香城酒樓 深水埗

香城酒樓 評價 相片

手抓羊排野味 自家燒味拼盆有水準早排中秋做節訂左半圍優惠套餐都好有水準 吾似將價就貨龍蝦🦞伊面夠份量好味道川椒帶子都好新鮮 鮑參燴肚翅材料十足普通一條躉班蒸出水準鮮味

其實呢間未改名之前甚至再之前都食過，價錢好似越加越貴，不過味道都係咁上下。

寫呢篇文之前睇到其他食評，就係話上手改名之後都係個啲人，咁睇得明就明啦。

講反今日吧，去到條電梯壞左，要搭升降機，幾層都等左幾分鐘，應該有員工用緊，上到去6個就比左張大枱，不過個個位都算食正冷氣比較凍，不過算啦。

之後坐左幾分鐘都冇人理，舉手叫人黎鋪枱布開茶位又要等，可能呢個區係得1個牙姐做呢啲，個2個主任唔洗，個牙姐鋪完之後主任先行過黎問飲乜茶，叫完劃點心，比完個牙姐之後等左20分鐘，就問佢有冇落單，咁佢實話有啦，原來睇反張單個時間係落漏左既。

首先黎左兩樣先，味道還好，不過又等左10分鐘，可能想一次過黎哂之後個啲。

黎哂之後都差不多3點45分要埋數，買單個邊遠，個主任可能唔想自己行就叫我自己去櫃臺買單，個下呆一呆，冇計自己去買。

反到黎冷氣就熄哂，焗住咁食，大家都話冇下一次了。

環境不過不失，但係新地氈最唔鍾意就係好多毛粒，最討厭嘅絨面櫈，坐得多皮膚會痕。

最差就係呢度嘅冷氣，我30幾度喺條街度行都冇咁熱，呢度冇冷氣兼且冇空氣，眼見10台人裏面有四台都係撥緊涼，佢有部大風機，但係淨係吹住兩枱大枱同埋個收銀。

嘢食係深水埗區來講比較貴，但係質素都不過不失嘅。

Book位嘅時候唔為意佢有冇講， 總之去到長樂街至見到新斗記執咗，原來 佐敦個總 廚師走鬼咗去深水埗自己開咗檔叫金城。

金城個場比佐敦新斗記大好多，但格調亦都降低咗好多， 好明顯已經唔再係一個適當宴客嘅選擇， 自己屋企人食飯仲勉強可以接受。

今日係老媽子生日， 諗住蒸條蘇鼠，無貨; 紅瓜子，無貨; 連東星都冇貨。

侍應姐姐話由於地區問題， 靚魚好難買得出， 所以如果想食靚魚就要預訂 酒樓推介一條游水星班， 係早幾日賣唔出 嘅貨尾， 特價680蚊， 攞上嚟睇現貨唔算好生猛不過又未死， 估計約莫兩斤六兩左右， 但上枱我親自開條魚嘅時候，發現火候拿捏極道精彩， 剛剛熟仲有少許魚肉未離骨， 肉質極級嫩滑，蒸魚豉油調味亦做得好好，值96分。

蟶子都好好味不過未算好特別， 維持到佐敦一貫水準， 都算抵食。

豉油皇海中蝦係另一道傑出菜式， size完全唔似中蝦， 根本就係大海蝦， 爽口彈牙有蝦味， 調味非常之好， 一貫佐敦水準， 必食推介。

啫啫唐生菜都係好好味， 連喜歡食菜嘅阿仔都食到唔停口。

以前佐敦新斗記嘅生炒排骨一直係我非常之欣賞嘅菜式， 但係去咗深水埗之後走曬樣， 肉眼已經見到脆漿半透明擺明係索曬油又冇迫返出嚟， 芡汁好少所以酸味同甜味都唔夠， 亦同時間冇咗黏糯嘅口感。

蝦子柚皮係爸爸喜歡嘅菜式， 煮呢一味菜柚皮要吸收好多油， 但一食落口已經成陣 油益味， 蝦子香味欠奉， 擺碟亦都醜樣， 失敗之作。

最後係叉燒， 分量非常足料， 好厚好大嚿， 肉質軟滑， 其實好難得，火候要處理得好好。

可惜調味好鹹， 正所謂蜜汁叉燒 ，叉燒要偏甜又黏口至好食， 真係可惜。

新酒樓前日入去飲茶，冇乜人，款式唔多，價錢偏高。

之前系新斗記集團好似都係同一班人只係改咗名。

觀塘毅力工業中心8樓E室。

有待改善。

下次試下晚飯。

香城酒樓餐單提供粵菜, 廣東, 燒臘, 點心, 中菜館等推介美食位於深水埗區，餐廳座位數未知人均消費約$201-400，結賬可以用現金，Booking訂位可以電話致電 29899388 查詢。

您對於深水埗餐廳「香城酒樓」有何 comment？

香城酒樓餐廳詳細資料：

• 香城酒樓地址:
  深水埗福華街188號海峯1-2樓
  香城酒樓, 1-2/ F, Vista,188 Fuk Wa Street, Sham Shui Po
• 香城酒樓電話: 29899388
• 香城酒樓價錢: $201-400
• 分類: 粵菜, 廣東, 燒臘, 點心, 中菜館
• 座位: 未知
• 付款: 現金
• FB專頁: 香城酒樓 Facebook

更多香城酒樓相關資料:

• 香城酒樓分店
• Youtube
• Facebook
• Twitter
• Google