祥興燒臘飯店 深水埗
地址: 深水埗北河街45號地下
最後更新:
祥興燒臘飯店推介
想當年初嚐祥興都成10年喇，諗番由青年都變左中年，由人地男友變成人地老公，再做埋人地老豆，人生一切都不知不覺的變，而有人卻故意原地踏步，呢間燒味鋪就係一個好例子。今日做野經過深水埗，肚空空，本來想食個快快老麥填肥就算，行緊去嘅途中比我眼尾望到一間曾經好熟悉嘅燒味店，心頭湧出無限嘅回憶， 伴著打大佬嘅心態（ 膽固醇），即時改向左走而唔向右走，走向呢間我以以日日揸車嚟食嘅老店食番餐。坦白講，要溝囡要威就咪嚟呢度，呢度係比一d好清楚咩叫實而不華嘅、知道咩叫好食嘅、追求究極燒味性價比嘅人去食。門口十年如一日咁舊，入到去一樣要走過溜冰場般嘅走廊，唔好expect有人走嚟問「先生小姐，今日想食d咩？」，醒目就一入門口大叫「 叉雞飯多色」然後搵個位自己位低，有會有碗永遠一樣味嘅「 咸骨冬瓜赤小豆湯」同一杯洗餐具用嘅水擺喺你面前，呢刻千祈唔好急，唔好飲湯，因為一大碟熱哄哄、好juicy嘅燒味飯由姐姐隨即奉上。想當年我食雙拼飯係32蚊送湯，10年後嘅雙拼居然加左價，可惡！重要加6蚊咁多！38蚊有沙有飯真係想點呀？（36蚊單拼）因為鋪租問題導致惡性循環，成本轉價消費者， 出面啲燒味飯通常都係得十嚿八嚿肉， 呢度係畀出面一倍嘅肉你食，重要好食過咩咩推介好食好多，絕對係高級水準， 三黃雞做嘅切雞同油雞係滑嘅又夠味，蔥油切得大大粒恰到好處， 叉燒皮香有少少焦肉嫩混元天成， 配菜係少見嘅炒芽菜簡單直接地做到甘草綠葉呢個重要角色。每樣都畀到好足料， 所以絕對係一個畀你食到飽，嘆到夠嘅用餐體驗。我今次難得經過所以叫咗份「皇牌四寶飯」食，媽啊， 除咗之前講嘅，個燒腩仔入口真係好juicy，重點係所有肉都重係暖嘅，更甚者隻咸蛋溏心黃油，真係令到叔叔不行了，食完邪惡到有信心去毀滅地球。太子爺話呢度冇野好，係個價錢好，我心諗你見笑喇，如果你比垃圾人食，就唔會一日賣成百隻雞啦。我知道佢絕對有技術衝去同再興、一樂、甘牌等等爭一日長短，但佢選擇默默耕耘， 用Canton Comfort Food守護住深水埗呢個老區嘅街坊同佢哋嘅胃口，呢種行為絕對配得上英雄呢個稱呼。你地話我嘅第一次食評唔寫佢，還誰呢？
深水埗祥興燒臘飯店
| 餐廳分店 | 祥興燒臘飯店 |
|---|---|
| 地區 | 深水埗 |
| 電話訂位 | 23864198 |
| 餐單 Menu | 港式, 燒臘 |
| 人氣指數 | 940 |
| 價錢幾錢 | $50以下 |
祥興燒臘飯店訂位位於深水埗區，詳細地址是深水埗北河街45號地下，餐廳寬敞座位數目共有未知幾多個。祥興燒臘飯店幾錢？價錢優惠後人均消費大約$50以下埋單，早餐午餐晚餐祥興燒臘飯店餐單包括有港式, 燒臘等美食，付款方式有現金付款，Booking網上訂位可以電話致電 23864198 查詢訂座。
祥興燒臘飯店優惠
祥興燒臘飯店 評價 相片
想當年初嚐祥興都成10年喇，諗番由青年都變左中年，由人地男友變成人地老公，再做埋人地老豆，人生一切都不知不覺的變，而有人卻故意原地踏步，呢間燒味鋪就係一個好例子。
今日做野經過深水埗，肚空空，本來想食個快快老麥填肥就算，行緊去嘅途中比我眼尾望到一間曾經好熟悉嘅燒味店，心頭湧出無限嘅回憶， 伴著打大佬嘅心態（ 膽固醇），即時改向左走而唔向右走，走向呢間我以以日日揸車嚟食嘅老店食番餐。
坦白講，要溝囡要威就咪嚟呢度，呢度係比一d好清楚咩叫實而不華嘅、知道咩叫好食嘅、追求究極燒味性價比嘅人去食。
門口十年如一日咁舊，入到去一樣要走過溜冰場般嘅走廊，唔好expect有人走嚟問「先生小姐，今日想食d咩？」，醒目就一入門口大叫「 叉雞飯多色」然後搵個位自己位低，有會有碗永遠一樣味嘅「 咸骨冬瓜赤小豆湯」同一杯洗餐具用嘅水擺喺你面前，呢刻千祈唔好急，唔好飲湯，因為一大碟熱哄哄、好juicy嘅燒味飯由姐姐隨即奉上。
想當年我食雙拼飯係32蚊送湯，10年後嘅雙拼居然加左價，可惡！重要加6蚊咁多！38蚊有沙有飯真係想點呀？（36蚊單拼）因為鋪租問題導致惡性循環，成本轉價消費者， 出面啲燒味飯通常都係得十嚿八嚿肉， 呢度係畀出面一倍嘅肉你食，重要好食過咩咩推介好食好多，絕對係高級水準， 三黃雞做嘅切雞同油雞係滑嘅又夠味，蔥油切得大大粒恰到好處， 叉燒皮香有少少焦肉嫩混元天成， 配菜係少見嘅炒芽菜簡單直接地做到甘草綠葉呢個重要角色。
每樣都畀到好足料， 所以絕對係一個畀你食到飽，嘆到夠嘅用餐體驗。
我今次難得經過所以叫咗份「皇牌四寶飯」食，媽啊， 除咗之前講嘅，個燒腩仔入口真係好juicy，重點係所有肉都重係暖嘅，更甚者隻咸蛋溏心黃油，真係令到叔叔不行了，食完邪惡到有信心去毀滅地球。
太子爺話呢度冇野好，係個價錢好，我心諗你見笑喇，如果你比垃圾人食，就唔會一日賣成百隻雞啦。
我知道佢絕對有技術衝去同再興、一樂、甘牌等等爭一日長短，但佢選擇默默耕耘， 用Canton Comfort Food守護住深水埗呢個老區嘅街坊同佢哋嘅胃口，呢種行為絕對配得上英雄呢個稱呼。
你地話我嘅第一次食評唔寫佢，還誰呢？
用膳時間為10月25日晚上6時半, 店面清一色坐滿中年男性, 舊區中的老店也該如此。
參考前人食評,本來因為二十多元的價錢太便宜有點卻步, 到達門前方知已加價到三十多元, 反而安心下來(有病), 前人的食評原來已是四年前, 哈哈。
店內一如期望, 沒有冷氣而只有幾把積塵的風扇。
地面黏黏的, 雜物、外賣用品隨處堆放。
陳舊的桌椅, 坐下來時要很小心別摸到枱底等地方。
餐具存放在飯桌下的抽屜裡, 打開時都有點膽怯, 幸而無事發生, 如果閣下住在附近大概外賣會比較穩妥。
本人堂食一客燒肉燒鴨飯, 跟燒味飯奉送例湯一碗, 盛惠34元, 實為超值。
燒肉: 半肥瘦帶點軟骨, 新鮮斬起, 皮脆肉嫩, 絕非頭頭尾尾堆砌而成, 調味相對比較淡。
入口時仍然暖暖的, 油而不膩, 豬油的香味帶來很大的滿足感, 正呀！燒鴨: 分到鴨胸位置, 瘦而沒有多餘脂肪。
雖然算不上熱辣辣, 入口時卻不會鞋口,大大啖的鴨肉不帶半點羶味, 食肉獸如我找不到可以挑剔的地方。
白飯: 軟稔而水份適中, 上碟時熱度亦非常夠, 伴著燒味豉油吃也是一流。
配菜: 有別於其他燒味店配的一條冷冰冰菜心, 此店配的是炒芽菜。
本人平時擔心配菜沒有洗過而不吃, 這裡的炒芽菜恰好能讓我免卻這份顧慮, 所以這份芽菜也被我全數收下。
例湯: 大大碗眉豆花生豬骨湯, 飲得出沒有味精, 就連鹽份也很少, 飲落很清甜, 飲後亦沒有口渴感。
總結此店的環境屬中下水平, 坐下來堂食要有心理準備, 燒味水平實屬上級, 價錢非常平民化, 難怪在門口排隊外賣的客人駱驛不絕。
街坊飯堂 點心排骨飯 腸粉自家拉 蔥香滑三餸飯 熱辣辣 滿枱都係餸 滿足眼球揀咗生炒骨 ~ 甜酸適中 菠蘿青椒足配料洋䓤班腩~實肉 包粉炸魚球 味較淡清炒椰菜花(福花)~清淡嘅菜香 唔油膩份量還算足夠 加錢都有例湯(水)餸菜種類多 都有水準嘅 食後冇口渴 好有住家feel白飯~ 就...飯粒又大又細 冇米型狀 冇飯香 黏黏立立 但飯身硬難分真與假 怕怕雖然有啲浪費 食餸飽就是
自從屋企樓下食開個間燒味無左之後，半年黎都無食過叉燒飯，雖然知道食開個間係深水埗有鋪，但一路都唔知係邊，今日終於俾我見番你啦，"祥興“我會記住你。
叉燒睇落瘦瘦的，但一D都唔乾唔硬食落甜甜地, 肉嫩又滑油雞一D都唔肥, 又夠滑外賣飯通常都會又乾又硬, 但係呢到既白飯一D都唔硬加埋叉燒汁仲好好味配埋薑油同芽菜, 真係好正下一次會再過去食!!~~正呀
嗰日做完野搵地方食飯,就行入去我心思思的食店,外觀係一間普通燒臘店,我叫左燒肉火鴨飯,食第一啖d燒肉係非一般燒肉,皮脆肉嫩有肉汁,鴨都一樣,我見店內係自家制,可保持水準,價錢大眾化,食完會有心思思想食的感覺,店內係一間卧虎藏龍之地,燒臘高手,大家可以去試下佢的真功夫,
祥興燒臘飯店餐單提供港式, 燒臘等推介美食位於深水埗區，餐廳座位數未知人均消費約$50以下，結賬可以用現金，Booking訂位可以電話致電 23864198 查詢。
您對於深水埗餐廳「祥興燒臘飯店」有何 comment？
祥興燒臘飯店餐廳詳細資料：
- 祥興燒臘飯店地址: 深水埗北河街45號地下 祥興燒臘飯店, 45 Pei Ho Street, Sham Shui Po
- 祥興燒臘飯店電話: 23864198
- 祥興燒臘飯店價錢: $50以下
- 分類: 港式, 燒臘
- 座位: 未知
- 付款: 現金
- FB專頁: 祥興燒臘飯店 Facebook
更多祥興燒臘飯店相關資料:
香港餐廳2026推介9月