名菜宴 灣仔

名菜宴 評價 相片

之前係後面街時去過1次d招呼都已經唔掂, 今日經過見到搬左, 姑且試多次... 雖然個老闆娘好似趕鴨仔咁叫我地'拿拿聲'入去(?)落order: 怪味雞, 唔好意思d材料未預備好(....)要菜飯(個餐寫住可以要白/菜飯), 唔好意思未準備好(..........) 同對上講一樣, 碟頭算細, 同埋係可大可小既, 既然係人頭計($48位), 應該碟碟一樣, 但係我親耳聽到佢叫廚房唔使'畢'咁大碟(個碟重要係飲茶墊杯個隻咁既size), 然後俾我地個碟又懶好人咁話俾碟大d我地(?)甜品, 冇樓上位咁精美, 只係腐竹蛋花糖水, 諗返起上次去時連糖水都冇哂重要俾人不停教訓話我地好唔訂(真犯賤)老闆見我地不停俾評語再度懶好人咁話送碟生果比我地, 但係佢個餐單上寫左4 人以上係有生果既(.................)

見呢度裝修都幾「騎呢」，但又係老字號的私房菜落地開舖，就約左三位朋友來一試。

午餐一人只須48元便有湯、自選一個菜式、一個蔬菜、白飯加糖水，算係幾平，而且強調絕無味精同少油。

呢度係主理京、川、滬菜的，裝修卻一如舊港式西餐廳，設紅色卡位，感覺都幾得意。

中午時份，人都幾多，好彩有訂位。

四個人叫左怪味雞、欖菜四季豆、肉片蒸勝瓜同白飯魚炒蛋。

怪味雞係第一道上的菜﹝仲早過個湯﹞，一上檯就明白點解咁平，因為份量真係少得可憐，用個六吋的盤裝住，真係舖平都填唔滿個盤底。

味道都OK，有少少花椒味。

個湯係用一種藥材﹝唔記得個名﹞同豬煲的老火湯，幾甜，友人懷疑有味精，但我事後又確實冇口乾的後遺症。

欖菜四季豆反而係正常size，炒得恰到好處，好味。

肉片蒸勝瓜係另一細碟頭精選，好有家常味，勝瓜好甜。

白飯魚炒蛋肯定冇落味精，因為完全唔覺有調味，蛋都炒得幾滑，不過亦係幾細碟的。

送的佛手浸唐生菜的上湯有好多紅棗、圓肉同杞子，味道清甜，生菜亦好脆口，碟頭係最大的一味，唔錯。

值得一提的係個白飯，又係裝得唔太滿，不過食得出係靚米，而且煮得軟硬適中。

四個女仔食，基本上都飽，不過其中一位飯桶人就覺得唔夠滿足，大食少少的男士可能都食唔飽添。

最精彩的反而係最後敬送的糖水─八寶茶，當然亦係好細碗，但好足料，有好多紅棗、圓肉、杞子、木耳、烏豆等材料，夠甜夠濃味，非常掂！睇餐牌，佢的甜品選擇唔少得過一般的糖水舖，搵日一定要試下佢的薑菜白麻蓉湯圓。

個笑面係俾個糖水的。

名菜宴餐單提供粵菜, 廣東, 中菜館等推介美食位於灣仔區，餐廳座位數未知人均消費約$201-400，結賬可以用現金。

您對於灣仔餐廳「名菜宴」有何 comment？

名菜宴餐廳詳細資料：

• 名菜宴地址:
  灣仔莊士敦道197號地舖
  Empire Banquet, G/ F, No.197 Johnston Road,.( Oppositto Tai Yau Shopping Arcade), Wan Chai
• 名菜宴電話:  
• 名菜宴價錢: $201-400
• 分類: 粵菜, 廣東, 中菜館
• 座位: 未知
• 付款: 現金
• FB專頁: 名菜宴 Facebook

更多名菜宴相關資料:

• 名菜宴分店
• Youtube
• Facebook
• Twitter
• Google