Amazake 中環

Amazake 評價 相片

今日活動範圍喺中環, 玩嘢前梗係要搵食行先, 系OR搵來位於中環的Amazake, 星期六 all day you can 經OR訂位$280/位, 不包飲品, 上網睇佢哋個餐牌食物種類非常少, 心諗.....貴精不貴多, 希望佢哋食物質素出品有返咁上下啦, 可惜係我諗多左了。

餐廳裝修格局都幾有風格同有taste, 卡位位置獨立, 坐著這裡傾計很舒服。

All you can eat ($280 /2小時, 不包括飲品)要飲果汁汽水另加每位$80,  酒精類飲品任飲加$160。

All you can eat 食物就得呢三張細紙咁大把,  一ROUND 己經可以試晒。

刺身共五款三文魚油花均勻, 肉色亮麗, 油香軟滑帶子size不大, 口感偏軟, 唔夠鮮及欠了帶子的甜味。

油甘魚第一次叫新鮮肥美, 之後叫的兩round 就好都一般了。

三文魚子食一份真係喊到你C, 提議兩~三個人叫一份試試就好了。

甜蝦 size大大的, 蝦肉偏軟腍, 尚算新鮮, 只是略蝦的欠甜鮮度。

串燒值得推介嘅就只有燒五花腩, 味道簡單很香口, 肥瘦適中, 其他雞翼、雞腎及蔬菜都係一般大路日式自助餐貨色。

天婦羅個人唔LIKE, 所以冇叫, 食咗朋友一隻天婦羅蝦, 即炸, 夠脆口, but 炸漿厚度! 好油! 炸蠔的炸漿更厚。

主菜 ~ 烤豬肉配自家制薑汁每位可叫一個主菜, 有豬腩肉、三文魚及鯖魚3款供選擇, 我想試佢哋個自家薑汁, 所以揀咗豬腩肉, 豬腩肉是肥美的, 不過欠左啲誠意, 豬腩肉其實係串燒那串, 只係加左佢個薑汁,  自家制薑汁應該用薑汁、燒汁、麵豉醬等混制, 有薑汁嘅香及微辣, 其實幾香薑味, 可惜太鹹了, 如果鹹度道減番一半差唔多。

食物選擇少不在話下, 五款刺身及其他食物跟在mk 百多2百的日本放題質素差不多, 但人家的放題食物種類多, 還有無限量汽水、雪糕、甜品供應! 唔使飲清茶咁齋, So no next time la。

想放假嘅心情真係日漸嚴重，所以今日放工就約埋同事撑枱腳，食個日本FUSION菜解一解心癮。

之前LUNCH嘅時候食個佢嘅丼飯外賣，質素唔錯所以黎食個DINNER。

前菜先黎係薄切三文魚配柚子麵豉汁。

三文魚肥美油香夠重，配上酸甜柚子醬油清爽又開胃。

又再加上少少麵豉香，突出咗醃漬嘅風味。

不過松露醬有啲過多，搶咗魚油嘅香味。

COCKTAIL MELON SOUR。

因為本人酒量淺，只有輕輕試咗啖同事嘅雞尾酒。

燒酎味入口辛辣但慢慢俾水果嘅甜去中和。

加上淡淡嘅抺茶苦澀味令酒體更厚實。

如果係週末晚就一定叫返杯，盡興而歸。

油甘魚海膽松露醬卷。

油甘魚同樣肥美油份充足，海膽更加香甜滑溜。

入口時奶香油香係口腔散發，再有松露醬提味，及中間嘅海苔香令到一連食幾件都唔覺得HEAVY。

廚師精選串燒5款：雞胗/雞軟骨/雞翼/豬腩肉&豬頸肉。

幾款都燒得乾身香口，調味又唔會過咸。

雞胗因為厚身所以好有咬勁。

而豬腩肉及豬頸肉肥瘦適中燒完迫走多餘油份，食完都唔會覺得油膩。

而雞翼開邊，食起上黎都方便一啲。

USDA西冷壽喜燒。

愈食愈唔夠喉，所以點咗個壽喜燒再滿足一下。

店員先用牛脂熱鍋，單單係聞到焦香嘅牛油味已經流晒口水。

之後再炒香洋蔥同其他蔬菜，最後淋上醬汁煮開，過程一氣呵成。

已經急不及待放上牛肉。

輕涮數十秒再沾上蛋液。

香甜醬汁配上嫰滑牛肉，真係一口接一口完全停唔到。

食完牛肉後蔬菜同冬粉都煮得軟腍入味，一下子就清晒成鍋壽喜燒，哈哈。

鵝肝鰻魚炒飯。

飯粒飽滿又吸收晒鵝肝油嘅香味，食落十分惹味。

鰻魚粒嘅焦香又再令味道更豐富，食時將溫泉蛋攪拌均勻更可以增添濕潤感同蛋香。

最啱係最後為肚子補充返啲飯氣。

整體食物質素都幾好，啱晒放工摸住酒杯底，放鬆一下。

所以都約定朋友週末再過黎飲返杯。

試埋其他幾款COCKTAIL。

是夜家母不煮飯，放工剛好老弟在附近，約他食完晚飯先回家。

來到了同事推薦的Amazake。

離地鐵站不算遠，餐廳寬敞，全店以紅色和木系色為主，牆上畫了不同造型的相撲手，日本風得來又帶點摩登時尚。

這裏是間酒吧西餐廳，所以酒類選擇豐富，我點了杯造型別緻的cocktail Melon Sour！淺綠色的外表，上面放有兩朵小花，灑上抹茶粉，入口有菠蘿和檸檬的香甜，且帶酒的微辛，配串燒食剛好！三文魚一向是我的愛，這薄切三文魚配柚子麵豉汁，甜甜酸酸好開胃，三文魚火炙過更見肥美，上面仲有松露醬，簡單食材，味道一流！廚師精選串燒五款，分別有雞翼、雞腎、雞軟骨、豬頸肉和五花腩。

串串肥美肉厚，雞腎夠爽口，五花腩肥瘦相間，食完滿口油香！油甘魚海膽松露醬卷估唔到咁中件，以為是小卷，但厚實的一卷用大大塊油甘魚刺身包住，上面鋪上海膽和松露，入口鮮甜肥美富油香！西冷壽喜燒由店員為我們服務，西冷鮮紅帶白色脂肪紋手，肉味夠濃，燒汁調味剛好，再點上蛋漿，多了份嫩滑。

鍋入面的菜都多，食完凍野食啲熱野，腸胃好舒服。

因為老弟大食，所以點多了個鵝肝鰻魚炒飯。

入口粒粒鰻魚帶鵝肝香，那種屬於鵝肝的羶油香令飯望起來立立令，再撈埋蛋食，邪惡又美味！這家餐廳裝修有特色，食物又可口，環境夠靜，座位又寬敞，不失為放工小聚的好地方！

早排放假去咗灣仔睇舞台劇，就跟朋友下午嚟咗中環呢到食日式放題環境充滿和風裝潢，地方仲好衛生乾淨午市2小時放題$280，有超過30款日式美食，勝在樣樣高質精美，味道仲好好㗎我仲追加$150 兩小時可任飲，清酒、紅白酒、生啤、烈酒、汽水及果汁，我跟朋友都鍾情清酒，味道好易入口順喉前菜有多款送酒小食，都走香口路線，脆炸雞件及炸雞翼都香脆惹味，日式點少得餃子，佢係豚食餡香蒸，另外仲有日本蟹忌廉薯餅先上主打刺身，我哋叫齊五款有三文魚、油甘魚、帶子、甜蝦、三文魚籽，樣樣都好新鮮擺盤又靚，肥美嘅三文魚真係好新鮮，另外超愛帶子及甜蝦嘅鮮甜之後就食一食清新前菜沙律，薄切牛肉沙律及豬肉沙律都有叫，牛肉有薄燒過好香夾埋新鮮沙律菜食，面上仲有三文魚籽充滿鹹香味另一款豬肉沙律就配埋沙律醬食天婦羅要讚啊，炸醬唔厚又香脆，入面啲蔬菜仲好鮮嫩唔會炸到乾哂串燒有成6款，用嚟慢慢送清酒一流，五花腩燒到剛好，肉嫩多汁又肥美，另外雞腎及雞軟骨都一流朋友超愛卷物，所以叫齊咁多款我鍾意食帶香辣嘅三文魚卷朋友較愛加洲卷及青瓜牛油果卷嘅清新主菜有三款選擇，豬肉非常惹美配上自家製薑汁另外一款三文魚扒燒到外層魚皮香口，入面都嫩滑，個醬汁係甜醬味道仲有飲或烏冬，而甜品雪糕都係任食㗎整體性價比好高，環境又有日式feel

早前去了中環一間幾隱蔽嘅日本餐廳，放題都係講緊$320一位，任食兩個鐘。

不過今日就決定分開點晚市menu試吓個質素如何。

薄切油甘魚配柚子麵豉汁魚本身都幾重油份，食落都幾香，配埋松露係面頭，感覺幾夾。

同平時唔同，側邊係有少少柚子麵豉汁伴碟，夾埋一齊食味道豐富。

牛舌當然唔少得其他小食啦，牛舌燒得剛剛好，保留嫩嫩地嘅質感，又不失爽彈嘅口感，更可落少少青檸，就唔怕會膩啦，幾片都足以止癮。

海膽油甘魚松露卷卷物比想像中個頭大，平時都係食開啲卷物，炸蝦卷、軟殼蟹卷等都唔會咁大。

而呢個用油甘魚蓋面，加埋味道鮮甜嘅海膽，同埋濃郁嘅松露，一啖食落去鮮味好出。

串燒拼盤除咗牛舌之外，仲有嗌左其他串燒。

每一款都各有特色，雞翼個皮燒得好脆，豬頸肉同五花腩有份油香。

而令我有驚喜嘅係雞軟骨及雞腎，食到停唔到口。

鵝肝鰻魚炒飯平時無飯不歡，二話不說當然要叫個炒飯嚟食。

呢個鰻魚炒飯加埋左鵝肝，除咗鰻魚汁嘅香氣之外，鵝肝都為佢添加左另外一種層次，面頭仲有一個溫泉蛋，完美！刺身五款食日本嘢當然要試吓佢刺身嘅新鮮程度啦。

其實大部份嘅食物都好新鮮，三文魚都厚切。

其中海膽食落有陣鮮甜，質素穩定。

三文魚籽雖係醬油漬過，但又唔會好鹹。

炸豆腐成餐食咗好多肉，嗌咗炸豆腐嚟平衡返，除咗外脆內軟之外，佢嘅汁都幫佢加唔少分。

Drink有好多新item，今次點咗Whisky Highball，簡簡單單但酒味不容小覷，飲飲下都有些微酒意㗎！

Amazake餐單提供日本菜, 日式放題, 酒吧, 居酒屋等推介美食位於中環區，餐廳座位數80人均消費約$101-200，結賬可以用Visa,Master,AlipayHK,支付寶,現金,AE,銀聯，Booking訂位可以電話致電 25377722 查詢。

您對於中環餐廳「Amazake」有何 comment？

Amazake餐廳詳細資料：

• Amazake地址:
  中環安慶臺1號安慶大廈地舖
  Amazake, G/ F, On Hing Building,1 On Hing Terrace, Central
• Amazake電話: 25377722
• Amazake價錢: $101-200
• 分類: 日本菜, 日式放題, 酒吧, 居酒屋
• 座位: 80
• 付款: Visa,Master,AlipayHK,支付寶,現金,AE,銀聯
• FB專頁: Amazake Facebook

更多Amazake相關資料:

• Amazake分店
• Youtube
• Facebook
• Twitter
• Google