同力茶餐廳 灣仔

同力茶餐廳 評價 相片

時到中秋, 有一些客戶, 老總, 我老細始終到喜歡動用到我地呢d叫做跟過佢出出入入既員工親自送禮, 表示敬意. 總有一些老總級人馬, 老細覺得唔可能派D阿豬阿狗去送禮的, 於是, 又是要放下手頭工作, 外出派餅既時候.在此, 亦學習了"關係"重要的其中一課, 送禮.辦好事, 亦是休息一陣既時候. 反正面去互信大廈果頭攞野, 就入黎春園街搵食啦. 今次一個人, 而且唔想排隊, 就決定入黎同力, 向著虎山行. 一覺得呢間野, 從來沒有一排, 已經知道係咩事. 說同力, 所有伙記都同力地, 叫賣, 氹人入黎, 企係門口既姐仔, 除了serve外賣, 就是一隻招財貓, 猛"yap"人入黎. 叫了一個梅菜扣肉飯, 睇落, OK 不錯既. 不過味道就真係麻麻, 梅菜唔夠味, 扣肉應該是好濃郁味道的, 但可惜. 另外, 肥肉是好, 扣肉是要食肥肉的, 但又真的太肥了, 平常咬入去, 只是食到肥油渣, 呢次, 一咬, 滿口油.....春園街, 間間排隊, 唯獨是你冇人排....原來......原因好明顯.仲有一間冇人排的.....什麼特效涼茶....有機會要試試.

公司有午餐提供，所以我從來都體會唔到中午要為餐晏晝飯同人迫餐死既苦況。

某日，本人要出巡，也專程來了解民間疾苦。

午飯時間，灣仔一帶果然是超級多人，不論是酒樓、西餐廳或是茶記，都是擠滿等食的人，多淒慘。

行了幾條街，肚子餓了，想吃點炒飯炒麵之類既香口野，求其搵間人少一點的茶記走入去。

來來去去都是幾款午餐，見有星洲炒米，合晒心水。

套餐包湯和飲品，先來白菜豬骨湯，面頭好多油咁，見到都唔想飲。

勉強喝了幾口，並不清甜，可以放棄。

未幾，星洲炒米送到。

色水似樣，材料有火腿絲、紅腸絲、蝦仔、洋蔥和蔥等，雖不算是很豐富，卻都可以接受。

可惜，炒米毫無鑊氣，不香又不辣，反而火腿絲既味道比米粉還要重，失敗之作。

凍奶茶是半杯凍半杯暖的，這樣的奶茶，我最憎。

味道方面，除欠缺茶味外，我再沒其他評語。

今午為了買 4300 萬六合彩，走到灣仔春園街食下午茶，順手入米鋪光顧一下，求其走入同力茶餐廳 (另註: Openrice record 打錯了餐龐，請予以更正)，下午茶時間炒粉麵 $23，基本上是材料 x 粉麵，但沒有註明炒法，究竟是干炒、黑椒炒、濕炒? 我也沒太為意，點了牛肉 x 河粉，應該是最穩陣的搭檔吧!結果上臺的是干炒牛河，不出所料，先不談眼前食物，也不談什麼是好牛河(詳閲新景園食評)，只想說一說故仔，話說小時候常跟老媽子到佛山遊玩，每晚總有一個指定動作，就是跟佛山結識的姐姐到附近的酒樓買干炒牛河作宵夜，人仔八塊一大碟，用料足、鑊氣夠，自此干牛河差不多成為我茶記食飯必點之選，但事實是掛念那美味的河粉還是佛山的姐姐呢... 天曉得回到現實，面前的炒河粉油光滿面、芽菜少之有少、牛肉曾受鬆肉粉虐待... 種種令人無奈的因素集於一身，再加上那甜如蔗汁欠茶味的凍奶茶... 正正是可一不可再的事例，說真的，這樣的干炒牛河要 $25，頓覺新景園 $50 來得超值!最後，4300 萬沒有落袋，卻免費贈送一個差勁下午茶

同力茶餐廳餐單提供港式, 茶餐廳, 冰室等推介美食位於灣仔區，餐廳座位數未知人均消費約$0，結賬可以用現金。

您對於灣仔餐廳「同力茶餐廳」有何 comment？

同力茶餐廳餐廳詳細資料：

• 同力茶餐廳地址:
  灣仔春園街49號
  同力茶餐廳,  
• 同力茶餐廳電話:  
• 同力茶餐廳價錢: $0
• 分類: 港式, 茶餐廳, 冰室
• 座位: 未知
• 付款: 現金
• FB專頁: 同力茶餐廳 Facebook

更多同力茶餐廳相關資料:

• 同力茶餐廳分店
• Youtube
• Facebook
• Twitter
• Google