黃金冰室 深水埗

黃金冰室 評價 相片

#肥doi遊深水埗.呢間黃金冰室係深水埗有兩間分店，餐牌有好多選擇，有中式嘅叫餸食飯，西式嘅有鋸扒同意粉，仲有農夫包添，但我哋去到已經賣晒，想試嘅就要早啲去啦！《蒜香虎蝦雞扒套餐🦐🐔》$72套餐除咗主食，仲有一個餐湯（羅宋湯、忌廉湯、中湯）同埋牛油多士。

羅宋湯好足料，但係唔夠酸辣味。

多士都烘到邊脆內軟，面頭搽左啲蒜蓉牛油幾正！主食方面，有兩隻虎蝦，蝦肉幾爽口，Size似大頭蝦嘅比較少肉，雞扒煎得幾香脆，啲肉好嫩滑，但係就比較細塊。

配菜方面，有啲驚喜，咁我哋選擇左薯菜，除咗西蘭花，仲有焗嘅紫薯，配埋麻醬，味道幾特別！.《焗椰香咖喱牛腩飯🐮》$58焗飯嘅咖喱味幾香，除咗有牛腩，仲有牛筋鋪滿飯面，牛腩唔會癡牙，牛筋都幾淋，用匙羹都可以分得開。

焗飯嘅咖喱汁食極都仲有，啱啱好可以撈晒成個飯，啲飯食落口感一粒粒，成件事幾match。

🏠環境：座位都比較逼夾，好易會掂到其他食客，有啲座位仲有滴水問題，不過職員嘅態度超好，有滴水問題會即刻換位，送餐嘅時候會提醒食客小心煲邊太熱。

.⭐️總評分黃色茶餐廳來講嘢食種類算幾多，質素都唔太差，係深水埗返工既可以支持下，價錢都幾平民！夜晚兩個人食，平均每人70蚊左右！

要食好味嘅豬扒包，唔一定要去澳門，去深水埗就食到。

.呢間黃金冰室看似普通，但一睇豬扒包嘅賣相，就知唔簡單。

.烘過嘅豬仔包，包住金黃色嘅炸豬扒，令我諗起流行一時嘅和牛三文治。

.一食落去發現薄薄嘅炸粉包住鮮嫩多汁嘅豬扒，啲肉汁多到爆開，令人再三回味。

.薯條新鮮炸好，簡單以餐桌鹽調味已經足夠。

.雖然呢日幾乎客滿，但店員依然用心招待客人。

他日必定重訪，再品嚐此店嘅豬扒包。

係深水埗買完野都3點幾想搵個地方食下tea行行下見尼到都有黃金冰室記得之前食過長沙灣個間都ok就揀尼到na😎——————————————————————要讚下個厚多士厚得黎烘得好脆好鬆化牛油都有烘過🥪好食奄列都煎得幾靚幾滑🍳入面火腿唔算好多但足夠放上多士到食nice👍🏻👍🏻賣相是不錯但烏冬黎到熱d會更好🧐芝士算多鋪滿烏冬上足夠送哂整碗豬扒煎過都幾香口又唔會太乾都有2大塊！都厚肉公仔麵冇轉出煎一丁所以麵質冇咁好食吧而五香肉丁及芝士腸味道就正常紅豆冰既冰同淡奶及椰汁比例都ok紅豆都算多😋魚柳炸得顏色幾金黃面頭脆卜卜魚肉都算鮮唔會霉同林batbat

雖然我住係附近咁耐.....但我都真係未食過呢間茶記🙄見附近好多餐廳都收晒😑迫於無奈地咁揀左佢😂睇評價都話呢間餐廳服務態度差同埋水準飄忽😓希望今次唔好中伏啦......😭🔹黃金焗鮮茄豬扒飯$56 ：估佢唔到有驚喜😍超多芝士❗️我鍾意❤️仲可以拉絲添呀🤩最正嘅係佢塊豬扒竟然好腍，一啲都唔韌👍🏻至於飯就同出面好多茶記一樣！都係炒飯底😎但佢就缺少咗啲原隻番茄🍅淨係得番茄醬！如果加埋有番茄係入面，相信會即時升級😎由於我係外賣，所以今次就享受唔到佢嘅服務😂不過買外賣嘅時候，員工態度都唔差，一叫即刻走埋嚟幫的落單😆仲溫馨提示我焗飯要等耐少少😌整體都算唔錯❗️評分味道：4/5環境：3.5/5服務：3.5/5性價比：4/5回頭率：4/5

朋友專程帶我去試佢地個常餐，話佢地好有水準，於是抱住食好西既心態去食早餐，我地叫既餐都係一樣，黎到枱既兩塊雞排，size都唔係爭少少咁簡單，一塊好似手掌再大啲，另一塊只係得一半，問返店員會唔會搞錯左（因為驚有塊唔係雞排），佢即刻拎另塊生既出黎問我呢個size 岩唔啱？ 一早就食到成肚氣，講真，成塊雞排冇味除左好多油之外，常餐一般，但其實size幾大唔係問題，但如果有水準既餐廳，上菜既要求都唔少得，但態度真係不了

黃金冰室餐單提供港式, 茶餐廳, 冰室等推介美食位於深水埗區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 28166608 查詢。

您對於深水埗餐廳「黃金冰室」有何 comment？

黃金冰室餐廳詳細資料：

• 黃金冰室地址:
  深水埗欽州街55號地舖
  Golden Cafe, G/ F,55 Yen Chow Street, Sham Shui Po
• 黃金冰室電話: 28166608
• 黃金冰室價錢: $50以下
• 分類: 港式, 茶餐廳, 冰室
• 座位: 未知
• 付款: AlipayHK,支付寶,現金
• FB專頁: 黃金冰室 Facebook

更多黃金冰室相關資料:

• 黃金冰室分店
• Youtube
• Facebook
• Twitter
• Google