1間好好味, 記憶中每1啖飯都飄住三文魚既香氣, 再加埋蟹籽又爽wor!真係好正!!呢碟似個種味道d野食上得好快,重要係黎到仲熱!!而且味道算ok，整體黎講我好滿意呢間, 會再去!!

前幾日放工同男友去食晚餐，去左屋企附近食日本野。

最初我地既打算係食拉麵加，但又見到餐牌有個二人套餐，乜都唔洗諗就簡左依個。

呢間野裡面個空間好大係出面睇仲以為係個D迫迫澀澀咁.五式三文魚初頭我以為有五隻顏色加！佢雖然無五隻色，不過件件個味道都好得意，由其我最最鍾意既火炙芝士，黎到即刻依仲係好熱，溶左既芝士軟化又CREAMY，件三文魚就好滑。

個兩年三文魚都係我食呢個小食拼盤我又係最最鍾意佢個芝士豆腐，我邊食邊係咁話好味好味！件豆腐好厚圓圓地，咬一啖’BI芝士’woohooo～其他交左俾男友包底我地要左泡菜豚肉飯，佢一送到黎仲係’蔗蔗’聲，我最鍾意食飯焦，所以由佢攤左係度’蔗’下先。

佢個泡菜調到D味同個飯都好香，唔辣不過豚肉好嫩口！兩個人食完依個飯都好飽啦下～最後仲有雪糕送，朱古力＋薄荷 not bad 嘛!!呢個二人餐好似仲飽過食放題_，差在未托住個肚出黎炸！！

金川日本料理餐單提供日本菜, 自助餐等推介美食位於旺角區，餐廳座位數70人均消費約$101-200，結賬可以用Visa,Master,現金。

您對於旺角餐廳「金川日本料理」有何 comment？

金川日本料理餐廳詳細資料：

• 金川日本料理地址:
  旺角通菜街35號地下
  Kaneekawa Japanese Restaurant, G/ F,35 Tung Choi Street, Mong Kok
• 金川日本料理電話:  
• 金川日本料理價錢: $101-200
• 分類: 日本菜, 自助餐
• 座位: 70
• 付款: Visa,Master,現金
• FB專頁: 金川日本料理 Facebook

更多金川日本料理相關資料:

• 金川日本料理分店
• Youtube
• Facebook
• Twitter
• Google