良茶隅 深水埗

良茶隅 評價 相片

又黎到附近上堂 未夠鐘就周圍行下 Vwalk真係好多新嘢本身都冇諗住買嘢飲 經過見到呢間茶店就入嚟行吓睇吓 啲飲品好特別 平時飲台式珍珠奶茶就飲得多 呢間店嘅茶就未聽過 玫瑰花陳皮普洱玫瑰🌹 陳皮普洱玫瑰花香 加上陳皮嘅甘甜 飲落去唔會好甜 全天然 無防腐劑 無人造色素 無人工調味 好健康同個店員傾開先知道原來第一間店係2013年沙田嘅時候開嘅 （唔怪得我未見過）原來個品牌都開咗有6年😅店員好好吹水 係咁同我介紹邊款茶啱我🤣 都唔貴 下次可以再試下其他 有益身體👍🏻

上次我經過見到呢間舖頭一開始我仲以為係普通台式飲品店黎，點知今日再次經過睇真啲原來係一間涼茶舖黎架！我一行埋去睇下有咩好飲嘅時候，個銷售姨姨就好熱情咁招呼我，為我介紹下成間舖有咩好飲，仲同我詳細介紹過每一種涼茶有咩功效，邊一隻岩飯前飲，邊一隻岩飯後飲，仲同我介紹左成個品牌嘅歷史!無諗過一個銷售姨姨都可以咁熟識自己做野嘅品牌, 係佢帶動下,我買左洛神花同幾枝冷泡茶飲, 冷泡茶真係幾香幾濃, 30幾度嘅下晝買番枝飲,飲完成個人都都爽啲, 跟住洛神花茶一飲成個人又係醒神晒！而且無額外加糖，飲落更健康

時代變遷，連涼茶鋪都要與時並進～有日行開街，經過呢間小巧又吸睛既鋪頭，一望之下原來係賣各式各樣既涼茶！即係平時街鋪嗰啲一碗碗既涼茶！但呢度有啲唔同，就係佢唔係用碗去裝既，係用好靚既玻璃樽去裝～又時尚又環保～因為天時暑熱又想養下生，所以就同朋友研究下買咩飲好～結果叫左玫瑰花陳皮普洱茶同白蘭花茶（各$30）佢係人工製作既，兩支飲落去都係好清淡，感覺佢係少糖健康為主。

普洱茶呢支既玫瑰花既清，陳皮既咸同普洱既香相輔相成👍白蘭花茶就好甘香～清熱消暑岩晒！

覓食V Walk的第二撃，食完一餐西餐未夠喉之際，看到一間幾特別的飲品店叫「良茶隅」，好吸引的門面，好特別的店名，覓食之餘也要長知識，查核一看這個「隅」字，原來是角落的意思，那就是良茶角落的涼茶店，而原來這間深水埗分店已是第五間分店，以為涼茶應該只有火麻仁，廿四味，五花茶咁，原來佢地還有冷泡茶。

叫了玫瑰花陳皮普洱茶如酒瓶一樣的樽裝非常吸引，甘香清甜，玫瑰香味較清啖，反而普洱茶味比想像中清香，在V Walk 有這間人工茶分店，是推介給老中青的時尚茶品👍👅美味: ⭐️⭐️⭐️⭐️/5✨環境: ⭐️⭐️⭐/5💫回頭: ⭐️⭐️⭐️⭐️/5💡性價: ⭐️⭐️⭐️⭐️/5💆‍♂️服務: ⭐️⭐️⭐️/5

有別其他大型連鎖店，店鋪形象好清新，吸引左我眼球去望。

現場有店員安排試飲，確保口味係適合自己，唔會買左唔岩飲造成浪費。

試左幾款，甜度相對少啲。

市面普遍牌子有時候為了避左陣苦味，加左好多糖，超過每日攝取量 60%。

講返今次我就買左兩支，清熱去濕茶同夏枯草，前者係鋪頭2大王牌之一，店員表示一樽已經有2劑份量，可以分到2次飲，$58蚊唔算貴。

另外支夏枯草、基本涼茶鋪都會有，$28，正常發揮。

整體依間分店店員服務很好，有耐性，你唔怕羞可以試到岩為此。

良茶隅餐單提供粵菜, 廣東, 涼茶, 龜苓膏等推介美食位於深水埗區，餐廳座位數未知人均消費約$50以下，結賬可以用現金。

您對於深水埗餐廳「良茶隅」有何 comment？

良茶隅餐廳詳細資料：

• 良茶隅地址:
  深水埗深旺道28號VWalk2樓85號舖
  Herbaceous Teas, Shop85,2/ F, V Walk,28 Sham Mong Road, Sham Shui Po
• 良茶隅電話:  
• 良茶隅價錢: $50以下
• 分類: 粵菜, 廣東, 涼茶, 龜苓膏
• 座位: 未知
• 付款: 現金
• FB專頁: 良茶隅 Facebook

更多良茶隅相關資料:

• 良茶隅分店
• Youtube
• Facebook
• Twitter
• Google