大門食堂 灣仔

大門食堂 評價 相片

朋友介紹，夾唔中經過都會泥呢度食拉麵，發現轉左menu，多左個蝦濃湯湯底，就決定叫泥試下。

醬油蝦濃湯拉麵同個名一樣，蝦湯底味道非常濃郁，對我泥講就油膩左少少，叉燒無乜特別，唔係薄到入口即溶，又唔係特別厚切果種，拉麵軟硬度適中，睇menu幅圖完完無留意到粉紅色既部分原來係櫻花蝦，近年唔知點解日本餐廳都好鐘意加入呢款食材，不過櫻花蝦連埋湯底一齊飲的話，個味道更加濃郁。

另外，仲嗌左碟餃子同朋友share食，本身expect 會食到日式餃子果種又薄又煎得好脆既餃子皮，點知唔係果回事，個皮有啲厚身，咬落去個餃子餡真係唔掂，好麵粉feel，唔係想像中果種肉既口感。

餃子就真係不了，唔推薦~

之前大門食堂做緣屋限定, 大食妹就約埋朋友仔一齊去食<辣味味噌濃湯拉麵加叉燒>天氣開始凍, 大食妹又開始嗜辣, 但由於腸胃唔係咁好, 所以都係嗌咗個普通辣睇圖見到叉燒嘅份量唔係好多, 所以再加多份叉燒麵底有得揀硬度, 好體貼呢大食妹就揀咗個普通硬, 緣屋嘅麪底係粗身拉麵, 普通硬度咬落都幾彈牙而辣味嘅湯底就好野味同暖胃, 冬天食一級棒<味噌叉燒蝦濃湯拉麵>朋友仔就揀咗個味噌湯底, 相對辣味, 普通嘅味噌湯底反而冇咁出色, 可能係大食妹偏好重口味但呢碗味噌拉麵有成五嚿叉燒, 而且入口即溶, 適合一眾嘅食肉獸<乳酪蝦多士>另外我哋仲嗌咗一啲小食, 乳酪蝦多士同港式蝦多士冇乜分別, 最主要係面頭加咗greek yogurt<緣屋炸蝦雲吞>呢份炸雲吞好酥脆呢

和朋友放工經過大門拉麵，發現推出期間限定拉麵，決定一試🥰同時亦都實行黃色經濟圈消費，為香港出一分力。

見到餐牌有好多野食 好吸引😳各點了一個優惠套餐，我選擇味噌蝦濃湯拉麵配唐揚炸雞，還配飲品。

味噌蝦湯底味道非常濃郁，麵條比較粗身而有質感，份量亦算大。

而朋友點了醬油蝦濃湯拉麵，淡淡的香蝦味，令人食欲大開。

濃郁的湯底配上櫻花蝦，為拉麵的口感及味道添上更豐富的層次。

個人認為是一間性價比高的拉麵店，喜歡日本拉麵的朋友不妨一試。

叫左一個最基本既大門拉麵試下佢既底蘊，一試之下，不得了，我唔會再幫襯。

首先，拉麵最基本既湯底麵未拿捏到，根本冇味。

第二，拉麵吸湯能力低，吸收唔到湯既精華（何況個湯根本冇味）。

淨係e兩樣已經夠死。

第三，溫泉蛋係凍，好凍，好似雪左好耐拎出黎咁。

所以我唔會再去第二次。

這個冬天雖然不太冷，但都必須黎一碗熱辣辣既拉拉麵。

因為入座時間錯過食飯高峰。

所以唔需要等位。

路過邊見到大大個招牌。

試下無妨。

坐低左先發現menu為緣屋，確實驚喜，因為之前都有試過上環間店。

水準唔差。

一直想食反，奈何路途遙遠。

哈哈😄。

門口直到餐廳內部都透露濃濃既日本特色。

所見之處均以木製品為主Menu有介紹緣屋創于1998年並在隔年既比賽中勇奪第二並給很多人知曉。

我与朋友兩人叫左兩個餐。

加埋一都係人均130蚊，十分優惠抵食。

包埋一碗拉麵。

炸物與飲品。

麵落左味噌蝦濃湯拉麵同醬油蝦濃湯拉麵。

拉麵上臺時，侍應會貼心提示小心睇熱。

湯頭真係夠晒熱。

心急得濟，條脷都係燙襯。

不愧為蝦濃湯，帶有濃郁既鮮蝦味。

大大塊既叉燒，肥瘦均勻。

一D唔肥膩同柴。

味噌同醬油既最大分別在於醬油多左一味紫菜碎。

拉麵軟硬度適中，並非常Q彈，一啖麵配一啖湯。

十級享受。

份量十足。

炸物落左十分香口既炸赤海蝦同外脆內有肉汁既炸雞。

都唔錯

大門食堂餐單提供日本菜, 拉麵等推介美食位於灣仔區，餐廳座位數未知人均消費約$51-100，結賬可以用現金，Booking訂位可以電話致電 25237710 查詢。

您對於灣仔餐廳「大門食堂」有何 comment？

大門食堂餐廳詳細資料：

• 大門食堂地址:
  灣仔軒尼詩道8-12號中港大廈地下C號舖
  Daimon Shokudo, Shop C, G/ F, China Hong Kong Tower,8-12 Hennessy Road, Wan Chai
• 大門食堂電話: 25237710
• 大門食堂價錢: $51-100
• 分類: 日本菜, 拉麵
• 座位: 未知
• 付款: 現金
• FB專頁: 大門食堂 Facebook

更多大門食堂相關資料:

• 大門食堂分店
• Youtube
• Facebook
• Twitter
• Google